Битолчани утрово се восхитуваа на виножитото после неколку дена дожд. Овој метеоролошки феномен многумина го регистрираа со своите мобилни телефони и уживаа во боите на виножитото.

Сметам дека нападот што се случи вчера е поради нервозата што доаѓа од изгласувањето на законот за употреба на јазиците. Не можам да коментирам дали е организирано сето ова, вклучувајќи ги и протестите пред домовите на пратениците, но во секој случај треба да се сфати сериозно.Претпоставувам дека целата клима која се создаде во јавноста за нас пратениците доведе до ваквото непресметливо однесување, и ако е тоа, му порачувам дека ниту мене ниту другите колеги вакви настапи и чинови на насилство нема да не поколебаат во нашата крајна цел членството во НАТО и ЕУ, изјави битолскиот пратеник Горан Милевски за Макфакс, по вчерашниот инцидент  кога на улица беше физички нападнат од минувач. 

Лидерот на ЛДП, Горан Милевски,  вели дека вчерашниот инцидент е срамен чин и неуспешен обид да се попречи патот на Македонија кон ЕУ и НАТО. Тој тврди дека иако дојде до елиминација на некој функционер или пратеник, Македонија ќе остане на зацртаниот пат и дека политиката која тие како владејачко мнозинство ја водат нема да биде спречена.

-И да нè елиминираат ова е политика што ќе ја спроведе некој друг. Нашата интенција е Македонија да влезе во НАТО и ЕУ и вакви испади нема да нè поколебаат тоа да го реализираме. Стратешките цели на Македонија се многу поважни од индивидуалните дејанија на лицата, вели Милевски.

Со 19 милиони евра државната компанија  Електрани на Македонија, ќе купува помошна механизација за РЕК Битола, за ископ на јаглен.

Директорот на ЕЛЕМ,  Драган Миновски, кажа дека денес е распишан тендерот, со кој ќе купат вкупно 44 машини, односно осум хидраулични багери-ровокопачи, девет булдожери, два грејдери, три автодигалки, три утоварувачи, два комбинирани градежни машини-скипови, четири телескопски чистачи на транспортни ленти, две цистерни за вода, три товарни возила со хидраулична рака за кревање и превоз на товар и осум камиони-дампери со носивост од 30 тона. Според Миновски, еден од главните трошоци на ЕЛЕМ е ангажирањето надворешна помошна механизација, за што се ангаѓираат надворешни фирми, бидејќи нема своја.

„Ова е целата помошна механизација што му е потребна на РЕК Битола за да не ангажира повеќе надворешни фирми. Во последните 10 години за ангажирање помошна механизација од надворешни фирми, РЕК Битола има платено 93 милиони евра“, рече Миновски.

ЕЛЕМ очекува машините да бидат испорачани до крајот на годината.

„Во 2019 година помошна механизација од надворешни фирми во РЕК Битола нема повеќе да се користи. Следна инвестиција во рудниците во РЕК Битола ќе биде набавката на механизација за ископ на јаглен, во рудникот Брод-Гнеотино. РЕК Битола, за разлика од рудникот Суводол, каде има сопствена рударска меганизација, во Брод-Гнеотино нема и со години им плаќа на надворешни фирми за тие да вршат ископ на јаглен, а главните количини јаглен се копаат токму таму“, рече Миновски.

За скоро ќе биде распишан  тендерот за набавка и на оваа механизација, која ќе чини 22 милиони евра.

Вц казанчиња, други елементи од тоалет, теписони, канцелариски материјали, облека и друг гломазен смет преку викендов беа исфрлени во контејнерот на Основното училиште „Гоце Делчев“ од Битола.

Претседателот на ЛДП  и пратеник од Битола, Горан Милевски попладнево бил физички нападнат на плоштадот Македонија во Скопје.

Настанот се случил во  16,30 часот, додека Милевски се движел по плоштадот, кога едно лице му се нафрлило удирајќи го со тупаници, при што пратеникот се здобил со лесни повреди по лицето и главата. 

Милевски за Апла.мк го потврди настанот.

Случајот е пријавен  во полиција и се преземаат мерки за негово  расчистување.

Атанас Стојановски, Јонче Стојановски и Асен Даскаловски беа дел од екипата која го изгради и одржуваше првиот предавател на средни бранови за потребите на Радио Битола. Фотографијата од заслужната екипа, на која има и други челнови чии имиња не ни се познати, ни ја испрати битолчанецот Владо Стојанов , чиј татко учествуваше во оваа мисија-Битола да го добие првото локално радио во Македонија.

Многу често слушам изјави од типот : Немам среќа, не чувствувам радост, зошто мене?!

Сите аларми во мојата глава почнуваат да ѕвонат. Ми иде да прашам неколку прашања кои ми навираат :Од кога се чувствуваш така? Во врска со што? Што се ти треба за да бидеш среќен? И најважното од нив Што те спречува да осеќаш среќа?

Среќата е одлука. Таа цврсто стои до нас кога ние ќе ја земиме одговорноста за сопствениот живот во свои раце. Тоагаш стануваме свесни за своите избори и одлуки, па и кога не ги правиме и тогаш правиме избор да не ги направиме. Ние сами себе се осудуваме да се чувствуваме лошо, да патиме и страдаме и најчесто не прифаќаме нешто онакво какво е, а неможеме да го промениме. Едно нека ви стане јасно Вие не сте задолжени да ги менувате оние околу Вас, вие сте задолжени себе да се менувате за ваше добро. Она што го гледате надвор има своја презентација внатре во Вас во зависност од животно искуство, околности, воспитување, едукации, особености и сл. И тоа за секој од нас е единствено.Што ставаме во фокусот тоа и ќе добиеме.

Првата работа да се вратиме кон себеси е љубовта кон себе. Радоста е наша природна состојба се додека по патот на растењето ја забораваме некаде и се убедиме себе дека не сме доволно добри, не заслужуваме, не сме доволно вредни. Секој има моќ да ја промени својата ситуација. Ако се убедиме себе дека каде што постои проблем постои и решение и ќе го најдеме.

Луѓето често забораваат на себе во трката со животот. Се критикуваат, се потценуваат, се нарекуваат себеси глупави. Да ве прашам: Кога последен пат си честитавте сами на себе за нешто? Нели во текот на еден ден правите милион работи?

Закоравените ментални шеми и одредено однесување кое го имаме, а не го сакаме е најтешко за менување, но не е невозможно. Потрудете се со соодветна поддршка да зачекорите кон љубовта, простувањето, сопствените ресурси гледајќи со чист поглед во иднината и донесете цврста одлука дека секој ден ќе направите по еден мал чекор кон сопствената моќ кој ќе направи голема разлика. И допуштете си себе да сте среќни затоа што никогаш нема да сте совршени. И не треба да сте.

Ако не го направите Вие тоа за Вас кој би можел да го направи?

Среќата е избор кој секој ден може и немора да го направиме. Ако милион нешта ни пречат дали сте ги побарале другите милион кои можат да ве израдуваат? Од таму се почнува......пробајте нема ништо да загубите, само ќе добиете.

Зашто среќата е ОДЛУКА.

Билјана Галовска,

професионален коуч и НЛП практикант

Ако продолжеше да емитува програма, деновиве ќе славеше 68 години постоење во македонскиот медиумски простор. Радио Битола, најстарото јавно локално радио во државата не работи веќе седум години, но неговиот дух не умира.

По пет години чекање, Општина Битола конечно обезбeди терен за изградба на полигон за полагање на практичниот дел од  возачкиот испит. Од Општината за апла.мк соопштија дека локацијата се наоѓа во Горно Оризари и дека државното земјиште е пренаменето во општинско со намена таму да се направи полигон.

Битола сеуште нема полигон за полагање на возачки испит, пет години инструкторите и кандидатите возат до полигоните во соседните градови. Оние кои се засегнати од овој проблем велат дека Битола има полигон во близина на селото Поешево, но се чека дозвола за негова употреба.  Владата донесе одлука да се изврши пренамена на земјоделско земјиште за полигон во близина на Битола, а веста ја потврди и градоначалничката Наташа Петровска на својот фејсбук профил. Локацијата не се откри, ниту други детали.