Полициската станица во Битола регистрирала 239 прекршоци лани, од кои над 86 проценти се случиле во градот, а преостанатите по селата. Од прекршоците во Битола 146 биле на улица или полоштад, 20 во угостителски објект, а останатите на други места.

Извештајот што СВР го достави до битолскиот Совет покажува дека поднесени биле 237 барања за поведување на прекршочна постапка.

Најзастапени прекршоци според видот, биле физичките напади, ги имало на број 109 или безмалку половина, па учество во тепачка, уживање дроги, оддавање на пијанство на јавни места, фрлање и кршење на разни предмети.

Во горниот дел на главната битолска улица Широк Сокак, на потегот од некогашното кино „Македонија“ до вино бар „Буре“ и на улица „Рузвелтова“ в недела, 17 февруари, во периодот од 7 до 15 часот,  ќе има прекин во водоснабудувањето,   информираат од ЈП „Водовод“-Битола. 

Во срцето на градот на конзулите, од чкртаници одвај може да се прочита единствената информативна табла за улицата на конзулите во Битола. Таблата содржи историски факти за конзулското минато на Битола, поткрепени со фотографии од тоа време. За жал, несовесни лица со спреј го исчкртале стаклото од таблата. На неа со напор може да се прочита дека долж оваа улица се распространети зданијата каде што биле сместени францускиот, грчкиот, српскиот, англискиот конзулат.

Општина Битола ќе го покрие надоместокот за градинка на деца на самохрани родители од Битола чија плата не е повисока од минималната. Вакво барање достави Детската градинка „Естреа Овадија Мара“ до Советот на Општина Битола да донесе одлука за покривање на трошоците за згрижување на децата од самохрани родители кои го остваруваат правото на ослободување од партиципација во Јавните установи за деца на подрачјето на општина Битола.

По традиционалните  обичаи, битолчани денеска ги закројуваат лозовите насади.На празнувањето на Св. Трифун, лозарите симболично го полеаа лозјето со вино и ракија за богат род и молба за заштита од град и суша. Го направија адетот, закроjувајќи ги лозите во чест на светителот кој според верувањето е заштитник на лозовите насади и земјиштето што се обработува. Лозарите се молат на Св. Трифун да имаат многу род и здраво грозје, велат битолчани.

Во голем дел од земјава утрово се измерени температури под нулата.  Минус 6 степени се измерени во Битола.  

Времето во Македонија претпладне ќе биде сончево со мала облачност, околу пладне и попладне облачноста ќе се зголемува па ќе преовладува променливо облачно време со сончеви периоди. Ќе дува умерен до засилен ветер од северозападен правец, особено изразен долж Повардарието. Максималната температура ќе биде во интервал од 3 до 10 степени.

И утре ќе дува умерен до засилен северен ветер, а ќе има и локални врнежи од снег, главно со слаб интензитет. Од сабота следува период на претежно сончево време со пораст на дневната температура.

Откажано е  гостувањето на Македонската опера и балет со балетот „Либертанго“, кое беше предвидено за вечерва 14 февруари во Центарот за култура –Битола. Од Центарот за култура за апла.мк велат дека настанот се откажува поради тешката сообраќајна несреќа на патот Скопје-Тетово во која загинаа 14 лица, но дека се преговара со  Македонската опера и балет, балетот да се изведе во недела на 17 февруари, во 19 и 30 часот на истата сцена.

.

И на граничниот премин „Меџитлија“ на македонско-грчката граница, попладневно променет е натписот на таблата при влез во државата, каде  сега на англиски и македонски јазик е напишано  Република Северна Македонија.

ОУ „Тодор Ангелевски“ од Битола се вклучи во меѓународен проект „Innovate your dreams-2019“ кој има за цел да им помогне на учениците да разберат и да се подготват за работните места во иднина.

Капаци од шахти низ  битолските улици  и натаму се  мета на несовесни граѓани и крадци . По реакции на битолчани  дека недостасуваат капаци од шахти на Булеварот 1-ви Мај , кај Музичкото училиште и Историскиот архив , ЈКП „Водовод“ги санира и соодветно ги  обезбеди истите .  

-По забелешки на загрижени граѓани, веднаш се испратени екипи на терен за санација на истите, велат од ЈКП"Водовод".

Кражбите на шахти во Битола траат со години, така што пред десеттина години се случуваше  да бидат украдени дури и по 200 кражби месечно , по што решението се бараше во бетонски капаци.

Сега ЈКП „Водовод“ ги охрабрува битолчани да реагираат и да пријават доколку забележат дека на одредена позиција нема шахта или инвентарот со кој стопанисува претпријатието, доколку се оштетени,  прават проблем или се евентуална опосност за минувачите или возилата.