Од актвностите на Демирхисарската летна школа во 2017 година, деновиве  излезе првата публикација од едицијата на посебни изданија на манастирот Св. Јован Претеча во Слепче. Станува збор за книгата “Мислејќи ги Илинденците. Нивниот топос денес –регионот и историографијата низ современиот спектар“ чиј автор е Ивана Хаџиевска, дипломиран историчар.

Непријатно чувство  предизвикуваат вревата, силните трескоти и уште повеќе искршените клупи и жардињери пред  платото на Битолскиот народен театар откако тинејџери на диво го претворија во скејтборд  парк. Иста е сликата  и на просторот кај  новата фонтана пред Музејот.

Минувачите се жалат дека не можат ни да поминат, ни да седнат на раат на клупите пред Театарот и Музејот, токму поради  ваквото однесување на младите скејтери.

Оваа играчка, популарна кај младите, каде доминираат физичката сила и балансот, воопшто не е спорна доколку се практикува на соодветно место во скејтборд паркот направен пред неколку години во градското шеталиште, а не на локации  каде не им е местото.

„Се навршија четириесет години како со лесен чекор ги играм македонските ора иако ја заминав седумдесетката. Орото ми доаѓа како мевлем на годините. Кога сум фатена на него како да сум млада девојка“, вели Злата Коцева, играорка од културно уметничкото друштво „Цветови“ од радовишното село Дедино. Со другите нејзини другарки, повозрасни играорки, ги затекнавме облечени во стари македонски носии на Дефилето на фолклористи низ Широк Сокак што се одржа на фестивалот „Илинденски денови“ во Битола.

Градоначалниците на општините Новаци и Могила, Љубе Кузманоски и Јасмина Гулевска се во работна посета во градот Ајдин во Република Турција. Официјалната посета се реализира на покана на градоначалничката на градот Ајдин, Озлем Черчиоглу и претседателот на Здружението на иселениците од Македонија во Турција, Тургут Ѓулмуш. 

Во рамките на посетата, градоначалниците Кузманоски и Гулевска остварија средби со градоначалници од општини кои се во состав на градот Ајдин, на кои што средби беше договорена заедничка меѓуопштинска соработка во повеќе сфери како и збратимување на македонските со турските општини. 

Околу 10 август магнетната резонанца во Клиничката болница во Битола ќе работи 24 часа, најави министерот за здравство Венко Филипче при денешната посета на установата. Тој со директорот на болницата Зоран Лазаров и другиот раководен тим во болницата договорија таа да биде пилот проект каде ќе се спроведе модел за работа на резонанцата по примерот Хрватска. Целта е да се излезе во пресрет на пацинетите и да нема долги листи на чекање.

Проблемот со бездомните кучиња во градските средини е присутен на територијата на целата држава. Според некои податоци во Битола има околу 400 кучиња скитници, но за нив нема соодветно прифатилиште, ниту третман.

Со анегдоти поврзани за фотографската дејност Петар Ставрев говореше за своето дело на свеченото отворање на изложбата „Фолклорни мотиви“ во рамките на Интернационалниот фестивал „Илинденски денови“. Неуморниот хроничат на Битола, па и на Фестивалот „Илинденски денови“ кој пак опстојува 48 години, рече дека воопшто не е едноставно да се фотографираат масовни настани каде доминираат фолклорот и традиционалната песна и игра.

Убавината на македонската носија вечерва ќе светне преку изложбата на фотографии „Фолклорни мотиви“ од истакнатиот битолски фотограф Петар Ставрев. Свеченото отворање е вечерва во Фоајето на Центарот за култура во Битола во 19 часот, а ќе се одржи во рамки на предфестивалската програма на 48 Интернационален фестивал „Илинденски денови“ во Битола.

Ќе бидат изложени четириесет фотографии со фолклорни мотиви кои Ставрев вешто и професионално ги уловил со својот фотоапарат на „Илинденски денови“, „Галичка свадба“, фестивалот во Долнени и на други манифестации. Комитското оро, играорните преплети, уникатниот македонски вез, традиционалните свадби и обичаи ќе бидат прикажани на 21 пано со фотографии.

Долговите за струја на поголемиот дел битолски училишта кои деновиве беа исклучени од ЕВН се наталожени од март 2017 година. Состојбата не е нова, но е поразителна зашто неплатените сметки се провлекуваат од времето на претходната локална власт до денес. Нема точна информација колкав е вкупниот долг, но неофицијално дознаваме дека изнесува околу 100 000 евра. Меѓу уличиштата има и такви кои седум години не плаќале струја за време на претходните директори.

Струјата не е единствената давачка која школите не ја подмирувале редовно, а биле со години толерирани. Во некои од нив вода не е платена од 2008 година.

„Музејот на ВМРО не е ниту света, ниту важна, ниту битна работа, туку е само еден од многуте музеи во Македонија“, рече историчарот д-р Александар Литовски, откако на Собраниската седница за пратенички прашања, пратеникот Влатко Ѓорчев,  денеска од говорница му се закани на Литовски, но и на останатите членови на Работната група задолжена за преиспитување на општествената и стручната оправданост за постоење на Музејот на ВМРО, дека она што ќе го направат еден ден може да биде  дел од поставката на Музејот на ВМРО