Несовесен граѓанин без да размисли подлабоко каква штета може да предизвика, вечерва, си запалил оган во внатрешните простории на Офицерскиот дом во Битола. Огнот го запалил на приземјето, најверојатно за да се стопли.

Потомците на битолското еврејско семејство Калдерон, кои беа разделени на три континенти Европа, Америка и Азија, денес се сретнаа во Битола на 75 годишината од депортацијата на битолските Евреи. Меѓу нив и Сара Ле Гутман Калдерон, ќерката на единствената Еврејка од Македонија, која го преживеала Холокаустот во логорот Аушвиц.

За да напредува еден бизнис многу е важно лесно да функционира во општеството. Република Македонија иако во изминатите години високо котираше на ранг-листата на „Дуинг бизнис“ на Светска банка, сепак во реалноста ситуацијата не беше таква.  Бизнисот се соочуваше со огромни проблеми, посебно што законите се менуваа преку ноќ, ова беше истакнато на денешната средба во Битола на претставници на УСАИД и жени претприемачи од градот, политичари, активисти огранизирана по повод 8 Март.

-Нашата цел беше зголемување на економскиот развој  и тоа на поширока основа, што повеќе чинители да бидат вклучени во приватниот сектор, да креираат вредности и да придонесуваат за нови работни места. Ние се уште работиме на бизнис климата, но сега сме фокусирани на оспособувањето на коморите да бидат гласноговорници  на бизнисот, рече Татјана Марковска, прокет менаџер во УСАИД, од секторот за економски равој.

На средбата организирана од Унија на жени на ВМРО-ДПМНЕ , присуствуваа претставнички на повеќе политички партии во градот, потенцирајќи го значењето на економската независност на жената.

-Еден од најважните чекори за една жена е да стане економски независна. Тоа е едно од најважните лични права, но и човекови права. Претприемништвото е модел кој зближува, жените да се споени во заедничкиот интерес за бизнис успех во општеството. Сметам дека ова треба да биде заедничка женска порака за партнерство, околу која сите жени треба да се обединат, рече Анита Ангелевска, претседател на УЖ на ВМРО-ДПМНЕ и советник во битолскиот Совет.

Соња Карапец, е новиот директор на Државниот студентски дом „Кочо Рацин“ во Битола.  Таа доаѓа на местото на Снежана Пажик, која долги години раководеше со домот.

Карапец на последните локални избори беше втора на листата на советници на СДСМ и коалицијата во Битола, но веднаш уште на првата седница на Советот побара  престанок на мандатот.

Нов директор е поставен и во ученичкиот  дом „Мирка Гинова “ во Битола. Таму на челната позиција од вчера е Елена Патче Спасеновска,

Ексградоначалникот на Битола Владимир Талески,  денеска полни 59 години.  После 12 години локална власт во Битола, нему му се суди за криминал со бесплатниот школски превоз, како и за негрижа за Офицерскиот дом во Битола. Пред 13 години на денешен ден Талески како кандидат за градоначалник на ВМРО-ДПМНЕ во Битола,  во изборната кампања ги честеше своите соопратијци во еден од кафичите на Широк сокак.

Владата ја усвои информацијата за реализација на проектот „Изградба на Пречистителна станица за отпадни води и рехабилитација и проширување на канализационата мрежа во Општина Битола“.

Битолскиот тим за брз одговор и спасување на планина на Дирекцијата за заштита и спасување,  викендов учествуваше на тренинг вежбата за спасување на планина „Попова Шапка 2018“, која е дел од планот за обуки на ДЗС за оваа година.

Организацијата на жени од Битола во рамки на чествувањето по повод 8-ми Март додели признанија на дваесетина кул битолчанки кои се посветени на својата професија и преку неа прават добри дела за градот.

Во пресрет на Меѓународниот ден на жената, Општина Битола во соработка со канцеларијата на ОН за родова еднаквост  и со поддршка на министерствата за внатрешни работи и труд и социјална политика, денеска одржа регионална конференција на тема „Јакнење на соработката меѓу општините во пелагонискиот регион за подобрување на превенцијата и заштитата на жените и девојчињата од насилство“.

„Од она што го побарав како извештај за тоа што се случува со киното 'Манки', мора да признам дека огромен број на средства се потрошени за него, а се уште сме едалеку од можност за истиот да биде ставен во функција зашто внатрешно, ентериерно, воопшто и не е направено. Факт е дека се уште треба да се трошат средства за истото да биде ставено во функција, а се надвор од она што ни беше ветувано во изминатиот период од претходната локална самоуправа.

За киното 'Манаки', Министерството за култура не идвои средства, но издвои за Офицерскиот дом, зграда која ако ја оставиме онаква каква што е оставена до сега, само можи во следниот период да се дораспадни, па да нема што да спасуваме.“