Транспарентно трошење на парите за Битфест, бесплатниот превоз на ученици, програма за одбележување на значајни настани и истакнати личности  со спомен обележја беа дел од барањата  на советниците да се постават како точки на дневен ред  на денешната седница на Совет.

-Барам писмена информација од општина Битола со листа на сите апликации кои пристигнале за Битфест 2018 година и листа на сите апликации кои добиле средства и колкав е износот што  го добиле. Претходно се одлучуваше со Комисија кои апликации ќе добијат средства , ние имаме формирано Комисија за култура пред пет месеци и истата воопшто не е консултирана и воопшто нема увид на апликациите. Сакам да запрашам која  е улогата на Комисијата кога најголемиот културен настан  не е поминат на истата, побара независната советничка Габриела Илиевска.

Елена Трајчевска од ВМРО-ДПМНЕ побара дополнување на дневниот ред со точка  информација за организацијата на превозот на учениците во учебната 2018-2019 година.

-До нас како советници стигнуваат реакции од наши сограѓани , родители кои покрај тоа што согласно Закон да бидат ослободени од товарот на своите деца да им плаќаат превоз до училиште и назат, тие беа приморани последните месеци од учебната  година што измина тоа да го финансираат од сопствен џеб. Поради тоа барам информациија дали и како ќе биде организиран бесплатниот школски превоз од септември 2018 година? Се наоѓаме на 40 дена од почетокот на новата учебна година , а информациите кои ние ги имаме говорат дека за неколку училишта не се потпишани договори со превозници и нема постапки во тек, рече Трајчевска.  

Дополнување на дневниот ред побара и советникот на СДСМ, Методија Илиевски со три точки.

Програма за одбележување на значајни настани и истакнати личности  со спомен обележја за период од пет години од 2018-2023 година. Одлука за поставување на спомен обележја на скулптурата „Сончев часовник“ на локалитетот Еврејски гробишта. И како трета точка Илиевски го предложи барањето за добивање согласност за  измени и дополнувања на годишниот план за вработување за 2018 година за ЈПК „Коминалец“ .

До каде е воведувањето на дополнителните автобуски линии што ги вети градоначалничката Нашата Петровска во предизборието , побара информација независниот советник Иван Чулакоски, со посебен акцент на автобуската линија за населбата Баир.  

Мнозинството единствено ги прифати точките што ги предложи советникот на СДСМ, Илиевски, за останатите се гласаше воздржано.

Претседателот на Совет, Валентин Греувски рече дека Илиевска информациите како се делат парите за Битфест може да ги побара од Општина Битола како барање за слободен пристап до информации од јавен карактер или да го постави како советничко прашање до градоначалничката. Груевски образложи дека Петровска на почетокот на битолското културно лето транспарентно ја објави сумата што годинава ќе се троши за Битфест. Што се однесува до превозот за учениците, Груевски рече дека општината работи сериозно  на оваа постапка со законски измени во овој дел.

Мало маче, галениче на општинските службеници денеска влезе во  салата на Општина Битола, пред почетокот на седницата и почна да бара храна под масите. Но, место храна од советниците доби само гушкање. Пред да почнат да расправаат за точките од  дневниот ред мачето го изнесоа надвор за да не им мјаука на советниците  додека тераат политика.

Одлучил стручната пракса како дипломиран електроинженер да ја мине во РЕК „Битола“, иако имал шанса да избере престој во други европски земји. Германецот Себастијан Ох од Нинберг, дипломец на Универзитетот во Бајројт, северна Баварија, веќе неколку недели професијата ја усовршува во Рударско-енергетскиот комбинат во Битола. Одбрал да дојде на пракса во Македонија зашто за него била непозната земја, а слушнал дека има голема термоелектрана како РЕК.

„Никогаш досега не сум бил во термоелектрана од ваков калибар, со толкава големина, за мене е фасцинантно тоа што на едно место се наоѓа и производството и рудникот, тоа што имаа сопствен рудник за кој не треба да има долги и големи транспортни ленти“, вели Ох.

Од 19 до 21 јули во Старата битолска чаршија ќе се одржи  12-то  издание на традиционалниот „Локум фест“. Овој ​фестивал својата инспирација ја црпи од културното наследство на најопеаниот македонски град, градот Битола.

Во јуни ни еден ден немало пречекорување на среднодневните гранични вредности на ПМ 10 честичките во воздухот во Битола, покажуваат резултатите од мерењата објавени на интернет страницата на Министерството за животна средина. Минатата година истиот месец загадување над дозволените среднодневни вредности имало пет дена. Овој мај само еден ден, минатиот седум, во април 2018 –та шест дена, а лани десет.

Одлучил стручната пракса како дипломиран електроинженер да ја мине во РЕК „Битола“, иако имал шанса да избере престој во други европски земји. Германецот Себастијан Ох од Нинберг, дипломец на Универзитетот во Бајројт, северна Баварија, веќе неколку недели професијата ја усовршува во Рударско-енергетскиот комбинат во Битола. Одбрал да дојде на пракса во Македонија зашто за него била непозната земја, а слушнал дека има голема термоелектрана како РЕК.

„Никогаш досега не сум бил во термоелектрана од ваков калибар, со толкава големина, за мене е фасцинантно тоа што на едно место се наоѓа и производството и рудникот, тоа што имаа сопствен рудник за кој не треба да има долги и големи транспортни ленти“, вели Ох.

Општинскиот одбор на Сојузот на борци од Битола жестоко реагира на тенденцијата на уништување на спомениците и спомен-бистите на значајни личности од НОАВМ и бара надлежните да ги пронајдат сторителите и нивните мотиви за уништување на бистата на народниот херој Панде Јовчевски Кајзеро.

Членови на ВМРО-ДПМНЕ во Битола, вечерва  во седиштето на партијата прославија 28 години Општински комитет  Битола.

-Никогаш не е доста и никогаш не е доволно кога човек сака искрено и од срце да го даде својот максимум за својот народ, за својот град и за својата татковина. Ние секогаш сме подготвени да се вложиме повеќе и да направиме се што е потребно за една поубава иднина, напиша на својот фејсбук профил  претседателот на ВМРО-ДПМНЕ во Битола, Иванчо Тошевски.

Лидерот на ВМРО-ДПМНЕ во Битола пишува „во оваа прилика сакам да се потсетиме на сите оние кои во тоа време пред точно 28 години тука во Битола, во Центарот за култура имаа храброст да ја воскреснат идејата за ВМРО во политичка партија која веќе две децении наназад важи за најголемата и најдобро организирана политичка партија во Република Македонија“.

Тошевски уште додава дека ВМРО-ДПМНЕ има идеологија, и цврста верба да ги отстрани грешките од минатото.

На убавиот Широк сокак под Камен мост деновиве  пред еден од дуќаните  поставена е  табла „Улица Кабадаја“.  Оваа досетливост побуди пријатно и позитивно чувство кај  битолчани , повеќе како  прифатлив мајтап кој зборува за животниот стил на многумина наши сограѓани. Овој термин воопшто не е туѓ за жителите на Битола, особено не како карактеристика за културниот и социјален живот во градот на конзулите, клавирите, муабетите кои се мерат со испиено кафе.

На 15 јули, денот кога е роден народниот херој Панде Јовчевски Кајзеро, осквернавена е неговата биста во дворот на месната заедница на улицата „15 Корпус“ во Битола. Непознати сторители ноќта во саботата спроти неделата ја обезглавија бистата која најпрво била удирана, па откорната од мермерниот постамент кој е оштетен, а оштетувања има на главата и рамената.