На денешен ден, 17 јули во  2016 година во Скопје, починал Трајче ГРУЈОСКИ, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија.

Бил роден на 19 август 1921 година во селото Раково, Леринско, Егејски дел на Македонија.

Бил член на југословенската комунистичка младиниска организација (СКОЈ) и на Комунистичката партија на Југославија (КПЈ) во 1939 г., член на Месниот комитет на СКОЈ во Битола (1941) и секретар на Обласниот комитет на СКОЈ. Бил борец на Битолскиот партизански одред "Јане Сандански" (1942), инструктор на Леринскиот партизански одред "Вичо", политички комесар на чета во Битолскиот партизански одред "Гоце Делчев" (1943), член на Вториот областен комитет на Комунистичката партија на Македонија (КПМ) во 1943 г. и заменик-политички комесар на Втората оперативна зона на Народноослободителната војска и партизанските одреди на Македонија (НОВ и ПОМ).

По ослободувањето дипломирал на Правниот и на Економскиот факултет, а потоа докторирал на темата „Битола - дејството на основните општественоекономски факори врз развитокот“.

Бил редовен професор на Економскиот факултет и на Факултетот за безбедност и општествена самозаштита во Скопје, директор на Уредот за статистика на Народна Република Македонија (НРМ), секретар на Извршниот совет на НРМ, сојузен секретар за законодавство и организација на власта на Сојузниот извршен совет (СИС), претседател на Републичкиот совет на Собранието на Социјалистичка Република Македонија (СРМ), потпретседател на Извршниот совет на Собранието СРМ, член на Сојузниот извршен совет, судија на Уставниот суд на СРМ, претседател на Претседателството на Сојуз на здруженијата на борците од Народноослободителната војна (СЗБНОВ), член на Централниот комитет на Сојузот на комунистите на Македонија (СКМ) и републички пратеник.

Неговите научни трудови се однесуваат главно на Антифашистичката војна и на економскиот развиток на Битолско.

Бил носител на „Партизанска споменица 1941“ како и на низа други ордени, награди и признанија.

подготвил: д-р Александар Литовски, историчар

Јавното претпријатие „Пазари“ во соработка со ЈП „Нискоградба“, за првпат по 15 години, спроведоа акција за целосно чистење на канализационата мрежа во градскиот пазар, а исто така надминат е проблемот кој се појавуваше на просторот каде што се поставени тезгите  при секои поголеми врнежи од дожд.

Битолската пожарна ќе се поднови со 16 дишни апарати, 42 специјални комбинезони за гаснење пожар на отворен простор, комплет со пожарникарски ракавици и чизми. Опремата се набавува во рамки на проектот Јакнење на капацитетите на територијалните противпожарни единици во Пелагонискиот регион (Битола, Прилеп, Ресен).

Центарот за развој на Пелагониски плански регион и Министерството за локална самоуправа на РМ, го потпишаа договорот за реализација на овој проект. Проектот е аплициран до Бирото за рамномерен регионален развој, а вкупната вредност е 4.163.550 денари.

„Поштомување“ е новата книга поезија на битолчанката Биљана Т. Димко во издание на фондацијата „Д-р Димитар Котевски“ Битола, а истата беше промовирана пред широката јавност на манифестацијата ,,Пријатели на фондацијата“, поезија на Широк Сокак 2018.

Позитивна критика за книгата напишаа познатиот лингвист, поет, есеист Радован П. Цветковски и м-р Симона Петровска. Радован П. Цветковски напиша дека Димко во своите стихови отвора нова поетска врата, потпирајќи се на народното и на мисловното по нешто блиски до Блаже Конески.

Секторот за внатрешни работи Тетово и Секторот за внатрешни работи Битола поднесоа кривични пријави против три лица за случајот со оставеното бебе пред влезот од Домот за доенчиња во Битола на втори јули годинава. Пријавите се поднесени против малолетната мајка на бебето, нејзиниот невенчан сопруг и нејзиниот татко.
Поради основи на сомнение дека сторилa кривично дело „напуштање немоќно дете“ поднесена е кривична пријава до Основното јавно обвинителство Битола против  17-годишната мајка од Желино. 

Министерството за животна средина издвои 3,5 милиони денари за доизградба на колекторскиот систем кој ќе ги опфаќа отпадните води од  Потпелистерските села, најави денеска заменик министерот за животна средина Јани Макрадули на средбата со градоначалничката на Битола, Наташа Петровска.

Ако лани на одлагалиште имаше непокриена површина со пепел од 30 000 метри квадратни, сега тоа е сведено само на 5000 метри квадратни, рече Јани Макрадули, заменик министер за екологија на днешната средба со претставниците на невладините организации, пелагониските општини и раководството на РЕК во комбинатот.

Форд фокус рано изутринава бил опожарен во строгиот центар на градот  на паркингот кај комплексот згради „Стара болница“.Станува збор за семејното возило на партиски функционер на СДСМ во Битола, поранешен советник во Советот  на Општина Битола.  

Спасувачите од Дирекцијата за заштита и спасување синоќа по полноќ кај Мало Езеро го пронајдоа залутаниот француски турист. Се работи за 23 годишно момче кое вчера попладне само се искачувало на Пелистер. 

Француски турист се загуби на Пелистер, а по него до доцна во ноќта трагаа спасувачи од Дирекцијата за заштита и спасување, дознава Апла.мк.