„Пратениците во Собранието сме исправени пред една од најголемите историски одлуки кои Македонија ги има откако е самостојна, а пак доказот ни го дадоа граѓаните. Гарѓаните на 30 септември јасно кажаа и ни порачаа дека сакаат Република Македонија да ја видат во ЕУ и НАТО прифајќајќи го договорот потпишан со Грција. Оттаму јас верувам , уверен сум дека мнозинството пратеници, 80 од нив минимум, и оние од СДСМ, и оние од ВМРО-ДПМНЕ и оние кои се од другите политички партии се на линија на обврската и одговорноста и дека во клучниот момент кога овие предлог измени ќе бидат на Пленарната седница ќе гласаат за неопходните измени се со цел на идните генерации да им обезбедиме иднина во НАТО и ЕУ“.

Раскинат е договорот меѓу Клиничката болница од Битола и фирмата „Градски паркинзи“ за стопансување со паркинг местата во кругот на Болницата. Од Клиничката болница соопштија дека во најбрз можен рок паркингот ќе го превземат во целост.

„Сакаме да ги замолиме нашите пациенти за поддршка и разбирање за метежот кој би можел да настани во следниот период со паркирање на автомобилите во дворот на болницата. Стручен тим од болницата многу бргу ќе го превземи паркингот и ќе го стави во владение со што ќе се воспостави ред со паркирањето“, соопшти портпаролката на Болницата, Сузана Конеска.

Болницата планира да го поправи и преасфалтира дворот пред установата.

Од Клиничката болница уште пред неколку месеци се пожалија на концесионерот поради неисполнување на обврските по договорот за одржување на пристапните патеки до паркинг местата во кругот на болницата. 

Делегација од Косово беше во работна посета на Јавното претпријатие „Стрежево“ во Битола. Во делегацијата имаше претставник од министерството за земјоделие на Косово, директорите на хидро системите Ибер - Лепенец и Радоњичи - Дукаџини и регионални преставници на Светска банка. 

„Целта на нивната посета на Хидро системот ‘Стрежево’ е размена на работни искуства и стекнување на знаења за функционирањето на динамичката регулација, деталната цевководна мрежа, повеќе наменското искористување на водата ( наводнување, производство на електрична енергија, одгледување на пастрмка) и примена на наши искуства кај нивните хидро системи“, рече директорот Менде Граматковски.

Во пресрет на Денот на востанието на Македонија, 11 Октомври, децата  од Јавната општинска установа, „Естреја Овадија Мара“, односно групите на возраст од 4 до 6 години од градинката „Пролет“, денеска се поклонија и положија цвеќе пред споменикот на нивниот патрон, во дворот на Здравствениот дом во Битола.

100 000 Македонци живеат во Германија, а секојдневно работни визи бараат од 80 до 100 лица, но ние сакаме развојот да е во насока тие не само да ја напуштаат својата земја, туку да се вратат дома и тука да ги применат знаењата и искуствата, рече германскиот амбасадор Томас Герберих при денешната посета на Битола.

Со уредување на тротоарите на улицата  „8ми Септември“ , односно влезот во Битола од страната на Прилеп, деновиве завршува реконструкцијата на оваа фреквентна сообраќајница,   по што ќе следи хоризонтална и вертикална сигнализација. Истовремено се уредува и тротоарот на улицата „Булевар 1 ви Мај“, под Музичкото училиште, информираат од локалната самоуправа. 

-Во рамките на инфаструктурните активности, на улицата „8ми септември“ се уредува тротоарот, а паралено со оваа локација, се уредува и тротоарот под Музичкото училиште. Двете локации имаат опфат од 600 метри, за што од буџетот на Општина Битола се издвоеи 1 милион денари за спроведување овие активности, рече градоначалничката Наташа Петровска.

Реконструкцијата на северниот главен сообраќаен влез во Битола  започна во април, при што беше променета и канализационата мрежа, а нов асфалт е поставен во должина од 2,5 километри. За реалзиација на овој проект Општина Битола издвои 8,5 милиони денари, а допoлнителни средства се обезбедени и од ЈП за државни патишта.

Градончалничката Петровска информираше дека се очекува сите започанти инфраструктурни зафати во Битола и некои рурални населби да завршат до крајот на оваа градежна сезона.

-Покрај овие инфраструктурни активности, во тек се и останатите, а со завршувањето на оваа градежна сезона, во ноември сите зафати ќе бидат затворени. Во зависност од тоа како ќе овозможуваат временските услови,така ќе се движиме со инфраструктурните зафати, рече Петровска.

Паралелно, се работи и на магистралниот пат Прилеп-Ресен, на обиколницата над Битола, а во  поголемиот дел на оваа делница поставен е нов асфалт. Оваа реконструкција ќе чини околу 1,5 милиони  евра, а се очекува градежните работи да бидат завршени и пред предвидениот рок од осум месеци.

Жежовска е професорка по германски јазик, но во претставата „Меѓу нас е тивко“ се јавува и како актер во Младинската секција при Интимен театар во Битола. Иако млада, секцијата е доволно возрасна за преку театар да проговори за најгорливите проблеми на Битола кои со години наназад беа премолчувани во повеќето театарски претстави во градот.