„Непрекинато откривам дека никако неможам да ги откријам луѓето. Она што го кажуваат не е она што го прават, а дали е она што го мислат? Можеби ни сами не знаат!“

Меша Селимович

Ви се чини дека знаете сѐ за другиот, каде греши, како треба да се однесува, која работа му прилега, кое однесување согласно ситуацијата треба да го манифестира... Ако се прашаме доволно искрено ни сами за себе не знаеме секогаш. И иако е полесно да ,,му делиме ум“ на оној другиот, не замислувајќи ни одблиску каков би ни бил животот да сме во неговите чевли, понекогаш се заглавуваме во нашиот без да сме свесни.

Кога ќе се заглавиме во себе, најефектна е онаа народната ,,роди ме мајко со к ֙смет и фрли ме на буниште“. Демек, ако имаш среќа нема да се мачиш, туку секогаш ќе имаш слободен ум и работите сами ќе пристигнуваат во твојот живот. И тогаш ќе бидеш ти –ТИ секогаш. Уште да беше така лесно и секогаш да бевме она кое се прикажуваме дека сме пред другите!

Каде грешиме? Скоро никаде, освен што имаме преголеми очекувања од оние околу нас. При тоа ние едно чувствуваме, друго мислиме, трето правиме. Во меѓувреме секогаш сме сигурни дека „проблемот’’ не е во нас туку во оној другиот. Најголемиот апсурд е исчекувањето другите да ги задоволат нашите барања и очекувања. Така имаме сигурна зона на разочарувањето. Дури во неа можеме слободно да страдаме. Ако некој не се однесува според нашите стандарди тогаш проблемот не е во нас. А, и како би можел да биде? Звучи логично ,нели? Е не е!

Се препознавте некаде? Ако е така на добар пат сте да го слушнете она што следи. Влегувате во домот на соседите и почнувате да им ја преуредувате куќата, дворот, гаражата и да расчистувате она што Вас ви смета? Сигурно ќе бидете избркани од таму. Неможете да правите нешто што некој не го бара од Вас само заради тоа што сметате дека така треба. Ниту пак може да се надевате дека некој знае што точно имате во вашиот ум, па ќе го задоволи вашето очекување. Нити пак, она што Вас ви смета на другиот треба да му смета исто така.

Ставете го фокусот на себе. Средете го домот (преиспитајте се и видете каде сте сега и каде сакате да бидете), тргнете ја прашината (тајм аут за црните мисли), додајте некои детали за амбиентот да е поубав (насочете го фокусот на некој цел), а кога ќе дојде соседот и ве праша на кој начин го средувате домот или вашата градина,слободно може да го покажете вашиот пример и да објасните.

Малите работи носат големи промени. Битно е секој ден да се активираме. Ако Вие се ослободите од сопствените очекувања имајќи во предвид дека сте задолжени само за себе и може да работите само на себе, тогаш животот ви тече во друга насока. Ослободени од очекувањата имате сопствено право да работите на себе и тој пример да го пренесувате на оние кои ќе го побараат тоа од Вас. Во меѓувреме усогласете се колку можете повеќе. Таа усогласеност на телото, умот и срцето никогаш не доаѓа однадвор. Потребно е само секој ден да направиме по еден мал чекор.

Пишува,

М-р Билјана Галовска

(coaching & NLP practitioner), info – Оваа е-адреса е заштитена од спамботови. Треба да ви е овозможено JavaScript за да ја видите., 072/252-603

НА ДЕНЕШЕН ДЕН, 8 јули во 1943 година во Битола е убиен Трајче МАГЛОВСКИ, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија.

Роден бил во селото Смилево на 4 мај 1923 г. Бил ученик во Битолската гимназија и уште тогаш стапил во напредното движење.

Бил меѓу најактивните членови на југословенската младинска комунистичка организација СКОЈ во нејзините антиокупаторски активности во Битола. Заради тоа повеќепати бил апсен од бугарската фашистичка полиција, но секогаш храбро се држел и не ги предавал своите другари.

Во јуни 1943 г. штотуку излезен од затвор, на пат за селото Лавци бил фатен и уапсен од локалниот полјак Перо Василевски-Пачата, а при обидот да му побегне бил убиен.

Подготвил: д-р  Александар Литовски, историчар

Невремето што попладнево зафати делови од Пелагонија, предизвика големи штети врз земјоделските посеви, посебно во село Српци и неговата околина, каде врнеше град со големина на орев. Оштетувања најмногу има кај тутунот, но земјодлесците, велат дека уништено е се што е посадено.

-Градот го покоси целиот род, ништо не остана. Тутунот, лозјата, бостанот, пченка и пченица, се е уништено.  Врнеше дваесетина минути, најмногу штети има во  Српци, велат за жители од ова село за апла.мк

Тие бараат општинската комисија на Могила, формирана пред две недели кога град зафати други села во Пелагонија, да изврши увид и да направи проценки на штетите врз нивните имоти.

Речиси никој од земјодлеците од овој крај немаат осигурување за посевите.

Покрај песните, битолската публика ќе го памети пејачот и актер Влатко Илиевски и по неговата енергична актерска игра во претставата „Есенин“ кој во 2013 година беше одриграна на сцената на Народниот театар во Битола. Познатиот македонски пејач, кој по професија е актер, ја играше главната улога на познатиот руски поет Сергеј Александровиќ Есенин во истоимената претстава, која ја режираше битолчанецот Благојче Божиновски. Претставата која беше дел од премиерите на Народниот театар во Битола за сезоната 2013-та, ја опишуваше руската диктатура која според делото поставено на сцената, придонела поетот да се самоубие.

Како ретко кога досега, ова лето ги нема дивите продавачи на земјоделски производи со бостан или  зеленчук, најчесто лоцирани на тротоарите и раскрсниците низ градот. Комуналната инспекција при Општина Битола и сообраќајната полиција во неколку акции ги отстранија дивите пазарџии и будно ги следат состојбите.

На високите летни температури вообичаена глетка е деца да се разладуваат во градските фонтани.

Така беше и денеска во фонтаната пред битолскиот Завод и музеј, која е изградена на местото на култната бела фонтана.

Две сосема голи деца го привлекоа вниманието на минувачите, а турските туристи кои влегуваа и излегуваа од Музејот запираа и ги фотографираа децата, кои најпрво се искапија, а потоа се сончаа на мермерот од фонтаната, која битолчани шеговито ја викаат „поило“.

Јавното претпријатие „Комуналец“ во соработка со Општина Битола и компанијата „Пако Мак“ од Скопје обезбедија 150 канти и 10 контејнери за пластичен отпад во битолската населба Стрелиште. Ова е четврта населба во градот што добива канти за пластика, а целта е кај граѓаните да се подигне свеста за селекција на отпадот. Досега вкупно се обезбедени 1650 канти и 150 контејнери за пластика.

Во Тетово е откриена мајката на напуштеното бебе, потврдуваа од полицијата во Битола за апла.мк. Таа е се уште малолетна и за неколку месеци  ќе  наполни 18 години.Штипката од папочната врца како и алката што бебето ја имало по породувањето, беа првата трага за откривањето каде било извршено породувањето и која е мајката на бебето.Случајот сега ке го превзема  Центарот за социјални работи од Тетово  во соработка со Центор од Битола.Во неделата ноќта бебе старо само неколку дена од две машки лица беше оставено во раце на битолчанец  да го предаде  во Домот за донечиња во Битола. Тоа е згрижено и се наоѓа во добра општа состојба.

Сенатот  на Универзитетот „Св. Климент Охридски“ ќе одлучува дали професорката од Високата медицинска школа Елизабета Попова Рамова ќе се врати на  работа или ќе го потврди отказот даден од раководството на школата. Во вторник на 10 јули Сенатот по жалбата на професорката Попова Рамова ќе одлучува на седница во Охрид.

Во Кафе бар „Радост“, како дел од програмата на Битолското културно лето се одржа фестивалот за литература и аудио визуелни уметности „300 работи 300“. Дел од вчерашната програма беше презентацијата на филмски сценарија – Записник 006, изложбата Магента на Илија Талев, како и проекција на филмот „Берлин проект (2011)“ од Иво Трајков. Денешната програма вклучува филмаџиско кафе, музика со ДЈ Деx и презентација на храна и музика со ДЈ Ален Туцо.