Култниот белградски алтернативен рок бенд „С.А.Р.С.“ го преполна плоштадот Гоце Делчев во Битола. Публиката ужива во нивните хитови. Бендот настапи вечерва во рамки на 17-то издание на фестивалот „Битола отворен град 2018“ во организација на Младинскиот културен центар од Битола.

 „Свеже Ампутирана Рука Сатријанија“ или скратено „С.А.Р.С.“ е српска алтернативна рок група од Белград, основана во 2006 и од тогаш до денес имаат издадено 9 албуми, многу успешни турнеи и популарни песни. Нивната музика е комбинација од поп, рок, реге, хип-хоп и блуз, со елементи од традиционалната српска народна музика.

Групата добива награда за музичко откритие за 2008 година од TV Metropolis и освојува две награди од страна на публиката во гласањето кое било организирано од интернет магазинот Popboks за најдобар дебитантски групата и најдобар сингл во 2008 година.

Годинава настапат во Битола после 7 години каде во 2011та го промовираа нивниот тогашен втор албум „Перспектива“ во рамките на фестивалот Битола отворен град.

На големиот концерт како предгрупа настапија и бендовите „THE PRODIGY live tribute band“ од Белград и “FUNK SHUI” од Скопје.

„Добиена потврда за конзерваторско одобрение за Офицерски Дом“, напиша градоначалничката Наташа Петровска, вечерва на својот ФБ профил.

Странските туристи штом ќе дојдат во Битола најпрво одат да вкусат од специјалитетот подготвен на традиционален македонски начин , „сач“ во националниот ресторан „Грне “ на плоштадот Магнолија, дури потоа ги распакуваат куферите, вели менаџерот на ресторанот Пеце Тоскоски.

Со пари од европските фондови за прекугранична соработка  Битола ќе добие кино на отворено. Проектот предвидува набавка на опрема за киното која ќе биде ставена во функција на културнито развој на градот, како и опрема за туристички информативен центар на локалција која ќе биде во интерес на сите посетители на Битола.

Заврши првиот дел од проектот за подобрување на состојбата со снабдување на електрична енергија на ромското население во населбата Баир. Инвестирани се 2,5 милиони денари, при што се поставени нови линии, подобрени се и веќе постоечките, а во тек е приклучувањето на домаќинствата на електричната мрежа.

Годинашниот лауреат на „Златна Камера 300“ за животно дело е оскаровецот Роџер Дикинс, беше соопштено на  првата прес-конференција посветена на 39-тото издание на Интернационалниот фестивал на филмска камера „Браќа Манаки“. Уметничкиот директор на фестивалот, Благоја Куновски – Доре, рече дека за големината на  годинашниот лауреат на „Златна Камера 300“ за животно дело, големиот британски и светски кинематографер, Оскаровецот Роџер Дикинс, сведочат импозантните бројки од 115 најразлични светски филмски награди и 148 номинации.

Битола е подготвена за големиот  музички концерт што ќе се одржи утре вечер  под отворено небо, на плоштадот Гоце Делчев со почеток во 21.00 часот. Бендовите “С.А.Р.С”, „THE PRODIGY live tribute band“ и “FUNK SHUI” гарантираат одлична забава за сите љубители на добрита музика и концерното расположение. Концертот е дел од фестивалската програма на Битола отворен град 2018 година.

Денес на програмата е Младински предизвик и јавна дискусија, со почеток во 19 часот во салата за презентации во МКЦ – Битола, каде битолчани ќе имаат можност да поразговараат на темата Што може Битола да научи од Нови Сад? Наши гости се дел од координативниот тим на OPENS 2019 - Европска Младинска Престолнина 2019.

Европската унија одлучи: Македонија започнува преговори за полноправно членство во 2019 година.
Ова е голем успех за Македонија, постигнат со силна желба за подобра сегашност и иднина на сите наши граѓани, рече на денешната прес конференција генералниот секретар на СДСМ, битолчанецот Александар Кирацовски.

Кино клубот „Милтон Манаки„ од Битола,  денеска им ги врачи високите признанија на двајцата нивни членови, Христијан Кочовски и Ема Лазаревска,  кои за нивните 2 филма се стекнаа на меѓународниот  фестивал на краткометражен филм  во Шумен-Бугарија.

Времтот денеска е облачно и свежо со врнежи од дожд, кои попладнево и во текот на ноќта ќе бидат пообилни и поинтензивни, а ќе дува умерен северен ветер, најавуваат од УХМР.