Про боно или без пари, за општо добор  е ангажманот на поранешниот генерален секретар на НАТО Џорџ Робертсон за „За европска Македонија“. На синоќешната трибина во Битола, граѓанин го запраша лордот Робертсон кој  го платил патот да дојде до Македонија?

-Од  2001 година од кога дојдов во Македонија и физички, и со срцето  и со мислите јас сум тука и сум заинтересиран за Македонија, одговори Робертсон  поддржан со силен аплауз од публиката.

Скромни се барањата на италијанската и светски позната филмска актерка Клаудија Кардинале (80), пред 39. Интернационален фестивал на филмската камера „Браќа Манаки“, кој почнува в сабота и трае до 29 септември. Кардинале ќе учествува на свеченото отворање и лично ќе ѝ биде врачена специјална златна „Камера 300“ за особен придонес во светската филмска уметност, пренсува весникот „Независен“. 

Поранешниот генерален секретар на НАТО, Џорџ Робертсон ја поздави Битола како да е главен град на Македонија, откако и националниот координатор за НАТО во Македонија, Стево Пендаровски, рече дека таа е стариот главен град на Македонија и ги повикаа битолчани да излезат на рефрендумот. Тие гостуваа на трибината „За европска Македонија“ што се одржа на отворено на местото каде некогаш беше Белата фонтана во Битола.

Активностите  околу проектите за топлификација и гасификација на Битола беа главните теми на кои денес се разговараше на средбата на градоначалничката Наташа Петровска со генералниот директор на АД ЕЛЕМ Драган Миновски, директорот на инвестиции и развој во АД ЕЛЕМ Иван Трпески, директорот на РЕК Битола Васко Ковачевски и помошник директорот за производство во РЕК Битола Златко Ќурчиевски. Раководството на АД ЕЛЕМ и РЕК Битола ја информираа градоначалничката Петровска за конкретните активности во однос на реализацијата на овие процеси, со што во наредниот период треба да се интензивираат проектните активности.

Менде Трајковски пчелар од селоМаково ,Општина Новаци за Мариовскиот органски мед освои сребрен медал на Меѓународниот саем за храна и земјоделство АГРА 2018 што се одржа во Словенија. Наградата ја освои во силна конкуренција од 147 примероци на мед од Европа и пошироко. Ова признание има уште поголемо значење ако се има предвид фактот што саемот АГРА 2018 е еден од најстарите и најквалитетните меѓународни саеми за храна и земјоделство.

Оваа година Република Македонија беше земја партнер на саемот така што на простор од 140 квадратни метри покрај Мариовскиот органски мед беа изложени над 100 други производи како ајварот, лутеницата, традиционално овчо сирење и јагне, органска храна, вино...

Дека улицата „Васко Карангелевски“ во Битола  е една од сообраќајните црни точки во градот, потврдуваат и  статистичките податоци на СВР Битола. Во периодот од 2003 до 2015 година на оваа улица потешко и полесно се повредени 38 пешаци, од кој голем број се деца. Речиси е невозможно безбедно да се помине улицата на пешачкиот премин кој води кон основото училиште „Елпида Караманди“, но и кон Дневниот центар за лица со пречки во развојот.

И оваа среда бесплатен доручек  и ужинка од млекарницата „Бимилк“. Неодоливата понуда се состои во свеж, вкусен и здрав сендвич за доручек и парче Chees cake и чипс закуска  за попладневната пауза со колегите на работа. Производите се подготвени со Битолската павлака, која е вкусна во секаква комбинација со храна.   

Поранешниот генерален секретар на НАТО, Џорџ Робертсон, денес ќе присуствува на трибина во Битола по повод престојниот референдум за влез на Македонија во НАТО и ЕУ. Трибината со почеток во 18 часот ќе се одржи на платото пред Завод и музеј во Битола. На неа ќе зборуваат екс-генералниот секретар на НАТО Робертсон, националниот координатор за НАТО Стево Пендаровски и грдоначалничката Наташа Петровска.

Џорџ Робертсон го водеше НАТО за време на турбулентните времиња на Балканот, војните во Босна, Косово и конфликтот во Македонија.

Телевизори, шпориња, фрижидери, фотелји и друга покуќнина  честопати може да се види во реката Драгор. Денеска оваа збирка е надополнета со двосед.