Јавното претпријатие „Стрежево“ од Битола ги известува сите индивидуални корисници на вода за наводнување од системот  на ЈП „Стрежево“ Битола дека ќе може да склучуваат договори за снабдување со вода за наводнување, за сезоната 2018 година, во Дирекцијата на претпријатието- Службата за наплата, почнувајќи од 07.30 до 15.30 часот , секој работен ден од 30.05.2018 година (среда) заклучно со 01.07.2018 година..

Руската принцеза Александра Наришкина ја водела руската болница во реонот на мариовското село Скочивир за време на Солунскиот фронт. Ова е запишано на информативните паноа прикачени крај селото кои содржат информации за воените дејствија во регионот.

Имено, во околината на Битола во периодот на воените дејства од 1916 до 1918 година постоеле повеќе болници, истурени санитетски единици на сите армии вклучени во војната на ова подрачје. Една од најзначајните болници се наоаѓала во село Скочивир, а формирана и раководена од руската принцеза Александара Наришкина. Таа во 1916 година отворила болница за сојузничките воени единици во Солун, а една година подоцна свој оддел оваа болница имала и во Скочивир во Мариово. 

Со европски пари уреден е рекреативен парк крај мариовската река Коњарка, во близина на новачкото село Скочивир. Преку проектот за прекугранична соработка меѓу Македонија и Грција насловен како „Жива природа, жива историја 2“ беа доделени 80 000 евра за да се уреди едно од омилените место за рекреација во општина Новаци.

Камион натоварен со бекатон плочки се преврти на патот Битола-Ресен кај превојот Ѓавато, откако му откажал системот за кочење.

Најпрво камионот удрил во заштитната ограда крај патот, по што се превртил.

Камионот е со битолски регистерски таблички, и е предизвикана само материјална штета. Нема жртви, ниту повредени, потврдуваат од СВР Битола за апла.мк

Во  Битола краткотраен пороен дожд и темни облаци. Во исто време, на запад, сонце на заоѓање го грее Потпелистерието

Од кредитот за изградба на улици во поранешната касарна што го подигна бившата локална власт во висина од 2 и пол милиони евра, сега останале пари, па новата локална власт ќе прави уште десет нови улици во новата населба Златен рид. Независната советничка Габриела Илиевска на говорница побара градоначалничката Нашата Петровска да образложи дали од оваа дистанца задолжувањето било наменско.  

-Дали денес вршиме проширување  на одлуката на онаа „селска“  или Светска банка што ја нарекувавме кога бевме заедно во опозиција за подигнување на кредит. Би сакала да го цитирам колегата  кој тогаш рече „ако ова е во ред зошто тогаш не се нацрта Владимир Талески , туку вас ве пушта по вода“. Денес го имам истото прашање –Зошто денес ако ова е во ред и ако овие пари од кредитот се во ред не се нацрта Наташа Петровска , туку вас ве пушта по вода ? Горда сум што сум гласала против ваков кредит и се уште сметам дека не требаше , бидејќи тогаш еден од колегите од опозицијата кој сега е директор рече: зошто не побаравме позајмица од Владата без камата? Би сакала некој од власта да кажи  сега дека Владата на Р. Македонија и дала позајмица на Општина Битола без камата, рече независната советничка Илиевска.

Освен Илиевска никој друг не ја коментираше новата одлука.  

-Бидејќи никој не бара збор ја заклучувам точката и одлуката за дополнување на одлуката со која од првично предвидените ќе се изградат 10 нови улици во поранешната касарна, ја ставам на гласање, рече претседателот на Совет, Валентин Груевски. За одлуката се гласаше едногласно и од советниците од власта и од двајцата советници од „Поинаку“. Советниците на ВМРО-ДПМНЕ пред тоа ја напуштија седницата.

Врз основа на член 20 од Законот за финансирање на единиците на локалната самоуправа („Сл. Весник на РМ“ бр.61/04, 96/04, 67/07, 156/09 и 47/11), член 4 од Законот за јавен долг („Сл.Весник на РМ“ бр.62/05, 88/08, 35/11 и 139/14) и член 36 од Законот за локална самоуправа („Сл. Весник на РМ“ бр. 5/02), Советот на Општина Битола на седницата одржана на 00.00.2018 година, донесе:

                                                                                                               О Д Л У К А

за дополнување на одлуката  за долгорочно домашно задолжување на Општина Битола во рамки на Проектот за подобрување на општинските услови (МСИП)

                Член 1

Со оваа Одлука се врши дополнување на Одлуката за долгорочно домашно задолжување на Општина Битола во рамки на Проектот за подобрување на општинските услови (МСИП), („Сл. Гласник на Општина Битола“ бр. 00) на начин што во членот 1 по зборовите „Рокдаил“ се  става запирка и се додаваат следниве улици: СРУ6, СтУ5, П28 и СРУ6А, именувани како „Илија Николовски – Луј“; СтУ2  именувана како „Тодор Скаловски“; СРУ7 именувана како „Рокдаил“ и СтУ1 и СтУ 1.1 именувани како „Григор Прличев“.

 Во истиот член по зборовите „Св. Јован Кукузел“ се додаваат следните улици: СтУ9, СтУ10 и СтУ10А именувани како „Митрополитска“.

Член 2

Одлуката влегува во сила со денот на донесувањето, а ќе се објави во Службен гласник на Општина Битола.

До крајот на летово АД ЕЛЕМ ќе поднесе барање за добивање А-интегрирана еколошка дозвола за РЕК Битола, најави денеска генералниот директор на Електрани на Македонија, Драган Миновски.

Советот на Општина Битола денес донесе заклучок за изнаоѓање на решение за санација на опожарениот дом „Копанки“. Според заклучокот, Советот се обврзува дека ќе обезбеди 100 000 евра за обнова на домот. Воедно беше упатен и повик до Планинарско-спортскиот клуб „Пелистер“ да продолжи со разговори со градоначалничката на Битола за градење на взаемно прифатливи услови за изградба на домот во интерес на општо добро. Понатаму, беше истакнато дека Општината во овој момент нема законски основ за вложување зашто стопроцентен сопственик на домот е Планинарското друштво.

Во Пелагонија во изминатите 11 дена, заклучно со утрово, наврнат е воден талог од 21 до 64 литри на метар квадратен. Дождливо време ќе имаме и во наредните денови, но и следната недела, информираат од УХМР.