Долно Дупени ги зачува старите камени градби, препознатлив белег на ахритектурата во Преспа.

РК "Пелистер" заедно со навивачката група "Чкембари" ја покажаа својата хуманост на дело. Тие денеска донираа огревно дрво и прехрамбени продукти на  62 годишната битолчанка Љуба Поповска , која преживува од скромна социјална помош од 1400 денари.

Министерот без ресор во Владата на Република Македонија, Зоран Шапуриќ кој е  задолжен за регулативата за подобрување на инвестициската клима за домашните претпријатија, вчера попладне ја посети oпштина Битола, и оствари средба со градоначалничката Наташа Петровска. На средбата, Петровска детално го запознала министерот со финансиската состојба во која се наоѓа општината, а  разговарале и за насоките во кои е предвидено понатамошно делување со цел создавање на поволна бизнис клима за понатамошен развој и напредок на домашните претпријатија, како и за мерките кои се предвидуваат со цел подобрување на инвестициската клима за отворање на нови домашни претпријатија.

За утре во Битола е најавен  настан за размена на мислења и подигнување на свеста за мигрантите и бегалците  како  проект  на УСАИД.  Настанот „Кафе со бегалците и мигрантите” ќе се одржи во кафулето Интермецо со почеток во 11 часот.

На овој настан според најавата присутните ќе имаат можност да погледнат  емотивно видео во кое неколку баратели на азил во Република Македонија ги споделуваат нивните искуствa, по што ќе се отвори простор за разговори во кои секој присутен ќе има можност да ги сподели своите ставови, мислења или стравови за бегалците, мигрантите и бегалската криза.

Целта на овој настан е да се подигне свесноста за искуствата со кои се соочуваaт овие лица за време на нивното патување, меѓу кои и потенцијалната опасност да станат жртви на трговија со луѓе, како и да се намали жигосувањето на оваа група на граѓани.

Овој  прокет се спроведува  од страна на Македонско здружение на млади правници во соработка со Здружението на граѓани за акција против насилство и трговија со луѓе Отворена Порта.

Мери Стојанова, етнолог виш кустос е новиот ве-де директор на Завод и музеј Битола. Таа доаѓа на местото на историчарот д-р Александар Литовски кој оваа функција ја извршуваше од август минатата година.

Стојанова која е доктор на науки  досега се истакнала со бројни реализирани проекти и изложби, документарни филмови  од областа на етнологијата, традицијата, занаетите и народното творештво.

Советниците од советничката група „Поинаку“, денеска на прес конференција презентираа дел од она што сработиле на седниците на општинскиот Совет, во иминатите 100 дена од неговото конституирање.  

Средбата на премиерите Зоран Заев и Алексис Ципрас е добра вест затоа што само преку дијалог може да се решаваат проблемите и отворените прашања, изјави денеска во Битола евроамбасадорот Самуел Жбогар.

Европската унија и во иднина ќе биде партнер и ќе и помогне на општина Битола за нејзин  напредок и реализација на приоритеите, рече амбасадорот на ЕУ во Македонија, Самуел Жбогар на денешната средба со градоначалничката на Битола, Наташа Петровска. Евроамбасдорот   истакна дека  со Петровска  раговараа за досега реализираните прокети со поддршка на ЕУ, но и за проблемите со кои се соочува оштината и можноста Унијата да помогне во нивно надминување.

Креативните уметности можат да придонесат за подобро урбано живеење преку учество на граѓаните во текот на предлагање на решенијата.

Ова е идејата на проектот „Граѓански  паметни скулптури- 4 D- Виртуелна урбана уметност“ кој преку изложба на проекти и фотографии и презентација на видео бим на непостоечки објекти во Битола кои биле од големо значење за градот  од  денеска е претставен за јавноста  во Завод и музеј Битола.

Некогашната таканаречена Бела фонтана, која беше урната од страна на претходната локална власт, ќе биде дел од новата атрактивна изложба што ќе биде отворена денес во 12 часот во битолскиот Завод и музеј. Изложбата го носи името „Граѓански иновативни скулптури“- 4Д виртуелна урбана уметност и ќе се одржи во Малата сала во Заводот.