22 Март-Светскиот ден за заштита на водите и деновите на екологијата,вечерва ОУ „Гоце Делчев“ од Битола, во малата сала на Центарот за култура, го одбележа со едукатива трибина која е дел од проектот „Меѓуетничка интеграција на младите во образованието“. Аплицирано е за мал и голем грант, а овие еколошки активности се дел од малиот грант.

-Преку овие активности сакаме да го прикажеме младиот човек како директен учесник во подигањето на еколошката свест и важноста на водата  за сите нас без разлика на полот, расата, верата, етничката припадност. Водата ни е неопходна за се' што правиме во животот. Мораме да почнеме да се грижиме за нашите води од било кога досега, рече директорката на ОУ „Гоце Делчев“–Битола, Зара Дамјанова.

Гого Видимче ќе биде новиот директор во Центарот за развој на Пелагонискиот плански регион.

Самохраните родители кои имаат ниски примања повеќе нема да плаќаат за градинка, соопштија од Министерството за труд и социјална политика.

Утре ќе има повремени врнежи од дожд, а на планините од снег. Повеќе врнежи ќе има во северозападните делови каде локално ќе наврнат над 15 л/м2, информираат од УХМР.

Од четврток нашето подрачје ќе биде под влијание на студена воздушна маса која ќе предизвика облачно време со повремени врнежи од снег, а во крајниот југоисточен дел од дожд.

Локално ќе има услови и за појава на замрзнат дожд.

Најмногу врнежи ќе има во четврток, кога на повеќе места се очекува да наврнат околу 20 л/м2. Во поголем дел од земјава ќе се формира помала снежна покривка, а на планините значително ќе се зголеми.

Постепено затоплување ќе има од недела во текот на денот, кога врнежите ќе бидат претежно од дожд.

Неполни два месеца, откако во пожар на улицата „Девејани“ во Битола, живи изгореа син и мајка, попладне во остатоците од опжарената куќа почина и таткото  Томе А. (60)

Следната недела, македонската поп ѕвезда, Каролина Гочева, со два концерта на 27 и 28 март во Битола, ќе го промовира новиот, 9 ти по ред студиски албум „Извор“. По седумте концерти одржани во Скопје, Каролина, ќе одржи два концерти во родната Битола, иако плановите биле новиот албум да го претстави пред битолчани летово на концерт во античкиот локалитет Хераклеја.

Општина Битола и сите јавни комунални претпријатија оваа недела со низа еколошки активности ќе го одбележат доаѓањето на пролетта. Денеска со механизација на јавните претпријатија се расчистуваше просторот зад паркингот кај новиот пазар кој беше затрупан со отпад и обраснат со вегетација.

Ученици од Битола имаа несекојдневна можност да присуствуваат на литературно читање со една од најпознатите австриски писателки за деца, Ренате Велш, што се одржа во Универзитетската библиотека „Св. Климент Охридски“ во Битола, но и да ѝ покажат колку добро научиле да го зборуваат германскиот јазик во своите училишта.

Писателката Велш на своите седумдесет години допатува во Битола и на учениците лично им прочита извадоци од своите раскази наменети за деца, а потоа им раскажуваше за својот живот, мотовацијата за творење, па дури и за тешките периоди што ги поминала за време на Втората светска војна.

„Таа е уникатна авторка на над 80 дела читани и преведувани на многу јазици. Нејзините дела се многу наградувани. Таа е повеќекратен добитник на Австриската државна награда, Наградата на градот Виена, за романот „Јохана“ беше одликувана со Германската награда за литература за деца и млади. Нејзиниот целокупен творечки опус беше одликуван со награда за животно дело во 1995 година“, рече наставничката по германски јазик Симона Монавчева.

Учениците од битолските основни училишта „Елпида Карамнади“ предводени од наставничката Билјана Митковска, „Гоце Делчев“ од Елена Поповска и Афродита Бахан и „Тодор Ангелевски“ од Симона Монавчева пред австриската писателка се претставија со драматизации на нејзини дела. Тие неа ѝ подарија свои изработки поврзани со темите од делата, а таа воодушевена од топлиот прием им подари автограм.

„Ова е исклучителна можност во Битола да бидеме почестени со еден брилијантен автор, кој добил 25 награди за своето творештво. Студирала англиски, шпански и државни науки и од 1970 година пишува книги за деца, млади и возрасни. Живее во Виена. Нејзините книги, за жал, не се преведени на македонски јазик, а во Библиотеката има 6 наслови кои се дел од австриската збирка, благодарение на австрискиот конзул д-р Валентина Илиева“, рече директорката на Библиотеката, Јелена Петровска.

Дваесет и две ликовни екипи ќе учествуваат на годинешното 37 издание на „Малиот битолски Монмартр“. Доаѓаат претставници од повеќе земји од Европа и светот. 

-Јас сум пресреќен што успеав да го донесам светот, туку во Битола, рече Коста Хаџиантоновски, творец на „Малиот Монмартр“, на денешната прес-конференција.

Меѓународниот ликовен конкурс „Битола 2018“ беше распишан во почетокот на септември 2017 , а треаше до 20 февруари годинава со тоа што на конкурсот учествуваа 326 училишта, со 10 777 цртежи, од 34 земји од Европа и светот. Меѓународното стручно жиро од вкупниот број на пристигнати творби на конкурсот за 36-та Меѓународна изложба на детски ликовни творби „Битола 2018 “ избра 781 творба, а изложбата ќе биде отворена на 23 мај во просториите на Националната детска ликовна галерија „Монмартр“.

-Предноста  е во тоа што многу земји од Европа и светот не учествуваат со една или две екипи туку со повеќе екипи, што се должи на магијата и афирмацијата што Малиот битолски Монмартр ја има во светот, рече Хаџиантоновски.