Македонија не била од воинот Аце, туку постара дури од времето на Ное чија арка се насукала не на Арарат туку на Шарарат, поточно на Шар Планина. Вака започнува дејствието во новата претстава „Но(е)ва Македонија“ на Народниот театар од Битола чија премиера беше поставена вчера на театарската сцена во Битола. Претставата ја исмева демагогијата што ја шират политичари злоупотребувајќи ја историјата и групното лудило што го опфајќа народот барајќи докази дека е библиски.

Заменик градоначалникот на Париз, Кристоф Најдовски, кој по потекло е битолчанец, но роден е и живее во Париз, оствари средба со градоначалничката на Битола, Наташа Петровска.

Најдовски во Париз е задолжен за областите мобилност и превоз. Токму организацијата на превозот и сообраќајот во градот беше тема на разговор на средбата помеѓу него и Петровска. Исто така, беа разгледани и можностите за идна соработка во повеќе области и размена на позитивните искуства од двете страни.

Со настап на атрактивната фолклорна група од шпанскиот град Лорка, како и со избрана автентична програма на уметници од Севрен Кипар, Полска, Јапонија и од Грција, вечер во Битола завршува 48. издание на фестивалот на народни песни и игри „Илинденски денови“.

Последната фестивалска вечер е насловена како фолклорна разгледница, а гостите од странство својот програмски настап ќе го посветат на наградените учесници, истакна Валентин Соклевски, во пресрет на вечерашното свечено затворање на фестивалот.

– Според востановената традиција, секое издание на фестивалот го завршуваме во античкиот театар на Хераклеа. Така ќе биде и вечер, кога гостите од странство ќе приредат интернационална фолклорна разгледница, а веднаш потоа целовечерен концерт кој е насловен како „Мојата Бабам Битола“, ќе приреди Виолета Томовска во придружба на групата „Фонтана и пријателите“ – потврди Соклевски.

Фестивалот на народни песни и игри „Илинденски денови“ се одржува под покровителство на Собранието на Република Македонија, а од оваа година е член на светската организација на фолклорни фестивали-ЦИОФФ

Играорци од „Хрватско културно друштво ШИД“ од Србија , денеска пред 16 часот кај Предајане во Грделичка клисура во Република Србија враќајќи се од Битола каде беа гости на фестивалот „Илинденски денови“, доживеале тешка сообраќајкна несреќа во која за среќа нема жртви, само повредени. Во сообраќајката учествувале две возила и автобус и според српските медиуми од автобусот  каде биле играорците од 33 патници имало дваесеттина повредни. Сите се хоспитализирани и укажан им е лекарска помош.

Жестока расправа во битолскиот Совет денеска предизвикаа измените на одлуката и дополнувањето тарифата за општински линиски превоз донесени во 2012 и 2015 година. Општината треба да спроведе постапка за јавна набавка за превоз на ученици кои имаат право на бесплатен превоз, а ќе ги користат линиите од општинскиот линиски превоз. Опозицијата обвини дека власта само се обидува да ја замајува јавноста, затоа што ништо не се менува, а цените за превозот остануваат исти.

По името на ракометната легенда Боро Чурлевски, кој прерано почина, е преименувана Спортската сала ,,Младост" во Битола. Владеачкото мнозинство во Советот преку Комисијата за спорт како точка на дневен ред ја предложи иницијативата Спортската сала да добие ново име според битолски ракометар познат во бившите југословенски простори и Европа.  Иницијативата предложена од Методија Илиевски, координатор на советничката група од СДСМ, едногласно беше изгласана од власта и опозицијата. 

Над 200 деца во Македонија секоја ноќ легнуваат и на утро се будат без родителска љубов . Тие живеаат во институции, иако згрижувачките семејства се најдобра алтернатива во услови кога  биолошкото семејство не е во можност да им ја пружи грижа.

Битолската актерка Соња Михајлова ја доби наградата за најдобра женска улога на 17-то издание на Фестивалот на античка драма „Стоби“. Жирито составено од Николај Круглов режисер од Русија, Мето Јовановски актер и Ана Стојановска театролог, ја наградија Михајлова за улогата на Јулије Цезар, од истоимената претстава во изведба на Битолскиот драмски театар. Неа при врачувањето на наградата публиката ја поздрави со  римскиот поздрав ,,Аве“.   

„Радоста споделена е поголема, затоа  со Вас сакам да ја споделам радоста од добиената награда. Не само заради ликот на Јулије Цезар, кој е историски, антички, вонвременски, туку и заради овој прекрасен Фестивал кој ја негува античката драма и театар и поради овој амбиент“, рече Михајлова. 

Годинава Фестивалот на античка драма ,,Стоби,, се одржа по 17 пати и по три годишна пауза повторно во локалитетот на античкиот театар  Стоби.

Арарат ќе стане Шарарат во „Но(е)ва Македонија“

Во новата премиера на Народниот театар од Битола, „Но(е)ва Македонија“ арката на Ное ќе се насука не на Арарат туку на Шарарат, поточно на Шар Планина во Македонија и оттука ќе се распрсни човештвото ширум светот. Ова е само дел од претставата во режија на Кокан Младеновиќ од Србија чија премиера е утре во 22 часот во Битолскиот театар. Претставата ќе ги исмее националистите и политичките грандомани кои ја изопачуваат историјата и себеси се прогласуваат за основачи на целокупната нација.

Жетвата во Пелагонија годинава започна лошо со постојани прекини поради дождовите, со намалени приноси и катастрофално ниски цени,оценува Вељо Тантаров  претседател на  Сојузот на земјоделци на Македонија.