Педесетина битолчани имаа можност да учат за брендирање од Роланд Симон, бренд стратег и специјалист за маректинг комуникации. Роланд пред присутните на настанот организиран од Пред Плус Фондацијата во соработка со Швајцарската програма за претприемништво поддржана од Швајцарската влада отвори интересни прашања и теми поврзани со една стара констатација дека брендирањето е карактеристика на големите компании.

Момче се повредило при скијање денес на Пелистер и со Брза помош било пренесено во Клиничката болница во Битола. Повредениот е наш иселеник во Америка кој бил дојден на гости и денес скијал на Пелистер.

Од Битолската болница за Апла.мк потврдија дека младо момче било донесено со скрешеница на ногата добиена при пад од скијање.

„Пациентот е згрижен, извршени се рендген прегледи, дадена му е целосна медицинска помош. Извршени се и други прегледи и не е констатиран друг проблем во однос на здравјето“, соопшти Сузана Конеска, портпарол на Клиничка болница Битола.

По кратко боледување  денеска во Битола во 45-та  година од животот почина Нешат Аземoвски, долгогодишен еко- активист и основач на невладината „Биосфера“.

215 ученици од цела држава се натпреваруваа во пет категории на Државното првенство во скијање за основни и средни училишта што се одржа на Пелистер во организација на Федерацијата и Општинскиот сојуз на училишен спорт.

Децата од градинката „Естреја Овадија Мара“ во  Битола заедно со своие воспитувачки, денеска традиционално исукаа мартинки и ги врзаа на нивните раце. 

Тениското игралиште кое е во склоп на објектите Друштвото за гимнастички спортови Партизан – Битола е во крајно очајна состојба. Сликите кои денеска ги направи апла.мк јасно ја одразуваат негрижата, нечистотијата  и воопшто хаосот  во кое се наоѓа овој терен сместен во најубавата  рекреативна зона на Градското шеталиште во Битола. Безмалку дваесет  години со просторот стопанисува Џокер Турист увоз – извоз ДООЕЛ Битола.

Продолжува санацијатана училиштата во руралните средини, информираат од Општина Битола. Градоначалничката Наташа Петровска, денеска посети 4 подрачни училишта кои работат во состав на ОУ „Крсте Петков Мисирков“ од Бистрица и заедно со директорот Димитар Пипилевски, извршија увид во градежните  активности кои се во тек, а некои се веќе завршени

Утре Ски центарот „Копанки“ на Пелистер е домаќин на два истовремени настани „Пелистерскиот велеслалом“, традиционален алпски куп за деца од 6 до 16 години, во организација на Агенцијата за млади и спорт со техничка поддршка на Ски клубот „Пелистер“ и  хуманитарниот ски - настан со мото: „Излези од маглата и дојди на О2 "во организација на Ротаракт Клуб Скопје-Центар. Двата настани почнуваат во 10 часот.

Велосипедската трка „Трофеј Битола“ што ќе се одржи во недела во Битола всушност е иницијатива за возобновување на трката што во минатото се случувала  традиционално за 4 Ноември, Денот на ослободувањето на Битола.

Трката  во недела ќе се одржи  во Градскиот парк со почеток во 11.30 часот за пионерите како претходница на официјалниот дел кој започнува во 12часот. Натпреварот ќе биде во четири категории и тоа, кадети кои ќе возат 30 минути, мастерс 40 минути, јуниори 50 минути и сениори 60 минути. Сите учесници ќе мора да ги почитуваат пропишаните правила да возат со заштитна опрема, кацига и исправен велосипед, тркалата да се 28-ки, широчината на делот за управување да не биде поголем од 50 сантиметри и друго.

Организаторите очекуваат на трката да земат учество над 30 велосипедисти и уште дваесетина тинејџери кои возат од хоби.

„Порано се одржуваше традиционално трка за 4 Номеври од Маково до Битола или од Гермијан до Битола. Но, се случуваше да падне снег, да се влошат временските услови и така таа традиција замре. Сега сакаме оваа трка што ќе се одржи во недела всушност да биде почеток за обнова на ваквата традиција, со тоа што би се одржувала секој 4 ти Ноември во Градскиот парк во Битола“, рече Африм Јусуфи, претставник на организаторите на „Трофеј Битола“.

„Биди добар, биди подобар…стани најдобар“,под ова мото ,учениците од петто-2 и петто-4 одд.од ОУ „Ѓорѓи Сугарев“-Битола, со своите наставнички Наташа Тодоровска и Билјана Рахманова -Тасева имаа интерактивна средба со македонската параолимписка шампионка во стрелаштво, Оливера Наковска Бикова.