Едно од ретките, а  можеби и единствено оваа година Техничкото училиште во Битола реновира два кабинети со  странска донација како и одводот и доводот во 8 училници.   Санацијата се извршува со финансии од  Општина Битола  во висина од 171 000 денари и помал дел со сопствени средства.

При денешната посета на школото можеше да се види што се е заменето и во која состојба била инсталација, зарѓени цевки, дотраени инсталации, влага по ѕидовите. Но, она што се обновува и реновира особено новите кабинети  ветуваат  подобрување на состојбите.  

„Лобирање во културата –конзулска дипломатија во Битола“ е новата објавена книга на д-р Марјан Танушевски, долгогодишен новинар, експерт во лобирање и претседател на Научното друштво од Битола. Промоцијата на книгата се одржа синоќа во Салата за клавири на Завод и музеј во Битола. Книгата претставува еден вид ребреднирање на конзулската традиција во Битола која се обнови од 1995 година,па наваму до денес. Содржи опсежна анализа на тоа што сработиле конулите во Битола, посебно преку лобирањето.

По повод одбележувањето  на Денот на АРМ, во организација на Општинската организација на Сојуз на борците од Битола и Армијата на РМ, во битолската  „Магаза“, отворена е изложба на која се претставени експонати и фотографии од партизани и партизански одреди од НОВ од Битола и битолско, како и од активностите на припадниците на АРМ во мировните мисии.

Сопствениците на пекарата „Булевар“ лоцирана наспорти битолскиот Суд, денеска организираа акција за чистење на  ѓубрето што нивните потрошувачи го фрлаат во коритото на реката „Драгор“. Купишта најлонски кеси, хартија и остатоци од храна, висеа на внатрешната страна од коритото, на што бурно реагираа битолачни, посебно на социјалните мрежи.

На само еден месец до почетокот, кое ќе се одржи од 22 до 29 септември во Битола, подготовките влегуваат во својата завршница.

И на овој фестивал публиката може да очекува исклучително квалитетна филмска програма и големи имиња на светската кинематографија, кои ќе бидат гости во Битола.

Годинава зголемен е бројот на програми во вкупен број од 14 и проширен е кругот на селектори кои ги обликуваат програмите: со Гена Теодосиевска, годинава во изборот на документарната програма соработуваше и Марија Џиџева; режисерите Даријан Пејовски и Марија Апчевска се селектори на кратките филмови кои се натпреваруваат за Малата златна камера 300, како и филмскиот критичар Слаѓан Пенев, кој ги селектираше филмовите во програмата „Перспективи на европскиот филм“.

Новина е програмата „Филмски класици – Полноќен јавач“, која вклучува филмови од светската филмска антологија, за кои помладата генерација има можеби само слушнато или прочитано. Селектор на програмата е италијанскиот режисер, кој живее во Битола, Микеле де Анѓелис, а која за публиката ќе понуди четири филма од хорор-жанрот во полноќните фестивалски часови.

„Во главната програма пак, се вклучени најновите филмски продукции на големите мајстори на филмската фотографија, што ја фасцинираа публиката и критиката, во селекција на Благоја Куновски – Доре.

Оваа година, особен акцент и фокус ќе биде ставен на студентската програма, која ја промовиравме последниве две години. Студентите веќе не служат само како декор на фестивалот, тие се активни учесници и имаат свое место во фестивалската програма. Годинава ќе имаме студенти од 15 филмски академии, најмногу до сега од почетокот на основањето на фестивалот, а тие доаѓаат со свои филмови, по чии проекции ќе има дискусии и разговори. За студентите подготвуваме и средби со филмските автори, кои со нив ќе ги споделат своите искуства. Оваа програма, на која инсистирав по моето назначување за уметнички директор пред две години, ја координира и ја развива Ѓорѓи Пулевски “, вели Гена Теодосиевска, директорката на Фестивалот.

И оваа година ќе биде изработен фестивалскиот промотивен видео спот, под режисерската палка на Вардан Тозија, а во соработка со комуникацискиот партнер на ИФФК „Браќа Манаки“ – агенцијата „Меккен“ и со „Vertigo Visual“.

Повеќе информации како името на ѕвездата на Фестивалот, добитниците на другите престижни награди и се разбира, филмските наслови ќе бидат објавени наскоро.

Санирано е свлечиштето над зафат Г-0, поврзан е Главниот канал за вода и поврзан е цевководот за РЕК Битола, информираат од ЈП „Стрежево“ Битола .

-Приоритетот кој беше даден во Август 2017 е остварен. По една година се санира свлечиштето над село Драгарино, поврзана е новата зафатна градба на Главниот доводен канал и поврзан е цевководот за РЕК Битола. Се испорачува технолошка вода со максимален проток до сите водокорисници на ЈП „Стрежево“,информира Менде Граматковски директор на ЈП„Стрежево“.

Големо свлечиште се појави во февруари 2015 година, и сериозно го оштети главниот канал за довод на вода и цевководот од кој со технолошка вода се снабдуваат РЕК Битола и индустриската зона. Станува збор за дел на системот кој е од стратешко значење, па затоа беше потребно ангажирање на сите стручни служби од претпријатието и експерти од Градежниот факултет во Скопје.

Утре со почеток во 19:00ч.  во „ Мала Сала “ на НУ Завод и Музеј - Битола ќе се одржи промоција на книгата на Д-р Роберто Трајковски, а со наслов „ Вермахтот и Македонија“ ( 1943 - 1944 година ).  Промоцијата е поддржана од Општина Битола во рамките на Бит Фест 2018 година.

За нов секретар на Општина Могила од денеска е назначен Ацо Тасевски, кој досега ја извршуваше функцијата раководител на одделението за урбанизам, комунални работи и ЛЕР како и функцијата претседател на комисијата за проценка на имот во Општината.

Тасевски функцијата ја добива со одлука на градоначалникот на Општина Могила, Јасмина Гулевска.

Паркиран автомобил  пред битолската "Магаза", а неколку метри потаму камион натоварен со огревно дрво минува низ плоштадот  "Магнолија". 

Шарена Чешма над баирското училиште „Тодор Ангелевски“ каде и ова лето се разладуваат битолчани од летната жега, постоела и пред сто години. Доказ за тоа е фотографијата од чешмата што била искористена за да се направи разгледница во времето на Првата светска војна. Разгледницата деновиве беше објавена на интернат блогот Битола низ годините и деновите што поминале и доаѓаат.