Во организација на танцовиот спортски клуб Степ Ап од Битола, вчера  на 18.11.2018 во спортската сала „Павел Шатев“ во Битола се  одржа  четвртиот по ред Бодовен натпревар во стандардни, латино-американски и модерни спортски танци. На натпреварот учество зедоа сите 7 клуба кои што се членови на Танцовата Спортска Федерација на Македонија со над 200 члена, а  клубот домаќин се закити со 19 први места, 7 втори, 5 трети места и пласман во неколку финалиња.

Битолската полиција поднесе кривична пријава за „злоупотреба на службената положба“ против советник  градежен  инспектор З.С. (64) од Општина Битола затоа што на инвеститор му дозволил да продолжи со градба и покрај тоа што претходно било донесено решение за уривање на бесправно изграден објект.

Согласно Оперативната програма за одржување на улици во зимски услови од вчера попладне до денес во утринските часови исчистени се улиците од прв и втор приоритет , а исто така се исчистени и приодите кон сите села што  се дел од Општина Битола, информираше за апла.мк  Методи Силјановски директор на ЈКП „Нискоградба“-Битола.

-До денес наутро се  исчистени улиците од прв и втор приоритет , исто така и патиштата до сите села во рамките на нашата општина , само приодите кон селата Ореово и кон Кукуречани се исчитени до денеска напладне. Што се однесува до споредните улици во градот  тие се чистат од утрово и чистењето е се уште во тек, изјави Силјановски.

Кубанците од танцувачката компанија „Фламенко Екос“, ѕвездите на Фестивалот на музика од светот што викендов се одржа во Битола, ја изненадија публиката со инструменталната изведба на македонската патриотска песна „Слушам кај шумат шумите, буките“. По ова кубанците заедно со битолчани заиграа оро низ слата на Центарот за култура.

Цане Леков од Кратово стана милионер. Најпосакуваната МИЛИОНЕР ЏЕК ПОТ добивка на Државна видеолотарија на РМ му донесе 1.653.877,00 денари. МИЛИОНЕР ЏЕК ПОТ добивката е освоена на 16.11.2018 во Бет ту мар во Кратово.

Вчерашното невреме проследено со силни врнежи од снег најголеми проблеми во снабдувањето со електрична енергија предизвика во Битолскиот регион, информираат од ЕВН. И натаму без струја се неколку градски населби, како и повеќе села во Општина Битола, а струја нема и во селата во Новаци, Демир Хисар, Прилеп, Маврово, Кичево.

Обилните врнежи од снег во Битола предизвикаа проблеми во снабдувањето со електрична енергија во градот и околните села.

Академијата за боречки спортови и вештини “ЗА НЕД ДО” од Битола,  на на 7-тиот Интернационален и 11-тиот Сегрчки шампионат за боречки вештини и спортови "Мигдониа" 2018-та кој се одржа  на 17 и 18 ноември  во Солун,  освои 12 златни и еден сребрен медал.

Снежните врнежи предизвикаа кршење на гранки од улични дрвја, а навалија и бандери низ повеќе улици во Битола.

Гранка натежната од снег падна врз две возила паркирани на улицата „Димитар Илиевски Мурато“ спроти зградите во Обител.