Поради изведување на градежни работи   (промена на атмосферска и фекална канализациона мрежа) од страна на ЈКП „Ниско Градба“ Битола, на ул. „Св. Климент Охридски“ во Битола ( на потегот од ул. „Солунаска“ до ул. „Партизанска“), можно е да дојде до оштетувања на индивидуални приклучоци на водоводната мрежа, а со тоа и прекинување со водоснабдувањето на корисниците на вода.

За подетални информации во врска со водоснабдувањето граѓаните ќе бидат благовремено информирани од страна на ЈКП „Водовод“ Битола.  

Екипа на ЈКП „Водовод“ Битола во моментот работи на отклонување на дефект на индивидуален приклучок на ул. „Св. Климент Охридски“.

На кои битолчани им се обраќавте синоќа кога Битола беше преплавена со автобуси и возила од сите соседни градови? Вакво прашање до премиерот Заев за синоќешниот митинг, на прес конференција денес упати претседателот на ВМРО-ДПМНЕ од Битола, Иванчо Тошевски.   

„Сакам да се врати надежта кај сите нас дека може да се живее подобро, сакам да не емигрираме, сакам моите пријатели да се вратат назад, сакам и ние да бидеме дел од Европа, затоа што ние сме Европа“, рече битолчанката Софија Ристевска, режисерка и актерка, сопственик на Интимен театар, во обраќањетото пред своите сограѓани на митингот „За европска Македонија“ што вечерва се одржа во Битола,

-Сите ние сме многу важни, без сите нас нема држава, ние сме храбрите што останавме тука, единствено ние имаме право да решаваме каква ќе биде иднината на нашата држава, ние што немаме бугарски пасоши, ние што имаме гордост и достоинсво, знаеме што е најдобро, најдобро е да гласаме ЗА на референдумот на 30 септември, рече меѓудругото Ристевска

Никој не може да негира дека моравме да направиме компромис , тоа е болно и јас целосно го разбирам и подеднакво го чувствувам. Но, во основата на секој компромис лежи напредокот, поместувањето од мртва точка. Кога утре во европска Македонија ќе им погледнеме на нашите деца в очи, ќе ја сфатиме величината на тој компромис. Ве уведувам нашите деца ќе ни се заблагодарат што на прв план ги ставивме нивните интереси, порача премиерот Зоран Заев од митингот „За европска Македонија“ во Битола.

Обраќајќи се пред битолчани на плоштадот Магнолија, тој истакна дека референдумот на 30 септември е втора наша независност, по онаа изгласана на 8 Септември.

Нека 30 септември е денот кој ќе биде празник за современата македонска историја, за европска  Битола и европска Македонија, повика градоначалничката Наташа Петровска вечерва  од митингот "За европска Македонија" што се одржа на плоштадот „Магнолија“.

-Овде сме да ја покажеме нашата политичка зрелост, не како политичари, туку како битолчани дека умееме да учиме од историјата , она што било добро да го зачуваме , она што не чинело да не се повтори. Важно е во овие моменти да се одбере патот  на иднината на државата како потврда на таа зрелост, рече градоначалничката Петровска  пред битолчани.

.

Снимено е промотивно видео за општина Могила по повод 22 годишнината од нејзиното основање. Воедно, со овој атрактивен видео материјал започнува и кампањата „Откриј ја општина Могила“ која има за цел да привлече што повеќе туристи да се запознаат со нејзините природни убавини, културни, историски и религиски обележја и со гостоплимливите жители. Како една од дестинациите се нуди село Лознани и манастирскиот комплекс посветен на Св.Кирил и Методиј и Св. Ѓорѓи.

Градоначалничката Наташа Петровска написмено им ги достави одговорите на советниците кои на минатата седница и ги поставија лично до неа за (не)функционирањето и  работата на општината.

Петровска им одговорите на прашањата,  како ќе се реши проблемот со исклучената струја во блокираните училишта, колкав е реалниот долг на училиштата, што со преговорите за Копанки, каменоломот над Битола, до каде се проектите за гасификација и топлификација, за чистењето на коритото на реката Драгор и слично.

На прашањето на советникот од ПОДЕМ Николче Јанкуловски, дали ќе си поднесе оставка Патровска одговара категорично не.

Здружениетo за земјоделци „Современо Земјоделство“ ја организира најголемата манифестација во областа на земјоделството „Избор на најуспешни во областа на земјоделството за 2018 година“.

Изборот ќе се одржи во ресторан „Вавилон“ во Битола на 20 септември. Оваа манифестација, каде изборот на најуспешни ќе се сведува само во областа на земјоделството, ќе биде единствена не само во регионот туку и во државата.

Пред почетокот на манифестацијата, од 16:30 часот, во дворот на ресторан Вавилон, ќе се организира мини саем со земјоделски производи, механизација и трактори, дегустација на традиционална пелагониска храна, вино,пиво, млечни производи, мед... Официјалниот дел ќе започне во 18 часот. Ќе се доделат повеќе плакети и благодарници, на политичари, земјоделци и компании за успешната работа во изминатата година.

По повод 8-ми Септември, Денот на независноста, заменик градоначалничката Емилија Костурска, претставници од Советот на Општина Битола, политичките партии, Сојузот на борци од Битола и други граѓани положија цвеќе пред Споменикот на Револуцијата во Битола.