Првиот „Пазар на локални производи“ во Битола, денеска ги собра на едно место битолчани да вкусат домашно подготвени пити, гомлезе, вино, разновидна органска храна, традиционални производи, органски спун и креми, а, се готвеше и на лице место и се дегустираше. Најмладите учествуваа во едукативен час како да ја препознаа здравата храна.

Настанот кој се одржа во Новиот пазар е во организација на  „Слоу Фуд-Битола“  во соработка со „ЈП Пазари“Битола а на него учество зедоа петнаесеттина производители.

Домашниот намаз од лешник беше исклучително вкусен и подготвен од вештите раце на готвачот Пеце Клечкаровски од Струга , кој воедно битолчани, посетителите на настанот ги почести и со други свежо подготвени специјалитети.

-Путерот од лешник е мој личен специјалитет, ми дојде идеја да направам напочеток само чоколаден путер со лешник , а потоа креативниот процес еволуираше . „Леска намазот “е различен од сите други, и тоа го препознаа гостите во ресторанот каде што работам , зошто е чист органски, рече Клечкаровски.

Пеце Цветковски од „Вила Дихово“ на пазарот излезе со домашно вино произведено од неговата плантажа.

-Произведувам и нудам домашни производи од нашите плантажи, го практикувам традиционалниот начин на производство на вино, обратно од големите винарии. Конзументите се задоволни и со самата промоција на селскиот туризам кај нас во мојот локал нудам вакво вино. Годишно произведувам од 600-700 литри вино, рече Цветковски.

Со вкусно биено и бело сирење на пазарот настапи Игор Поповски , кој има своја фарма во Дихово.

-Произведувам сирење и кашкавал, работата е доста специфична и те обврзува по цел ден , но граѓаните го ценат квалитетот иако економскиот стандард на луѓето си го прави своето, рече Поповски.

На пазарот можеше да се купи и природна органска козметика, направена во фармацевтска лабораторија во Битола.

-Мајка ми во нашата лабораторија прави различни производи од органски состојки, креми и сапуни со арганово масло и пчелин восок. Тука се вбројува и путерот за тело и мелемот за детска кожа. Нашата идеја беше да направиме нешто природно, а не со хемикалии. Битолчани ги купуваат нашите производи, рече Ангела Пандовска .  

На пазарот децата се едуцираа  и ги тренираа  сетилата за препознавање на храната, а забавата  продолжи со дружба Dj сет на B-boy .

Ќе упатам апел до сите граѓани од Битола да не фрлаат во населбата Баир оти има битолчанин кои доаѓаат во нашата населба, носат ѓубре и го фрлаат тука. Истовремено апелирам и до жителите на Бајрот да не ја загадуваат животната средина оти тука живееме, порача Самедин Канановски од Здружението на Ромите од Битола.

Месното население од битолскиот Баир, други битолчани, општинското раководство, членови на Советот, директори на јавните претрпијатија „Комуналец“, „Водовод“, „Нискоградба“, „Стрежево“и други вработани денес се вклучија во еко акцијата за чистење на диви депонии во Битола со што се одбележа Светскиот ден на чистењето. Се чистеше кај ободниот канал во населбата Баир и во село Брусник.

Градоначалничката Наташа Петровска порача дека никогаш никој не може доволно да исчисти ако останатите валкаат.

Осомничен за вчерашното убиство во прилепското село Беловодица е 24-годишниот битолски полицаец Е.Т., кого полицијата веќе го привела и тој го признал злоделото.

Од полициски извори дознаваме дека во 36 годишниот битолчанец Б.А. пукал со службениот пиштол, што го носел со себе иако не бил на работа. Тој со пиштолот на жртвата му нанел четири прострелни рани, а потоа телото било запалено надвор од автомобилот. Бруталното убиство се случило вчера околу 16,30 часот кога било пријавено во полиција дека на патот за селото гори непознато лице.

Полициски службеник од Битола ќе биде осомничен за вчерашното убиство во прилепското село Беловодица, дознаваме неофицијално од полициски извори. 

Полицискиот службеник е веќе фатен од страна на полицијата. 

Вчера попладне битолчанецот Б.А. беше застрелан, па запален во автомобилот на пат кон Беловодица. 

Алал

Средното медицинско училиште „ Д-р Јован Калаузи“ добива нов лик во внатрешноста и нормални услови за следење на наставта. Руинираните училници сега се бојадисани и освежени, санирани се дупките на подот и ѕидовите, променети се вратите, дел од искршениот инвентар е заменет со нов,  а во тоалетите саниран е  плафонот кој прокиснуваше.  Менаџерскиот тим заедно со учениците, родителите, со поддршка од Општина Битола и донации од некои компании, успеа за неколку месеци да обнови дел од она што со години беше запоставено и запуштено. 

Ј'зк

По  доаѓањето на функција во декември  минатата година, новото раководство ги отвори вратите од училиштето за новинарските екипи кои ја регистрираа катастрофалната состојба- извадени и искршнеи врати од училниците, без брави и кваки, кои се потпираа со столче од надвор. Во училниците, на подот и ѕидовите имаше дупки, дел од столчињата и клупите беа искршени, компјутерите оштетени, на прозорците висеа завеси, парното греење беше во дефект. 

Слем поезијата станува магнет за младите талентирани литературни творци, а ваквиот тренд ја враќа во мода поезијата. Во Универизтетската библиотека „Св. Климент Охридски“ денес беше промовирана збирката со слам поезија „Креирај-слемирај“, во која се објавени песни од битолски поети и млади творци.

„Пишував за дрогата бидејќи мислам дека со мојата песна можам да потикнам некој кој користи да се откажи, а оние кои не пробале да не го прават тоа“, рече Андреа Накоска, чија песна е наградена.

Слем поезијата е урбано и светско движење кое насекаде е познато, па станува актуелно и кај нас, а ние сакавме во нашиот град преку најмладите да го актуелизираме овој вид на поезија, рече Елена Богдановска, едукатор во проектот.

Претставници од Европската Унија, врвни онколози од Полска,Загреб,Љубљана,Виена, како и преставник од Министетството за здравство, ја посетија Клиничка Болница во Битола, како и Центарот за онколошки болни се со цел да се испита програмата за работа и терапијата кон пациентите.

Со влезот во НАТО и ЕУ, законите ќе бидат исти за сите граѓани. Ако вие платите за погрешно паркирање и претседателот ќе плати ако го стори истото прекршување, изјави амбасадорката на Хрватска Даниела Баришиќ на форумот „Перспективите од НАТО интеграцијата- Што ќе донесе пристапниот процес за Македонија и нејзините граѓани“.

Амбасадорката на панел дискусијата, која беше организирана во рамки на проект поддржан од УСАИД, рече дека членството во НАТО и ЕУ на Хрватска ѝ донело многу предности.

„По влезот во НАТО, во Хрватска се удвоија странските инвестиции иако беше тоа период на економска криза. Секој инвеститор сака да инвестира во стабилна земја каде законите не се менуваат како што на некој ќе му текне кога ќе се разбуди наутро“, рече Баришиќ.

Најчестите станари на Тумбе кафе, вервериците,  се се попитоми со рекреативците и минувачите. Малите паметни животинки до долги бушави опашки и денеска слободно се движеа покрај патеките каде битолчани редовно рекреираат на ридот. Во потрага по храна вервериците кои живеат по парковите и градините одамна научиле дека човекот е извор на храна.