Опозицијата го поздрави присуството на градоначалничката Наташа Петровска на денешната седница на Совет со зборовите „Нека е за аирлија“ и прашуваше за состојбите во образованието, за непотизмот , за легализацијата на објектите, за обиколницата, за загадениот воздух...Завршните сметки на училиштата и градинките денеска се најдоа пред советниците. Училиштата должат 4, 3 милиони евра, долгови наследени од бившата власт. Петровска ги потсети советниците од опозицијата дека токму заради образованието некои се влечкаат по судови.

Емилија Костурска, професор по информатика и советник од редовите на СДСМ, е назначена за заменик градоначалник на Општина Битола.

Битолската полиција поднесе кривични пријави против поранешниот директор на ЈП „Нискоградба“, Кире Крстевски, за сторени кривични дела “злоупотреба на службена положба и овластување “несовесно работење во службата” и “фалсификување или уништување на деловни книги”.

Европскиот суд за човекови права во Стразбур ја одби жалбата на Владата на Република Македонија и на тој начин потврди дека е правосилна претходно донесената пресуда за регистрација на Православната охридска архиепископија (ПОА), на Јован Вранишковски. Во  ноември минатата година, судот во Стразбур донесе пресуда дека Владата на Република Македонија, со тоа што не ја регистрирала канонската Охридска Архиепископија, ги прекршила Членот 11 и Членот 9, односно ги прекршила слободата на здружување и слободата на мислата, совеста и религијата, кои била обврзана да ги почитува согласно на меѓународната Конвенција за човекови права, која ја има потпишано.

Во февруари годинава, пак, Владата одлучи да се жали пред Големиот Совет на споменатиот суд, во однос на донесената пресуда, но, судот одлучи да ја отфрли жалбата.

„Ја известуваме јавноста дека Големиот Совет на Европскиот суд за човекови права во Стразбур, во Април 2018 година ја одби жалбата на Владата на Република Македонија, со што претходно донесената пресуда за регистрација на Православната Охридска Архиепископија стана правосилна“, наведено е во соопштението на ПОА.

Средното техничко училиште „Ѓорги Наумов“ од Битола, ќе се збратими со училиштето „Мави Текник“ од Измир, Турција. Претставници на Техничкото  училиште, директорот и помошник директорот од 29 април до 3 мај ќе престојуваат во градот Измир, заедно со координаторите на проектот за збратимување на двете училишта Еркан Лама и Семиха Лама од Скопје.

Директорот на Техничкото училиште Владимир Роме вели дека станува збор за училиште кое е сместено во индустриската зона во Измир.

Директорот на ЈП „Пазари", Александар Касапов, на својот фејсбук профил објави дека во следниот период ќе се изготви проект за покривање на пазарот во делот каде што се продава бижутерија. Тој објави дека веќе одржа состанок со претставници на Општина Битола, на кој беше договорено да се започни постапка од ЈП за Урбанизам и просторно планирање за изработка на проект за покривање на делот од пазарот каде што се продава бижутерија. Досега овој дел од пазарот не беше покриен. ЈП "Пазари" за проектот доби поддршка од градоначалничката на Битола, Наташа Петровска.

Веќе не предаваат во Горната гимназија, но работниот век ги поврза за на век. Иако пезнионирани по повеќе години, не пропуштаат ни една недела без да се сретнат. Збирно место им ресторанот „Грне“ во центарот на Битола каде со по некој филџан кафе ќе помуабетат, евоцирајќи спомени за минатото кога биле професорки, а дискутирајќи и за сегашноста. Понекогаш се собираат и по петнесетина пензионирани професорки од гимназијата „Јосип Броз Тито“.

Апарат за лекување на белодробни заболувања кај децата доби како донација детскиот оддел на Клиничката болница д-р „Трифун Пановски“-Битола  од фирмата „Жито Лукс“.

Разбојник од Скопје ограбувал аптеки во Битола. Битолската полиција до ОЈО Битола, поднесе кривична пријава против  Д.Ј (31) од Скопје каде и живее заради постоење на основи на сомнение дека пријавениот сторил седум  кривични дела “Разбојништво“ по чл. 237 ст.4 од КЗ на РМ.

Битолската публика вечерва имаше можност да ужива во бродвејски амбиент што во големата сала на Центарот за култура го доносоа Камерниот оркестар од Битола и солистите кои настапија на овој концерт.