По пауза од 2 гoдини поради пандемијата со Ковид-19,  викендов во организација на ПСК  Пелистер,  се одржа  33-от традиционален планинарски марш “Димитар Илиевски - Мурато 2022“.

Маршот е во чест на  нашиот битолчанец Димитар Илиевски Мурато, прв Македнец  кој го освои највисокиот врв на светот - Монт Еверест. Се искачи  на 10 мај 1989,   но  не се врати во базниот логор. 

Димитар Илиевски е еден од најголемите алпинисти во историјата на македонскиот алпинизам и спортот воопшто. 

Сандра Туфеска е 21 годишна девојка од Демир Хисар која ги користи своите вештини за да создава дела кои се реалистични и наликуваат на фотографии. Повеќе е самоука уметница која е љубител на уметничките правци реализам, фотореализам и хиперреализам. Во оваа прилика ви претставуваме уметничко дело на Сандра, изработено со акрилни бои на платно,  кое е нацртано според дело на еден фотореалистичен уметник. 

ЈП Водовод ги известува граѓаните дена на ден 10.05.2022г. (вторник), поради поправка на овален затворач Ф -150 мм во населба Карпош, можен е прекин во водоснабдувањето на ул. Никола Русински и зградите : (1,5,6,7,8,910,11 и 12) од 9 часот до завршување со санацијата на дефектот.

Во организација на Сојузот на пензионерите од Македонија во Центарот за култура во Битола се одржа 20. Регионална ревија на песни, музика и игри. Домаќин беше Здружението на пензионери од Битола чија претседателка на Извршниот одбор, Даница Петличкова, ги поздрави сите присутни гости и публиката и им посака да се чувствуваат најпријатно во градот на конзулите и што поуспешно да ги презентираат своите изведби.

На ревијата настапија неколку пеачки групи од Битола, Демир Хисар, Крушево и Прилеп. Сите се потрудија да презентираат квалитетни изведби , како во пеачката традиција така и во соло изведбите. На крајот на сите им беа доделени благодарници, а најдобрите ќе земат учество на Републичките средби.