АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Август 20, 2025
Анета Блажевска
Денес акумулацијата Стрежево располага со повеќе од 51 милион метри кубни вода што претставува приближно половина од вкупниот волумен на акумулацијата.
Продолжуваме да ја зафаќаме максимално водата од сите водотеци во сливното подрачје.
Секоја капка вода е многу драгоцена!, соопштија од ЈП Стрежево Битола
Изнесени се опасни лаги и манипулации од партиска говорница на една политичка партија, дека „ќе секнат чешмите во Битола“ и сакам јавно да побарам од советничката од СДСМ Мирјана Захариевска Ралевска да им се извини на битолчани и одговорно тврдам дека во ниту еден момент водоснабдувањето на Битола не е и нема да биде доведено во прашање, кажа денеска на прес-конференција Андреј Гинов, директор на ЈКП Водовод Битола.
„Околу „загубата“ на ЈКП Водовод Битола ќе кажам само неколку работи: -вкупните приходи за 2024 година се околу 284 милиони денари, вкупните расходи се околу 346 милиони денари, што продуцира загуба од околу 61 милион денари. Ако се земат предвид само неколку ставки на расходи и приходи ќе се види јасно зошто е тоа така. Вкупен приход од наплата на вода од правни и физички лица е околу 262 милиони денари, а од останатата реализација е околу 22 милиони денари, а додека расходите по само три основи и тоа : електрична енергија околу 43 милиони денари, сирова вода- кон „Стрежево“(заради сушата минатото лето) околу 50 милиони денари и трошоци за плати за вработените 148 милиони денари – што дава вкупен расход кога се додава и ДДВ по само три ставки е повеќе од 280 милиони денари“, рече Гинов. Ова, според него, покажува дека целокупниот приход при висока наплата на сметки од околу 95% е близу вкупниот расход за само овие три ставки.
„Само за илустрација би кажал уште две споредби и тоа: во 2021 година во ЈКП Водовод имаше вкупно 227 вработени и трошокот за плата изнесуваше околу 107 милиони денари, а сега во 2024 год. има вкупно 205 вработени (22 вработени помалку) а трошокот за плати изнесува околу 148 милиони денари што е за 41 милион денари повеќе при значително помал број на вработени.
Во текот на 2021 година „Водовод“ влезе во непотребна инвестиција за „нова управна зграда“ за која што се потрошени повеќе од 60 милиони денари колку што изнесува сегашната загуба на ЈКП Водовод Битола“, истакна Гинов.
Денес, во организација на прифатилиштето „Хачико“ од Битола, беше одбележан Светскиот ден на бездомните животни со топол и полн со љубов настан. Под ведро небо и во весела атмосфера, се собраа голем број активисти, волонтери и љубители на животните заедно со насмеани ученици и средношколци.
Младите имаа прекрасна можност да се запознаат и дружат со дел од милите штитеници на прифатилиштете кои ја почувствуваа грижата и топлината на човечкото срце кај нас во прифатилиштето. Освен игра и гушкање, учениците одблиску дознаа што значи да се биде активист и волонтер, и колку малите дела на добрина можат да направат голема разлика во животот на овие животни.
Овие моменти нè потсетија дека секое животно заслужува љубов, топол дом и сигурност. Дури и една прошетка, насмевка или гушкање може да значи свет за нив. Ве охрабруваме сите што чувствувате љубов кон животните да се приклучите – како волонтери, донатори или едноставно со поддршка и споделување на приказните на овие мали херои. Заедно можеме да направиме многу за нив, чекор по чекор, шепа по шепа.
Голема благодарност упатуваме и до@Petplus Macedonia кои верно не следат и не помагаат на вакви организирани настани и во секојдневната работа и грижа. Нашите штитеници се среќни и се радуваат на секоја ваша донација.
Во оваа прилика уште еднаш сакаме да упатиме голема благодарност до оние кои се грижат за здравјето и за цел хуманиот третман и здравствена заштита на нашите бездомни кучиња - Докторите од ветеринарни амбуланти.
Битолскиот Музеј блеска со реконструираната фасада! Фото Апла.мк
Фотографката Ивона Кочов со неверојатно убава фотографија од Битола!
Соопштение од Пелистерка АД Скопје и Тимох Доо Скопје -"НЕ ПОСТОИ ОДЛУКА НА АКЦИОНЕРСКО СОБРАНИЕ ЗА ПРОДАЖБА НА БАНКАТА“
Април 04, 2025СООПШТЕНИЕ ЗА ЈАВНОСТ
Од: Пелистерка АД Скопје, заедно со поврзано правно лице ТИМОХ ДОО Скопје, во својство на квалификувани акционери во Стопанска банка АД Битола со 21.85% од акциите.
„НЕ ПОСТОИ ОДЛУКА НА АКЦИОНЕРСКО СОБРАНИЕ ЗА ПРОДАЖБА НА БАНКАТА“
Почитувани,
Како носители на 21.85% од акциите на Стопанска банка АД Битола и во својство на квалификувани акционери сакаме да им укажеме на сите други помали акционери, севкупната македонска јавност како и на одредени засегнати страни дека банкарскиот пазар во Македонија е целосно регулиран преку Народна банка на Република Северна Македонија.
Сакаме да потенцираме дека секоја информација во однос на било каква трговија со акциите на Стопанска банка АД Битола, а поголема од 5% мора да биде одобрена од Народна банка на Република Северна Македонија. Исто така секој потенцијален инвеститор кој има намера да се стекне со поголем дел од акциите, најпрво мора да добие одобрување од НРБ, па дури потоа да достави соодветна понуда до акционерите.
Секоја постапка како и евентуални преговори без следење на оваа законска регулатива и без вклученост на НРБ се во сферата на шпекулативни информации и дополнително укажуваме на постоење на основани сомневања за кривична одговорност.
Како квалификувани акционери сакаме јавно да информираме дека до овој момент не постои одлука на Акционерско собрание за продажба на Стопанска банка АД Битола и никој не може да ја донесе истата без согласност на мнозинството акционери.
Апелираме до медиумите и засегнатите страни да се воздржат од пласирање на шпекулативни информации до оддржување на Акционерското собрание бидејќи истите може да предизвикаат штета на тековното работење на Стопанска банка АД Битола.
Го охрабруваме Управниот одбор на Стопанска банка АД Битола да свика Акционерско собрание со цел да ја усвоиме завршната сметка која укажува на одлични резултати на банката.
Претставено творештвото на младата уметничка Билјана Толевска-Наумовска пред охриѓани
Април 03, 2025Фото: Претставено творештвото на младата уметничка Билјана Толевска-Наумовска пред охриѓани.Триесеттина дела од поновото творештво на младата уметничка Билјана Толевска-Наумовска од Битола вчеравечер беа изложени во Националната установа Центар за култура “Григор Прличев”- Охрид. Присутните на изложбата насловена „Течни денови“ имаа можност да погледнат дела кои се изработени во акварел и лавиран туш.Изложбата беше отворена од страна на Драган Ристевски, галерист, кој истакна дека суптилната игра на авторката со акварелот како и прецизните потези со перото, нијансите и водатата нанесени на хартија, се заедно, длабоко допираат до нашите емоции, често подзатскриени.
Природните простори, цели пејсажи всушност се само средства да се прикажат внатрешните затскриени чувства, емоции како и траги од минатато, интмните доживувања. Притоа впечатливите ликовни претстави и потези непосредно доживеани силно влијаат врз реципиентот. Колоритот е повеќеслоен, од прозначни нијанси на пејсажот до силни динамични и предизвикувачки, напати драматични и вознемирувачки природни мотиви и состојби. Ако Македонија и Охрид го имаа меѓународно вреднуваниот Вангел Наумовски, еве силна почетна најава. Имаме сликарски следбеник од Битола. Според насловот на изложбата „Течните денови“ заедничка нитка на обата автора е водата, акварелот, истакна Ристевски.
Најчитани
