АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Ноември 18, 2025
Анета Блажевска
Реакција на РЕК "Битола "
Техно Коп Плус ДООЕЛ Битола е избрана за компанија за технолошко чистење, откако ги исполнила сите наведени критериуми по јавниот повик. Овој понудувач, понудил за 30% пониска цена од досегашната договорна. Иако одлуката е донесена, договорот сè уште не е потпишан поради тековната жалбена постапка. Договорот ќе биде склучен по истекот на овој период.
Сакаме да нагласиме дека немаше хаварија туку најверојатно ни се случи саботажа. Целиот настан во моментов е предмет на истрага од надлежните институции.
Во меѓувреме, додека технолошкото чистење од надворешни изведувачи е во прекин, преземаме проактивни мерки за внатрешно справување со сите отворени прашања.
Се вложуваат максимални напори за повторно ставање во функција на Блок 2 и Блок 3. И двата ќе бидат за многу кратко време спремни за синхронизација на мрежата а кој од нив ќе влезе, ќе одлучи раководството на РЕК Битола. Во овој период заради обемот на конзумот, нема потреба да "возиме" со 2 блока.
Во меѓувреме снабдувањето со електрична енергија во државата е целосно обезбедено. Ова се постигнува преку ТЕ Осломеј, зголеменото производство од хидроелектраните на АД ЕСМ, како и преку балансирана набавка и продажба на ел. енергија преку МЕМО.
Погледнете каков талент е Ана Марија Радевска, петнаесетгодишно девојче од Битола. 
Ана Марија на 18 јуни ја имаше својата прва самостојна изложба во НУ "Св.Климент Охридски" Битола. Таа е ученик на познатиот ликовен педагог Анкица Стевановска од ликовното студио Адамс Арт во Битола. 
Младата уметница Ана Марија Радевска го привлекува вниманието со стилот на изработка на икони и цртежи со впечатливи мотиви и умешна комбинација на бои. 
Синоќа, во просториите на Националната Библиотека во Корча, беше отворена изложбата „Приказните од Градиште“, чиј што автор е археологот Енгин Насух, кустос советник при НУ „Завод и музеј“ – Битола. 
- Ова е трета изложба која нашата институција ја поставува во Албанија, а во рамките на проектот SMART4YOU2, кој што е кофинансиран од страна на Европската Унија, во рамките на третиот повик на IPA програмата за прекугранична соработка помеѓу Република Северна Македонија и Република Албанија.
Оваа изложба имаше за цел пред пошироката албанска јавност да ги претстави исклучително вредните наоди кои што се откриени на локалитетот Градиште во близина на с. Црнобуки, за време на археолошките истражувања кои веќе пет години се одвиваат на овој локалитет, објави Мери Стојанова кустос во Завод и музеј Битола.
На изложбата покрај присутните посетители имаше претставници и на локалните и националните албански медиуми, кои ја пренесоа оваа информнација до пошироката јавност, вели Стојанова. 
Текст и фото - Фејсбук Мери Стојановa - кустос во Завод и музеј Битола 
Текст и фото - Фејсбук Мери Стојановa - кустос во Завод и музеј Битола Социјалдемократот Зоран Ристевски е предложен за кандидат за градоначалник на претстојните локални избори за Општина Могила. Веста ја соопшти лидерот на СДСМ Венко Филипче, кој вечерва објави 19 кандидати за градоначалници. Ристевски од март 2022 година е претседател на ОО на СДСМ во Општина Могила. Тој е долгогодишен член на партијата.
Лидерот на СДСМ, Венко Филипче ги објави првите 19 кандидати на СДСМ за градоначалници за претстојните локални избори, но за Битола не понуди решение. Филипче најави - Личности со кредибилитет - луѓе кои ги знаат реалните проблеми и предизвици со кои се соочуваат граѓаните. Подготвени се да работат посветено за секој граѓанин, за секое маало, село, град. Тие знаат како, можат и ќе го исполнат ветеното.
СДСМ стои зад личности кои знаат што значи одговорност, посветеност, работа во интерес на граѓаните и резултати на дело. Некои од нив веќе имаат зад себе успешни мандати и проекти кои донесоа вистински промени за подобар живот во општините. Другите, носат нова енергија и силна волја за работа, рече Филипче.
За Општина Центар, актуелниот градоначалник Горан Герасимовски.
За Општина Аеродром, д-р Александар Трајановски.
За Општина Ѓорче Петров – претседателот на општинската организација, Костадин Ацески.
За Општина Чучер Сандево, актуелниот градоначалник Сашо Комненовиќ.
За Општина Берово, актуелниот претседател на општинската организација Илија Рунтевски.
За Општина Крива Паланка, актуелниот градоначалник Сашо Митовски.
За Општина Лозово, Ацо Велковски.
За Општина Чешиново-Облешево, Горанчо Крстев.
Општина Богданци, Блаже Шопов.
Општина Дојран, Ристо Џинев.
Општина Могила - Зоран Ристевски.
Општина Неготино, Петар Мантев.
Општина Новаци, Љубе Кузманоски.
Општина Росоман, Стојанче Николов, актуелниот градоначалник.
Општина Вевчани, претседателот на општинската организација Стефан Радиноски.
Во Крушево, актуелниот градоначалник Томе Христовски.
Во Ресен, претседателот на општинската организација Александар Бузлевски.
Во Штип, исто така, претседателот на општинската организација Павел Иванов.
И претседателот на општинската организација во Општина Гази Баба, Влатко Митовски.
Овие кандидати се избрани со широк консензус. Во следниот период продолжуваме со темелна, транспарентна и инклузивна постапка за избор на најдобрите кандидати за останатите општини во државата. Нашата заложба е да понудиме кандидати со интегритет, со визија и програма со која ќе го подобрат животот на граѓаните во општините.
ОПШТИНА БИТОЛА ЗАПОЧНА СО РЕАЛИЗАЦИЈА НА ПРОЕКТОТ ЗА САНАЦИЈА НА ЈУЖНАТА ТРИБИНА НА ФУДБАЛСКИОТ СТАДИОН „ПЕТАР МИЛОШЕВСКИ“
Градоначалникот на општина Битола, Тони Коњановски, советникот Бојан Бојкоски и претставници од одделението за комунални дејности во општина Битола, денес извршија увид на работните активности за санација на јужната трибина на стадионот „Петар Милошевски“. Со овој проект, во износ од 46.031.312 денари опфатена е санација на постоечките скалници – седишта, премачкување, обработка, поставување на седишта, за што ќе бидат набавени 4852 парчиња, вклучувајќи ги и резервните и ќе се изврши заштита на сите челични елементи, вклучувајќи ја и настрешницата.
Проектот за санација на јужната трибина на стадионот „Петар Милошевски“ е проект за кој Општина Битола, доби финансиска поддршка од Владата на Република Македонија, преку првиот повик за инвестициии во инфраструктура.
Паралелно, Општина Битола во соработка со ФФМ работат на исполнување на условите на УЕФА, за одигрување на меѓународниот натпревар на 9 септември за селекциите до 21 година, помеѓу Македонија и Италија.
Во рамките на проектот “Стручни работилници: Училишните библиотекари – поттикнувачи на интересот за библиотечна дејност”, денеска се одржаа обуки во Битола и Скопје под покровителство на Министерството за култура и туризам. Настанот собра повеќе од стотина професионалци од целата земја.
Со поддршка на Министерството за култура и туризам, на 18.06 2025 во ОУ „Св. Кирил и Методиј“ Битола и ООУ „Св. Климент Охридски“ Скопје се реализира проектот од „Стручни работилници: Училишните библиотекари ̶ поттикнувачи на интересот за библиотечна дејност кај децата и младите“ од авторот д-р Лили Бошевска, како проект од национален интерес во културата за 2025 година во областа на библиотечната дејност.
Проектот се состои од шест работилници за училишни библиотекари, за усовршување на компетенциите за стимулирање на библиотекарската едукација и поттикнување на интересот за библиотечната дејност кај децата и младите, како и деца и млади со попреченост. Работилниците ги одржаа м-р Маја Трајковиќ во Скопје и д-р Лили Бошевска во Битола.
Училишните библиотекари кои се најважниот фактор за создавање и развивање на интересот за читање и други поттикнувачки активности за социјализација и личен развој на учениците, најчесто се преокупирани со најразлични споредни активности во училиштата кои им се доделуваат без да се имаат во предвид нивните законски работни обврски. Стручните работилници имаат цел да ги зајакнат сознанијата и свесноста за потребните стручни компетенции на училишните библиотекари и професионалните стандарди кои треба да се исполнат за функционирање на еден успешен библиотекар во успешна и современа училишна библиотека
Стручните работилници ќе обезбедат да се постигне поврзаност и кохезија на мноштвото обврски на училишниот библиотекар и утврдување на приоритетите за поттикнување на библиотечната дејност кај децата и младите во професионалниот план за развој и програмата за работа на библиотекарот кои се основни програмски документи кои секој училишен библиотекар треба да ги поседува не само како празни зборови на хартија туку како реални и развојни документи кои ќе ја планираат, а потоа насочуваат, активноста на библиотекарот.
На стручните работилници, библиотекарите ќе се поттикнат да размислуваат за потенцијални активности со кои го поставуваат првиот контакт на библиотеката со децата. Токму со тој прв контакт се формира односот на секое дете, а понатаму на младите со библиотеката и книгата. Стручните пристапи, методите и техниките на работа кои ќе бидат применети на стручната работилница се стекнати на Светскиот конгрес на библиотекари ИФЛА и ќе овозможат практично поврзување на светските искуства со нашите реални состојби, материјалните услови и законските одредби кои постојат и ја регулираат работата во образовната и културната дејност. Новите сознанија и насоки за библиотечната дејност ќе бидат практични и применливи за македонските училишни библиотеки.
Според зборовите на рецензентката м-р Гордана Горгиевска Неделковски, виш библиотекар во НУУБ „Св. Климент Охридски“ Битола: „Во систематски поставените поглавја, авторот нé води од компетенциите што треба да ги има еден библиотекар кој работи во образовните институции, па сé до реализирање на најкомплексните задачи во секојдневното работење. Како што потенцира и самиот автор „Библиотекарот е неизоставен фактор во афирмирањето на библиотеките како културен центар на училиштето во кое се учи, се твори и се разменуваат едукативни и стручни информации“. Желбата и посветената работа на еден библиотекар кој работи во образовната институција е доказ дека можат да се направат видни промени преку интерактивни работилници коишто ги опфаќаат учениците, родителите, образовните работници, заедницата како и лицата со попреченост. “
За публикацијата која е плод на долгогодишното искуство на авторката, во исто време и за проектот како поврзување со реализираните обуки за училишните библиотекари го истакнува своето мислење и м-р Фатма Бајрам Аземовска, библиотекар советник во НУУБ „Св Климент Охридски“ Битола: „Со својот интегриран и сеопфатен пристап, публикацијата претставува модел за создавање успешни стратегии за развој на училишните библиотеки, кои ќе одговорат на предизвиците на дигиталното време и ќе придонесат кон формирање на генерации љубопитни, креативни и информирани ученици. Нејзината вредност е и во тоа што го охрабрува библиотекарот да се позиционира како рамноправен член на наставниот кадар и како клучен носител на културната мисија на училиштето. Како магистер по библиотекарство, сметам дека оваа публикација е од суштинско значење за професионалниот развој на училишните библиотекари, но и за пошироката едукациска заедница. Таа претставува корисен и применлив водич кој придонесува за зајакнување на улогата на библиотекарите како современи, компетентни и инспиративни професионалци.“
Бодибилдерот Зоран Лазаровски најави независна советничка листа и учество на локалните избори во Битола
Јуни 19, 2025Познатиот битолски бодибилдер Зоран Лазаровски - Паљо, најави учество со независна листа на претстојните локални избори во Битола. Лазаровски кој извесен период наназад е еден од водачите на протестите "Стоп за депонија во Пелагонија" на својот Фејсбук профил најави дека ќе формира независна советничка листа насловена "За Битола.
-На локалните избори во октомври ќе учествувам со Граѓанска независна советничка листа еве го логото и мотото "ЗА БИТОЛА", за да започни вистинската борба за Битола. Мора сите битолчани и битолчанки да се разбудите и да ја видите вистинската катастрофална слика на најуништениот град во Македонија и регионот. Не ја памтам ваква да била Битола никогаш ние не можиме 80 тите да ги стигниме, па камоли напред да одиме. И на сето уништување капак -депонија за 18 општини во Пелагонија сакат да не напрат контејнер. Ова е една шанса мој последен обид да ја спасам Битола. Ако ме изгласате се ќе дадам за БИТОЛА И ЌЕ СЕ БОРАМ ДОКРАЈ ако не се повлеквам од борбата за Битола и ќе се посветам на семејството. Моја последна борба за Битола - ваша последна шанса да ја спасите Битола. Ако гласате масовно да има што повеќе советници од листата "ЗА БИТОЛА" тогаш шансите се големи да ја спасиме Битола, ако не готово е крај", пишува Лазаровски и на крај вели програмата ќе биде реална, без фантазите и лагите на партите кои не лажат 35 години, ќе ја објавам подоцна.
Лазаровски и претходно настапуваше како независен канадидат за градоначалник со советничка листа.
Најчитани
