АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Април 25, 2026
Анета Блажевска
Битолската полиција расчисти три измами со лажни сообраќајки
Октомври 24, 2025Расчистени три измами со лажни сообраќајки во Битола, поднесена е кривична пријава
По преземени мерки и активности во координација со Одделот за криминалистичка полиција при БЈБ, СВР Битола до Основното јавно обвинителство Битола поднесе кривична пријава против Б.А.(53) од Битола поради постоење основи на сомнение дека сторил кривично дело „измама“.
Имено, на 23.10.2025 пријавениот со уште едно лице во три наврати и со лажно прикажување или со прикривање факти измамиле 88-годишна битолчанка и 67-годишен битолчанец и се обиделе да измамат 92-годишен битолчанец. Делото го сториле на тој начин што другото лице телефонски им се јавило и ги довело во заблуда дека нивни блиски направиле сообраќајна несреќи и доколку не сакаат да одат во затвор ќе треба да им платат одредена сума на пари. Битолчанката на возраст од 88 години и 67-годишниот битолчанец им дале 54.000, односно 900 евра и 22.000 денари, а парите ги земал првопријавениот. Додека, 92-годишникот откако тргнал да ги однесе парите на договореното место, бил спречен од неговите син и снаа.
ПО преземени мерк, истиот ден во 17:10 часот во Битола, полициски службенци од СБР Битола го лишиле од слобода Б.А. и при преглед кај него пронајдени се мобилен телефон и паричник со пари кои потекнуваат од кривичните дела. Со него е извршен службен разговор, при што го признал делата.
Во Битола одбележан Денот на македонската револуционерна борба
Октомври 23, 2025ВО БИТОЛА ОДБЕЛЕЖАН 23 ОКТОМВРИ – ДЕНОТ НА МАКЕДОНСКАТА РЕВОЛУЦИОНЕРНА БОРБА
Пo повод 23 октомври – Денот на македонската револуционерна борба, денес пред споменикот на Даме Груев во дворот на Заводот и музеј, свежо цвеќе положи градоначалникот на општина Битола Тони Коњановски, како и претставници на Советот на општина Битола, претставници на Сојузот на борци, на политичките партии и Здружението на ветерани од безбедноста.
„Пред 132 години, на денешен ден, беше основана Македонската револуционерна организација во Солун. Денес им оддаваме почит, пред споменикот на еден од основоположниците на организацијата Даме Груев, со што се потсетуваме на почетокот на македонското револуционерно движење и организираната борба на македонскиот народ за формирање на независна држава. Овој празник е должност во денешнината за континуиран напредок на Македонија. Нека ни е честит 23 Октомври, Денот на македонската револуционерна борба“, истакна градоначалникот Тони Коњановски.
Вработените од АД ЕСМ ви го честитаат 23 октомври - Денот на македонската револуционерна борба
Октомври 23, 2025Честит 23 Октомври - Денот на македонската револуционерна борба.
АД ЕСМ ви го честита овој значаен ден посветен на основањето на Македонската револуционерна организација во Солун.
Овој ден претставува симбол на борбата за слобода, идеали и државност - потсетник за храброста и саможртвата на нашите предци кои се бореа за независна и слободна Македонија.
Нека ни биде поттик за обединување, достоинство и продолжување на напорите за подобра иднина.
Општина Битола вложува во модернизација на Гимназија "Таки Даскало"
Октомври 22, 2025ОПШТИНА БИТОЛА ВЛОЖУВА ВО МОДЕРНИЗАЦИЈА НА СОУ „ТАКИ ДАСКАЛО“
Во изминатиот период, Општина Битола реализира значајни инфраструктурни проекти во СОУ „Таки Даскало“, со цел создавање современи услови за работа и поквалитетно реализирање на наставата.
Реконструирани се спортските терени и училишниот двор, поставени се нови подови во сите училници, извршена е санација на внатрешните скалила и уредување на паркинг просторот со бехатон плочки и електронска рампа.
Училиштето доби нов мебел, училишни табли, информатичка и видео опрема.
Во рамките на енергетската ефикасност, на покривот е поставена фотоволтаична централа со јачина од 40 KW, која целосно ги задоволува потребите на училиштето за електрична енергија.
Реализиран е и проект за замена на сите дотраени врати, а во зградата Блок Б комплетно е реконструирана електричната инсталација.
Со овие инвестиции, општината создава современи услови за настава и работа, потврдувајќи дека вложувањето во образованието останува еден од нашите врвни приоритети.
Подобри услови за студентите во Студентскиот дом во Битола
Октомври 22, 2025Денес, претседателот на УСС УКЛО, Димитар Атанасовски беше на средба со директорот на студентскиот дом „Кочо Рацин“, Љубе Маркоски.
На средбата се дискутираа различни теми околу состојбата на студентскиот дом.
-Увидовме дека има волја за подобри услови за живеење во студентскиот дом, oбјавија по средбата.
Двајца возрасни мажи од Битола фатени со дрога среде бел ден на ул. „Наум Наумовски Борче“ во Битола
Октомври 22, 2025Возрасен маж од Дихово ем урлал ем омаловажил полицаец
Октомври 22, 2025СВР Битола информира . Жител на село Дихово омаловажол полицаец.
На 21.10.2025 во 23:00 часот полициски службеници од СВР Битола во с. Дихово, битолско го лишија од слобода А.К.(40) од с. Дихово, бидејќи го нарушувал јавниот ред и мир и притоа ги омаловажувал полициските службеници. По документирање на настанот против него ќе биде поднесен соодветен поднесок.
Пензионер од Битола земал службени дневници, користел службен телефон и патувал во странство со директорката со службено возило, утврди ОЈО Битола
Октомври 22, 2025Драганчо Саботковски води со 409 гласа пред Сашо Пивковски - во Могила градоначалник ќе се бира во вториот круг од локалните избори
Октомври 21, 2025Драганчо Саботковски актуелен градоначалник на Општина Могила и кандидат за втор мандат, води со 409 гласа пред второ пласираниот независниот кандидат Сашо Пивковски, на првиот круг од локалните избори во пелагониската општина Могила.
Во Општина Могила градоначалник ќе се бира во вториот круг од локалните избори на 2 ноември. Во општината од вкупно запишаните изборачи 4.671 на гласање излегоа високи 69 проценти или 3.222 гласачи.
Саботковски е кандидат на ВМРО-ДПМНЕ и коалицијата и во неделата освои најмногу гласови од могилчани 1.662, односно 49,17 од граѓаните со право на глас заокружиле за актуелниот градоначалник.
Со разлика од над 400 гласови, под него е независниот кандидат Сашо Пивковски со освоени 1.253 гласови или 37,07 проценти од гласовите во Општина Могила.
На трето место по бројот на гласови во првиот круг е Зоран Ристевски од СДСМ со 351 глас.
Во вториот круг силите ќе си ги одмерат Саботковски и Пивковски. Пред вториот круг од изборите се очекува од двајцата противкандидати позитивна кампања и да понудат остварливи прокети за граѓаните на Могила.
Драганчо Саботковски
Сашо Пивковски
Најчитани
