Националната установа Универзитетска библиотека „Св.Климент Охридски“ - Битола и Битолскиот книжевен круг денеска го одбележаа 21-ви март - Светскиот ден на поезијата. На почетокот на средбата се обрати директорот на библиотеката Бојан Стефановски кој рече: „Светскиот ден на поезијата е можност да се сврти вниманието на секој жител на планетата кон единствената карактеристика на поезијата, допирање на најдлабоките жици на душата во една личност, будење на креативни способности и одговарање на какви било духовни прашања. Многу луѓе го наоѓаат својот мир и релаксација во поезијата, благодарение на поетскиот збор, учат да се разберат себеси, во своите мисли и емоционални искуства. Друга важна цел на празникот е можноста да им се каже на почетниците писатели и малите издавачи. Овој ден е еден вид поттик за развој не само на поезијата, туку и на другите видови уметност, бидејќи во настаните е вклучена каква било креативна насока, било да е тоа танц или музика“.

Секоја година, 21-ви март е резервиран за одбележување на три големи настани. Освен што ќе и кажеме големо “добредојде” на пролетта, на екологијата и ќе го прославиме и Светскиот ден на поезијата. Една од повеќето причини зошто се означува токму Светскиот ден на поезијата, е одржување во употреба на усмениот рецитал. На овој начин се обновуваат и дијалозите помеѓу поезијата и другите уметности. Одлуката токму 21-ви март да се прославува како Светски ден на поезијата била усвоена во Париз во 1999 година. Оттогаш, овој ден се прославува со книжевни собири низ целиот свет од страна на поетите кои испраќаат пораки во чест на стиховното творештво.

Националната установа Универзитетска библиотека „Св.Климент Охридски“ - Битола и Битолскиот книжевен круг даваат поддршка на поезијата, враќање на усната традиција на поетски рецитали, промоција на едукацијата за поезијата, обновување на дијалогот меѓу поезијата и другите уметности (театарот, танцот, музиката, сликарството), поддршка на малите издавачи и создавање атрактивна слика за поезијата во медиумите. 

На средбата во Библиотеката  читаа Бети Јончиќ, Милица Радевска, Златко Жоглев, Даниела Андоновска Трајковска, Мирјана Стојановска, Михајло Свидерски, Илче Стојановски и Гордана Стојановска.

50 новозаболени се регистрирани денеска во Битола и едно починато лице од коронавирусот. Има 413 активни случаи, а во болницата во Битола се хоспитализирани 71 пациенти позитивни и суспектни на КОВИД-19

Министерството за здравство информира, согласно податоците од Институтот за јавно здравје:

Лекарската комора  како највисоко стручно здружение на докторите по медицина,  упатува апел и ги повикува сите граѓани да ја препознаат сериозноста на ситуацијата во која се наоѓаме предизвикана од ширењето на ковид-19 и со заеднички придонес и делување да им помогнат на лекарите во борбата за заштита на индивидуалното и колективно здравје, бидејќи тоа е единствениот начин да се спречи понатамошното ширење на вирусот и да се избегне колапс на здравствениот систем.

Експоненцијално растат бројките на заболени од ковид-19, рече градоначалничката на Битола, додавајќи дека има појави во некои кафулиња да се ставаат поблиску масите, па ја повика инспекцијата да делува.

„Да се почитуваат мерките, од односот на сите нас зависи како ќе се одвива ситуацијата и дали пиковите ќе ги избегнеме. Носењето на маските, држењето на дистанцата, се сепак суштински и навремената поддршка на здравствените институции. На последниот состанок на Кризниот штаб на кој беа сите директори на здравствените институции посочија дека тие се во добра кондиција од аспект на давање на услугите и следење на состојбите. Слободни легла има, а неделава завршуваат и активностите за да може да се отвори модуларната болница да ја имаме како дополнителен капацитет. Но, факт е дека експоненцијално растат бројките и тоа детектиравме дека се случува најмногу, покрај тоа што треба да се почитувааат носењето маски и дистанца, најмногу се должи на собирањето на поголеми групи на места како што се кафулињата, каде факт е дека имаме ситуации на поблиску поставување на масите, ја повикувам инспекцијата да делува согласно насоките, но и граѓаните за време на празниците да ги редуцираат посетите“, рече Петровска.