Општина Новаци се приклучи во одбележувањето на Светскиот ден на енергетската ефикасност востановен на 5-ти март , во чест на првиот состанок на светските експерти од оваа област одржан во Австрија во 1998 година.

Изминатиов период во Битола група ентузијасти од Здружението „Калидус“ снимија четири едукативни и забавни видеа на тема „Медиумската писменост на социјалните мрежи“.

Оваа современа тема во сценаријата е обработена низ забавно- хумористична нишка, но со акцент на сериозноста од опасностите кои демнат на секој чекор во виртуелниот свет.

Видеата се пред сѐ наменети за деца на возраст од 10 до 16 години, затоа што како што велат од Здружението „Калидус“, токму на таа возраст децата се впуштаат во неконтролирано користење на социјалните мрежи и лесно може да западнат во непријатности. Видеата укажуваат на секојдневни можни случки и како на најдобар и најсоодветен начин треба да се реагира во дадена ситуација. Видеата се изработени двојазично, на  англиски јазик и со превод на македонски јазик. 

Видеата наидоа на голем интерес од страна на јавноста. Може да ги погледнете на YouTube каналот на Здружението Калидус – Association Callidus    

https://www.youtube.com/watch?v=_Q-Ca-MswSA&list=PLMy_9APb6ofb81K6BvfFw8qzTLvX4qVoq

Откако во Битола е потврден првиот случај  на британската мутација на КОВИД-19, градоначалничката на Битола Наташа Петровска, која раководии со локалниот Кризен  штаб, вели дека ситуација се следи, во моментот нема простор за паника, но треба да сме претпазливи.

Во Општина Битола се поставени 22 нови специјализирани контејнери за одлагање на стаклена амбалажа. Градоначалничката на Општина Битола Наташа Петровска и директорот на Јавното претпријатие „Комуналец“ Панде Богоевски, потпишаа договор за примопредавање на новите контејнери со претставник од Германското друштво за интернационална соработка преку Отворен Регионален Фонд за Југоисточна Европа – Модернизација на општински услуги (ГИЗ ОРФ ММС). Овој проект во Република Северна Македонија се реализира со поддршка на ЗЕЛС, на ПАКОМАК и на Германското друштво за интернационална соработка (ГИЗ).

НУУБ „Св. Климент Охридски“ – Битола  е дел од регионалната мрежа на хортикултурни библиотеки, концепт кој што вклучува  запознавање, користење и практична апликација на знаења и литература од областа на ботаника, уметноста, како и промовирање на литература од истата област со што библиотекарите го унапредуваат квалитетот на своите услуги преку поголемо користење на фондовите на библиотеката и обликување на позитивна свест за уредување на работни и животни простори.