Министерството за труд и социјална политика соопштува дека согласно со Законот за празниците на РМ („Службен весник на РМ“ бр.21/98 и 18/07), 13 Мај 2021 година (четврток), Рамазан Бајрам, првиот ден на Рамазан Бајрам, е неработен ден за сите граѓани на Република Северна Македонија. 

По Повод 7 мај, Денот на полицијата претставници на СВР Битола ги посетија дечињата од детските градинки „Мајски цвет“ и „Коца Василева“ во Битола. Средбата се одржа на отворено во дворот на градинките со почитување на сите мерки за заштита од ковид-19. Дечињата имаа можност да слушнат за предизвикот што значи да се биде полицаец, како и да се запознаат со полициските возила мотор и полициско комбе. Дечињата пак подготвија изложба со цртежи посеветенини работата на полицијата.

Се зголемува интересот за вакцинација. Како што утрово објави министерот за здравство, Венко Филипче, само во текот на вчерашниот ден се вакцинирани 12 606 граѓани од кои 10 135 прва доза а останатите ревакцина.

„Живеам овде 60 години. Конечно дочекав да имам нормална вода и канализација, а најважно е што влегуваме дома без кал и прашини", вели жител на еден од краците на ул. „Прогрес“, каде што заврши поставувањето на бехатон плочки, откако претходно беше променета водоводната и канализационата мрежа.

Почина Гоце Талески тапанар  од битолскиот бенд  ,,Оскар". Колегите и неговите пријатели со неверување се збогуваат со Гоце преку социјалните мрежи, а погребот ќе се одржи денес на Светонеделските гробишта. Изминатите недели на социјалните мрежи имаше повик за помош од страна на хумани граѓани да помогнат за да се излекува во приватна болница. За жал, Гоце ја изгуби битката со болеста. Беше сопруг, татко на две малолетни деца, тапанар во ,,Оскар"  и човек со широк круг на пријатели во Битола. 

Основното јавно обвинителство Битола, по спровредената претходна постапка, а пред поднесување на обвинителен предлог постигна спогодба со трите осомничени лица – двајца специјалисти гинеколози од Одделот за гинекологија и акушерство во ЈЗУ Клиничката болница „Д-р Трифун Пановски“ – Битола и странска државјанка која без соодветна лиценца за работа од лекарската комора во земјата, правела царски рез во Клиничката болница во Битола на 1.1.2021 година.

Полека, но сигурно “паѓаат маските” на, до денес, скриените подбуцнувачи на револтот од најавените реформи во основното образование, а воедно и на поддржувачите, ако не и организаторите, на бојкотот на наставата во училиштата, стои во реакцијата на СДСМ од Битола испратена до медиумите.

,,За жал, овојпат 'жртви” на бескрупулозните политики на ДПМНЕ се деца и родители. ДПМНЕ Битола денес одлучи да го прекине молкот во врска со актуелните случувања поврзани со најавените реформи во основното образование во земјава и да “излезе од сенката” од која речиси две седмици се обидуваше да ја менаџира состојбата. Наместо како одговорна политичка партија да се приклучи во напорите за реформирање на образованието, опозицијата и овојпат се одлучи за подгревање на страстите, внесување на дополнителна конфузија меѓу учениците и родителите, ширејќи класични лаги и невистини, поврзани со најавените реформи. Секоја промена наидува на отпор, а кога ДПМНЕ “ќе замеша прсти”, отпорот преминува во хајка, во која страдаат не само нивните политички противници", пишува во реакцијата.

-Оваа кутра, млада стипендистка на магистерски студии која се потпиша на денешното јавно обраќање до јавноста во името на ДПМНЕ Битола, ги потврди сомневањата дека само партија која го инсталира актуелниот образовен модел, може да биде и најсилниот противник на најавените реформи. Сите восклици за најавените реформи изминатите неколку денови кои доаѓаа од истакнати партиски функционери на ДПМНЕ, полни со лаги, па и со недолични измислици, денес добија смисла. Можеби ќе си го покаже ликот и “детскопарламентарниот” ментор и “Пеце, амбасадорот на/од Битола”, кој без разлика што наводно лично сметал дека идејата за дигитализација на учебниците е одлична, за партиски цели искористија активисти со чесни намери, доведоа во заблуда деца и родители дека најавените реформи се лоши, дека ќе им ги оправдаат изостаноците од часовите.

Токму денешното обраќање до јавноста на ДПМНЕ Битола на кое е потпишана млада стипендистка на магистерски студии, докажува колку е сериозна потребата од реформи во македонското образование (слика во прилог). Реформите на кои во моментов работат стручни лица треба да резултираат со квалитетна настава, со ученици што усвојуваат знаења, со задоволен наставнички кадар, со родители кои ќе немаат обврска да бидат и тутори на своите деца. ДПМНЕ, како по обичај, избира да биде на темната страна", пишува во реакцијата.