Акциската сообраќајна контрола што денеска МВР ја спроведе во Битола, потврди дека битолчани се најнедисциплинирани возачи. За само 1 час изречени се 90 санкции, што е рекорд во акциите што полицијата ги реализираше низ различни градови во изминатите 3 недели.

Сцена 1 Бугарија 1987 година. Моите родители беа на викенд во Велинград, на бањи. Продадоа нешто фармерки и мастики за џвакање, па викендот им дојде џабе. На бегање не знам што им текна, купија нешто училишен прибор: моливи, тетратки, режала. Јас уште во основно, си имав TOZ Загреб HB моливи, тетратки од Кочани, најубави. На враќање на граница, цариникот (митничарот) им го виде приборот и им го одзеде. Буквално им рече: „Ако вие купувате прибор, ќе нема за б'лгарските деца, со што ќе пишуваат тие? Се е броено, ќе снема за нив“. Не разбрав баш, ама тоа ти било планска економија. И ич не ми беше жал за некакви нови моливи.

Сцена 2 Бугарија 1997. Шетаме со брат ми во Софија и бараме бугарски касети и ЦД-иња со странска рок музика да купиме, ефтини беа. Јас гладен како пес. Гледам дуќан и редица луѓе чекаат, а пишува ПИЦА. А, реков тамам, ќе чекам и јас. Не сум баш вака навикнат да чекам ред, ама гладен сум, што ќе правам. Скоро ми дојде редот и што ќе видам. Чекаат ред за ЈАјца, не за Пица. Р латиница однопаку Я, па ИЦА. ЯИЦА ----јајца! Чекаат ред за ЈАЈЦА!

Сцена 3 Македонија 2007 типичен Македонец - абе да се пишам јас Бугарин, имам од дедо ми некои документи на бугарски, ќе земам пасош, па ќе заминам Европа. Овде то е, не се живеј. И онака виза нема да ми дадат со нашиот пасош. Чекам 2-3 години, плаќам куп пари и конечно дојде денот. Палам колата, одам во Софија, го барам шалтерот (пише 105) и му велам „Екскјуз ми, ај хев то гет мај паспорт“. А службеникот ми вели – „Как'в Б’лгарин ште б'деш ти бе, не го знаеш јазикот.... аааајјј нати го пашапорто и со ум“. ЕУ ХИР АЈ КОМ!

Сцена 4 Бугарија 2017. Море ефтини коли. Возени од баба во Германија со гаранција на КМ. Нема зелен картон, регистрација ефтина. Плус нема патарини има вињетки. Ќе ги возам на бугарски таблици, па ќе одам еднаш годишно до Благоевград за регистрација, чудо големо. Абе комфорот не е ист, ова е машина и пол. Спие колата. Плус се на кирилица таблиците, не се познава многу разлика. И најважно, не чекам ред на граница за во Лидл до Лерин. Има вентијаги на попуст.

Сцена 5 Македонија 2020. Денес мешовита историска македонско-бугарска комисија имаше состанок во Скопје. Нема договор за Гоце Делчев. Има мал напредок, ама уште мора да се разговара, за да се расчисти нашиот, македонски пат кон ЕУ.

П. С. Ееееее, да си земев еден бугарски молив и да си напишев пријава за пашапорт, да си напраев една кајгана дури чекав, па со пасошот, да си возев со колата на кирилица таблици до ЕУ? Или НЕ,ммм? 

За најмногу пет години, од РЕК Битола ќе биде исклучен еден блок, а истата судбина ги чека и преостанатите два во наредните 10-15 години, во зависност колку тоа ќе го дозволат европските регулативи.

Ова го истакнаа премиерот Зоран Заев и директорот на ЕСМ, Васко Ковачевски денеска при посетата на  претоварната станица во Скопје за одложување на стари печки и други нееколошки грејни тела.

„Имаме јасна енергетска стратегија и знаеме дека доаѓа моментот кога ќе треба да ги затвориме комбинатите кои произведуваат на јаглен. Државата размислува да прифати една многу пријателска понуда од Грција, да бидеме косопственици на гасните терминали во Александрополис, каде што ќе се гради 800 мегаватна гасна централа што ќе произведува два и пол пати повеќе енергија од енергетскиот дефицит што го имаме како земја“, изјави Заев, додавајќи дека земјата е исправена пред предизвикот кога ќе треба да ги затвори централите за производство на струја од јаглен

„Во следниот период ќе претстои затворање на еден блок на РЕК „Битола“, кој ќе биде приклучен на гасоводот што ќе минува крај Битола и ќе се трансформира во гасна централа“, рече Заев, нагласувајќи дека стратегијата на државата се обновливите извори на енергија.

„Иако не сме членка на ЕУ и немаме обврски за плаќање на аранжманите за емисиите на јаглерод диоксид, сепак во текот на преговорите за членство ќе мора да се прилагодуваме кон тие обврски“, рече Заев.

Тој исто така најави и повеќе инвестиции во обновливите извори на енергија – очекува успешен процес за Чебрен и Галиште што ќе се види на 28 декември кога се отвораат понудите.

Директорот Ковачевски рече дека Блок 1 од РЕК „Битола“ ќе се затвори во наредните пет години, но сепак енергетската транзиција не може да се направи преку ноќ имајќи предвид дека комбинатот е најголем производител на електрична енергија во нашата држава, произведува 75 отсто од енергијата.

„Ние планираме во наредните години еден по еден од блоковите да се затвораат. Во првите пет години ќе биде затворен Блокот 1 кој што не е модернизиран и во него се инвестира најмалку. Меѓутоа Блок 2 и Блок 3 мора да работат во наредните десетина години“, рече Ковачевски додавајќи дека токму затоа во претходните две-три години се инвестирало во модернизација и во ремонти во тие блокови за да има сигурно и стабилно производство на електрична енергија.

Тој објасни дека во наредниот период ќе треба да се применат еколошките мерки во овие два блока на термоцентралата затоа што ќе работат 10-15 години, односно, како што нагласи „толку колку ќе ни дозволат европските регулативи“.

„Европската енергетска заедница ја издвои нашата држава во овој дел на Европа во делот на енергетските транзиции или трансформации. Прв проект е затворањето на РЕК ‘Осломеј’ и преминување од производство на јаглен на производство на енергија од сонце“, рече Ковачевски.

Понатаму, како што додаде, тоа ќе се прави и во Битола, со отворање нова гасна централа, за почеток првата која ќе биде со јачина до 250 мегавати и ќе го замени производството на Блок 1.

„Продолжуваме и со инвестиции во фотоволтаици во кругот на РЕК ‘Битола’ и во кругот на хидроелектраните, посебно во ‘Тиквеш’ каде што имаме можност за дополнителни инвестирања на 100 мегавати фотоволтаици, како и во ветерни паркови кои што треба да ги завршиме. Ветерниот парк во Богданци кој што е со јачина од 36 мегавати, а со дополнителна инвестиција од 14 мегавати ќе го заокружиме проектот на 50 мегавати ветерен парк во Богданци. Следната фаза е новиот ветерен парк од 50 мегавати во Миравци“, рече Ковачевски.

Тој очекува дека со инвестициите во обновливите извори на енергија, како во фотоволтаиците, во хидроелектраните, како ревитализација на постојните така и нови проекти, потоа во ветерните паркови и гасификацијата која што е надежна за производство на енергија, ќе се покрие побарувачката и ќе се задоволи производството на енергија, и на тој начин конечно ќе се стави крај на производство на енергија од нееколошки горива.

Извор: https://nezavisen.mk/

Во последните 24 часа се направени 2306 тестирања, а регистрирани се 438 нови случаи на ковид-19 во:

Поставена е фекална канализација во должина од 577 метри со просечна длабочина од 7,5 метри и атмосферска канализација со должина од 560 метри со просечна длабочина од 2,5 метри при реконструкцијата на улицата „Партизанска“ во Битола, на потегот од спојот со улицата „Васко Карангелевски“ до „Методија Андонов Ченто“.

Како што информира директорот на ЈП „Нискоградба“ Методија Силјановски ова е еден од ретките инфраструктурни случаи во Битола да се копа на толкава длабочина за да се постави канализација бидејќи во овие делови минуваат значајни каналски мрежи. Така канализационата мрежа мораше да минува под Стрежевскиот и под отворениот канал на река Курделес кој ги опфајќа атмосферските води од Брусничко- лавчанска населба 1 и 2.

„За изведба на толку големи длабини потребно е доста време како за ископите, така и за засипување на самите канали со потребно набивање и добивање на потребната збиеност. Кај други улици не сме се соочиле со такви длабочини. Мораше да се помини под каналите и да се добие стабилна подлога за да може потоа да се асфалтираат улиците и во текот на нивната експлоатација да немаме деформации во текот на следните минимум десетина години“, рече Силјановски.

Воедно, во текот на реализацијата имаше и неповолни временските услови, па се пролонгира изведбата.

Со инстраструктурните зафати се доби стабилна подлога, а се наместија и приклучоците за околните згради. Со ова минато стана проблемот што околните жители го имаа со канализацијата.

„Нискоградба со Општина Битола имаше склучено договор за изведба на приклучоците за зградите кои гравитираат кон улица Партизанска. Со изведбата на приклучоците на новопроектираната фекална и атмосферска канализација беа решени долгогодишните проблеми на граѓаните од зградите. Ова место е специфично поради длаболчината затоа имавме проблеми со постоечката фекална и атмосферска канлизација зашто враќаше и затоа се пристапи кон реконструкција и решение на проблемот“, рече Силјановски.

Реконструкцијата на улицата „Партизнаска„ во Битола во должина од 730 метри започна летово. Вкупната инвестиција е 581 000 евра од кои 355 000 евра се од Буџетот на Општина Битола. .