АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јули 07, 2026
Анета Блажевска
Димитриевиќ - Изборот на претседател на СДСМ - Битола ќе зависи и од мислењето на консултираното членство
Април 24, 2026Битолска економија - Фустеларко Борец од Битола ќе дели дивиденда од 200 денари за акција
Април 24, 2026Се апаси во Битола за нелегален ботокс и филери
Април 23, 2026Вечерва под раководство на Обвинителството за гонење организиран криминал и корупција, полицијата спроведува акција за сузбивање на организирана криминална група вмешана во извршување на кривични дела „злосторничко здружување“, „повреда на права од индустриска сопственост“ и „неовластена употреба на туѓа фирма“, како и „примање поткуп“ и „помагање“, дознава „Слободен печат“ од свои добро упатени извори. Во рамките на акцијата врз основа на претходно обезбедени наредби од Основниот кривичен суд, се вршат претреси на повеќе локации во Скопје, Струмица и Битола, при што уапсени се повеќе од 10 луѓе, дел од нив вработени како доктори на скопските клиники, сопственици на дерматолошки ординации и организатори на транспорт и продажба на илегално внесени стоки со статус на медицински лек и медицинско помагало, без одобрение од надлежен орган, без упатство и без налепници. При претресите пронајдени и одземени се поголемо количество на медицински лекови и медицински помагала, едно луксузно возило, парични средства, парфеми, телефонски апарати и друго.
Неофицијално, медицинските средства што се внесени нелегално се ботокси и филери, со намера да се употребат за естетски интервенции, но нема информации дали истите биле употребени врз пациенти и дали предизвикале штета.
Во акцијата опфатени се и доктори од ГОБ „8 Септември“ и од Клиниката за дерматологија. Извор Слободен печат
"Менопауза" на Тијана Дапчевиќ вечерва ќе го отвори Фестивалот на монодрамата во Битола
Април 23, 2026На Педагошкиот факултет во Битола имало греење според „утврдени правила“ зависни од атмосферата, студенти велат само 2 часа претпладне
Април 23, 2026ВОДАТА Е ЖИВОТ-ЗАЕДНО ЈА ЧУВАМЕ. КОЊАНОВСКИ И ГИНОВ НА СРЕДБА СО ПРЕТСТАВНИЦИ НА ШВАЈЦАРСКАТА АМБАСАДА
Градоначалникот на Битола, Тони Коњановски денеска присуствуваше на работниот состанок во ЈП „Водовод“ Битола, каде со директорот Андреј Гинов имаа средба со претставници од Швајцарска амбасада за реализација на проектот за надминување на постојните предизвици.
Проектот кој е насочен кон модернизација на водоводниот систем, опфаќа прецизна евиденција и контрола на потрошувачката, воведување SCADA систем и современи водомери, подобрување на наплатата и намалување на загубите, со посебен акцент на руралните средини. 
Оваа иницијатива произлегува од реалната потреба за технолошка модернизација и дигитализација на системот, со цел обезбедување поефикасно управување со водните ресурси.
На средбата беше истакната значајната соработката и со европските фондови, чија поддршка овозможува развој и имплементација на современи решенија. Нивното активно учество претставува клучен фактор за понатамошно унапредување на системот.
Овој проект претставува прва фаза од поширок процес, кој во иднина треба да прерасне во целосна дигитализација на водоводната мрежа, особено во делот на автоматизирано отчитување во руралните средини.
Со инвестиции во инфраструктурата и дигитализација, се очекува зголемена ефикасност на системот, подобрување на услугите кон корисниците и одржливо и одговорно управување со водните ресурси.
Економското училиште од Битола слави патронат
Април 22, 2026ЕКОНОМСКОТО УЧИЛИШТЕ ОД БИТОЛА СЛАВИ ПАТРОНАТ! Со свечена програма исполнета со креативност, Средното општинско економско училиште „Јане Сандански“ Битола денес го одбележа својот патрон празник. Чествувањето започна со достоинствено оддавање почит и полагање свежо цвеќе пред споменикот на големиот револуционер Јане Сандански, од страна на градоначалникот на Општина Битола, Тони Коњановски, и директорката на училиштето, Биљана Јанкуловска. 
Свечениот дел од програмата беше отворен со моќниот настап на училишниот хор, кој ја внесе публиката во празничната атмосфера. Програмата продолжи со вокалните изведби на талентираните ученички под менторство на професорот Марко Тепчевски, кој беше задолжен за музичкиот сегмент на манифестацијата. Веднаш потоа, сцената ја преплави енергијата на учениците кои преку своите танцови точки внесоа динамика и младешки дух во прославата. Кулминацијата на свечениот дел беше изведбата на впечатливата драматизација со наслов „Нишки на тишината“, подготвена под менторство на професорката Христина Зариевска. Преку оваа сцена, учениците на уникатен начин ги оживеаја ликовите и зборовите на великаните на македонската книжевност – Миладинов, Рацин, Шопов, Конески и Андреевски.
Во своето празнично обраќање, директорката Биљана Јанкуловска ја истакна посветеноста на училиштето кон градењето на комплетни личности, порачувајќи:
„Правиме сѐ и посветени сме нашите ученици да ги научиме да гледаат на образованието со стратешко размислување, креативност и трудољубовост во постигнувањето на сопствените цели. Да станат активни и корисни граѓани на заедницата. Со знаењето што го стекнуваат тука, тие се подготвени да го променат светот и да се изборат нивните можности да значат реализација на нивните соништа. Во време кога светот се менува побрзо од било кога, едно е сигурно – стручното образование не е алтернатива, туку предност!“ 
Празнувањето продолжи во училишните простории каде што своја активна улога имаа и училишните тела. Со свои штандови се претставија Младинската организација и Кариерниот центар на училиштето, каде учениците и посетителите можеа да се запознаат со воннаставните активности и можностите за професионален развој. Денот беше исполнет и со генерациски натпревари и презентации на Ученичките компании, со што уште еднаш се потврди дека СОЕУ „Јане Сандански“ е место каде што се негуваат традиционалните вредности, но истовремено се создаваат лидерите на иднината.
"Нека е честит и вековит патрониот празник!, порача Јанкуловска 
Амбасадорката на Норвешка во посета на Битола
Април 22, 2026
Битола - Градоначалникот на Битола Тони Коњановски денеска ја прими амбасадорката на Кралството Норвешка, Кристин Мелсом во придружба на Дритон Кучи, Амбасадор на Македонија во Норвешка.
На средбата беа разменети мислења за билатералните односи што, во изминативе неколку децении меѓу двете земји се засноваат на традиционално пријателство и конструктивно партнерство.
Беа разменети мислења за начините на соработка меѓу двете земји, за универзитската соработка, а градоначалникот на Битола ја запозна амбасадорката со личната карта на Битола и потенцијалните можности за соработка во повеќе полиња.
Амбасадорката Мелсом преку амбасадата во Белград, Србија е надлежна за регионот, вклучително и за Македонија.
