Дворот на Офицерски дом во Битола станува бесплатен паркинг. Во последно време таму расте бројот на паркирани возила. Некои битолчани во  кругот на оваа споменична  целина си најдоа широко поле за да ги паркираат возилата без да платат. На местото каде што некогаш беше летниот ресторан и се одржуваше  фестивалот "Серенада на Широк Сокак"  сега се паркираат коли. Нема информација дека некој до сега бил казнет, нити некој ги попречил во намерата.

Не со магаре, туку со мазга и коњи, поради нивната поголема издржливост, ќе се изведе Маршот долж линијата на Македонскиот фронт. Во патувањето ќе учествуваат францускиот дипломат и писател Емануел Рембер и новинарот и историчар Емануел Ешт придружувани од планинарскиот водич Петар Нолев од Битола.

Клиничката болница од Битола ја тужи фирмата „Градски паркинзи“ поради неисполнување на обврските по договорот за одржување на пристапните патеки до паркинг местата во кругот на болницата. Во меѓувреме додека не заврши судскиот спор, со помош на Општина Битола, а во интерес на пацинетите и другите грашани, ќе се преасфалтира целиот двор пред оваа медицинска установа, соопшти за Апла.мк портпаролката на болницата, Сузана Конеска.

Во Првата светска војна во Битола биле убиени 4224 цивили, претежно жени и деца. Имало 545 ранети, 647 згради и 216 куќи станале рушевини, 696 згради и 119 куќи биле оштетени, 845 запалени. Податоците се објавени во книгата „ Битола- најбалканскиот град во Првата светска војна“, промовирана на научниот симпозиум во Битола по повод 100 годишнината од крајот на војната. 

Меморијалниот музеј на француските гробишта, подигнат по повод 100 години од крајот на Првата светска војна, претставува спомен обележје за загинатите француски војници, но и за македонското цивилно население кои прострада за време на војната. Ова беше истакнато на свечената манифестација по повод отворањето на Музејот на француските гробишта во Битола.  

Синоќа околу 21 часот толпа на граѓани се обидувале да го постават знамето на Република Македонија пред спортската сала „ Младост“ во Битола, но биле спречени од полицијата.

Граѓаните сакале да го вратат знамето кое подолго време било тргнато од јарболот, но некој ги пријавил по што  интервенирала полицијата.

Клиничката болница  во Битола ќе распише конкурс за седумдесет нови вработувања од кои најголем дел ќе бидат лекари , а потоа и секаков друг вид кадар потребен за функционирањето на болницата. Новите вработувања ќе бидат финансирани со средства на болницата. Оваа информација за апла.мк ја потврди портпаролот на болницата Сузана Конеска.

Преспа е еден убав град во Република Македонија, каде што има едно прекрасно езеро рече лидерот на ВМРО-ДПМНЕ, Христијан Мицкоски, вечерва во Битола запрашан за тоа како ги коментира најавите за името Северна Македонија како решение на спорот со Грција и можниот договор во Преспа. Сѐ друго, рече тој е новинарска шпекулација.

Во попладневните часови Старата битолска чаршија наликува на галерија  во под ведро небо,  каде младите ликовни творци од целиот свет, учесници на годинешното 37 издание на „Малиот битолски Монмартр“, ги изложија своите дела што ги направија во изминатите пет дена. Годинава на „Монмартр“ дојдоа преку стотина млади уметници од целиот свет. Од десетиците ликовни творби кои се создадоа на „Монмартр“, жирито ќе ги избере најдобрите, односно бисерите на годинешната  ликовна колонија.. 

За првпат сите средни училишта во Битола имаа можност да ги претстават своите капацитети на Саемот за средни училишта што се одржа на плоштадот Магнолија. На саемот седумте средни училишта на свои штандови се претставија со наставните програми, кадар, достигнувања на ученици, изработки и одредени услугуги со цел подетално да ги запознаат идните средношколци со својата понуда.