Во Преспанското Езеро се трага по 16-годишно момче кое вчерапопладне за време на големиот празник Илинден исчезнало во езерските води. Од МВР соопштија дека пријава за исчезнато лице добиле во 18,18 часот од Итната медицинска помош дека кај туристичката населба Претор во водите на Преспанското Езеро исчезнал И.М. (2004)  од Ресен. 

Очевидци раскажуваат дека цела плажа била на нозе да помогне, а во потрагата помагал и брод, се влечеле рибарски мрежи, а се вклучиле и нуркачи од Охрид. 

,, Со кајак пловев низ длабокото од Асамати за Сливница и околу 18, 30 часот слушнав сирена за Брза помош. Помислив дека се работи за топлотен удар или инфаркт.Но, на враќање навратив до Претор. Луѓе од цела плажа кај ,,Пица - бич" барот беа простум на нозе. Поминав меѓу два чамци со луѓе, ми рекоа да побарам полево. Ми кажаа дека се удавило 16 годишно момче. Во потрагата се вклучи и бродче, влечеа големи рибарски мрежи, но попусто", напиша Дејан Трајковски од Битола на фб профилот. 

По момчето се трагаше дп доцна во коќта. 

Пишува: Александар Литовски

Ковид-19 во Битола ја одзеде и петтата жртва, 70 годишно лице кое почина во болнички услови. Денес е ригистриран уште еден новозаболен битолчанец, а осуммина се оздравени. Со ова во општина Битола има 64 активни случаи. 

Во последните 24 часа се направени 1419 тестирања, а регистрирани се 166 нови случаи на ковид-19 во:

-Скопје 47
-Куманово 17
-Дебар 1
-Штип 23
-Тетово 12
-Струга 7
-Битола 1
-Охрид 3
-Кавадарци 9
-Гостивар 15
-Гевгелија 1
-Струмица 1
-Демир Хисар 1
-Македонски Брод 10
-Виница 2
-Свети Николе 2
-Кичево 12
-Неготино 2

Специјалистот по интерна медицина доктор Кире Доновски од Болницата во Отешево, кој пред неколку недели работеше и во ГОБ „8 Септември“, деновиве со планот за ротација помага и во Ковид одделот при Клиничка болница во Битола. Тој на својот фејсбук профил им се заблагодари на колегите од Болницата за колегијалноста, приемот и целокупната соработка во борбата со ковид 19 пандемијата. Но, упати јавна критика кон младите зашто не се придржуваат кон мерките за заштита од болеста. 

„Нека ни е честит 2 Август, нека ни се вековити вредностите што овој ден ги носи со себе низ столетијата, вредности на почит, соживот, разбирање, слобода, творење и напредок“, порача градоначалничката на Битола, Наташа Петровска, по повод големиот празник Илинде кој има двојно историско, општествено-политичко, но и исконско - верско значење за државата. 

Здружението на пензионери од Битола им го честита националниот празник Илинден на сите граѓани на Република Северна Македонија. Одбележувајќи 117 години од Илинденското востание и 76  години од Првото заседание на АСНОМ, им оддаваат почит на сите херои, борци и револуционери кои го вградија својот живот во темелите на нашата слободна и независна држава, додавајќи дека големиот празник Илинден е вечна инспирација за современите генерации во градбата на стабилна, економски моќна, достоинствена и меѓународно почитувана држава.   

Почитувани сограѓани,

Ми претставува голема чест и задоволство да Ви го честитам големиот и најсветол национален празник-Илинден а воедно Ви го честитам и големиот христијански празник Св.Илија.

Илинден е симбол на победата на македонскиот непокор.