Апсолутно не знаев дека Боки 13 врши рекет, ниту се препознавам под псевдонимот  „Кики“. Мислам дека помогнав на некој начин истрагата да заземе правилен тек, изјави пратеникот на СДСМ, Александар Кирацовски по двочасовното давање исказ пред обвинителката Вилма Рускоска за случајот „Рекет“.

Новото лед улично осветлување во Битола, ќе заштеди над 200 илјади евра само од главните сообраќајници во градот. Јавното претпријатие  „Комуналец“  кое е надлежно за уличното осветлување, досега ги замени старите натриумови и живини светилки, со нови лед светилки  на улицата „Васко Карангелевски“. На денешната видео презентација во Општина Битола, беше посочено дека на оваа улица во должина од 830 метри  се поставени 91 арматура со лед сијалици. Заштедата на годишно ниво, само од една сијалица е околу 100 евра. Од сите светлечки арматури, заштедата е околу 9000 евра на годишно ниво, само на улицата „ Васко Карангелевски“.

Новото филмско ремек дело ,,Болка и слава" на познатиот режисер Педро Алмодовар ќе го отвори годинешното 40 издание на Фестивалот ,,Браќа Манаки" што започнува идната сабота во Битола

Рехабилитацијата на дел од патот Битола-Демир Хисар е  завршена, а за оваа делница во должина од 10 километри, потрошени се 1 милион евра. Градежните работи траеа 8 месеци

Општина Битола и годинава ќе субвнционира еколошки корисни средства за животната средина, а во следните десет дена на официјалната интернет страница на Општината ќе се споведува анкета во која граѓаните можат да изберат за што приоритетно треба да се дадат субвенциите.

„По анализите, во анкетниот лист се понудени приоритетните субвенции и тоа: инвертери, вградување на плински уреди кај постарите возила и велосипеди. Граѓаните треба да изберат еден од понудените одговори. Нивното мислење ќе има важна улога во одлуката и оваа година, општина Битола, да им помогне на нашите сограѓани, како и изминатите години наназад, да имаат услови и можност и тие со субвенции од општината да придонесат кон подобрување на животната средина. Ова е се разбира само една од активностите кои општина Битола, ќе ги спроведе во наредниот период, во очи на грејната сезона“, рече Тања Крнчева, советник од Општина Битола.

Општината изминатите две години, спроведе субвенционирање на печки на пелети и системи и велосипеди, а оваа година, локалната власт ја зеде во предвид најавата на премиерот Зоран Заев, при неговата неодамнешна посета на Битола, за субвенционирање на инвертер клими за сметка на старите печки кои користат цврст огревен материјал, дрво или јаглен.

Според резултатите од досегашната анкета, најмногу битолчани заинтересирани се да за субвенционирање инвертери, за тоа досега гласале над 65 проценти од учесниците во анкетата, над 19 проценти за велосипеди и над 15 проценти за плински уреди за постари автомобили. Од една IP адреса може да се гласа само еднаш.

Битолската Клиничка болница „Д-р Трифун Пановски“ стана болница „Свети Андре“ во филмот „Сирена во Париз“, во режија на Матијас Малзју, кој од денес почна да се снима во оваа здравствена установа во Битола. За потребите на филмот кој е белгиско-француско-македонска копродукција поставен e и натпис со новото име. Денес се снимаше во толаетите, собата за реанимација, ходниците, а следните денови во лобито, чекалниците и на паркингот.

Владата одлучи болните од рак ќе примаат терапија не само во Скопје туку и во подрачните одделенија  и во болниците во Битола и во Штип и низ други градови.

Министерството за здравство ќе треба да достави акциски план со конкретни рокови и правни модалитети за централизирање на дејностите онкологија и радиотерапија во рамките на ЈЗУ УК за Радиотерапија и Онкологија – Скопје со основање подрачни одделенија во ГОБ „8ми Септември” – Скопје, Клиничка болница  Штип и Клиничка болница Битола, како и низ останатите градови во државата, одлучи Владата на денешната седница.