Република Северна Македонија секако дека треба да добие датум за преговори за влез во ЕУ, но има некои технички проблеми кои треба да бидат решени и мислам дека на есен ќе го добие датумот, изјави германскиот амбасадор Томас Герберих на денешното засадување на дрвца во Отешево, Преспа, со што се одбележа една година од Преспанскиот договор. Неговиот француски колега Критијан Тимоние рече дека земјата ја чека уште многу работа.

„Непходно е земјите на Западен Балкан заедно да влезат во ЕУ, тоа е многу важно за регионот, да одат во пакет заедно. Но, секако постојат разлики меѓу државите и важно е да не се казнува една држава поради бавниот напредок на друга земја. Тоа е процес и европските членки ќе размислат за тоа. Јас мислам дека најдобра идеја е да се донесат заедно во Европската Унија“, рече германскиот амбасадор.

Запарашан кој е неговиот коментар околу можна политичка криза во земјава доколку не добие датум за преговори, Герберих рече : „Премиерот Заев направи добра работа во последните две години со стабилизација на оваа земја и мора да се задржи владата и да не се зборува за избори“.

Францускиот амбасадор Тимоние на прашањето дали ќе се загрози Преспанскиот договор доколку на изборите во Грција победи Мицотакис, рече дека тоа не е негова должност.

„Но, не е време за борба, туку да работиме. Работите, работите, уште има да работите, нови реформи и постоа ќе видиме што се може“, додаде тој.

Викендов крај Преспанското Езеро се одржува манифестација „Запознај ја Преспа„ на која учестуваат младински организации од сите три земји кои го делат езерото, нашата, Грција и Албанија сакајќи да покажат заедништво во регионот.

Претставата на Битолскиот народен театар „Бакхи- краток преглед на распадот“ според Еврипид во режија на Игор Вук Торбица, е најдобрата претстава во целина на Меѓународниот театарски фестивал во Приелеп „Војдан Чернодрински“, соопшти денеска фестивалското жири во состав  Бедија Беговска, претседател и членовите Љиљана Благојевиќ и Маја Вељковиќ.

На “Повикот за млади истражувачи” организиран од Фондот за иновации и технолошки развој во соработка со МОН, учествуваше е училиштето ОСМУ “Д-р Јован Калаузи“ од Битола со проектот “Екстракција на етерични масла и нивна примена во терапевтски цели” Тимот составен од професорите Марија Бошевска и Билјана Чапрагоска и учениците: Сара Бошевска, Марија Цоцеска, Јована Трпевска, Филип Стојчевски, Дивна Георгина Котевска, Евгенија Коруновска и Димитар Поповски, на прогласувањето  на победниците на 9.6.2019 год го освои третото место.

Уште еднаш црвен аларм за односот на одредени возачи кон велосипедистите во Битола влчучи синоќешната сообраќајна несреќа во која беше повреден велосипедист од градот. Несреќата се случила на крстосницата од улиците „Партизанска“ и „Студентска “ кога возило не почитувајќи го правилото за првенство на минување, му го пресекло патот на велосипедист. Од ударот лицето кое управувало со велосипедот било фрлено неколку метри настрана, па со главата удрило и во друго возило. По ова, велосипедистот завршил болница со потрес на мозокот и набиеници.

Ноќеска на полноќ  државната мерна станица на периферијата на градот регистрираше  високата загаденост што е невообичаено за овој период од годината.

Исчистен од отпадот и искосен од треви е просторот околу  новите Светонеделски гробишта.

Од ЈКП Комуналец Битола велат дека со механизација е исчистена  депонијата на просторот пред новите Светонеделски гробишта во Битола, откако на таа површина се одлагал рестителниот отпад. Во очи на утрешниот празник Духовден, тревната површина  и денеска околу гробиштата  е искосена и покрај тоа што овој простор тековно се одржува.

Православните христијани, утре и во сабота ја празнуваат Задушница, а следниот ден Духовден. Празникот Задушница се одбележува во чест на душите на мртвите. На Задушница се сеќаваме на блиските лица кои се починати, ги посетуваме нивните гробови и палиме свеќи за покој на душата.

Град без улични кучиња-ова е мисијата на Фондацијата Бибевски, основана минатата година од брачниот пар Џенифер и Стив Бибевски, доктори кои живеат и работата во САД.

Локалната самоуправа од Битола, денеска го објави јавниот повик за доделување на финансиски средства од Буџетот на општина Битола на здруженија на граѓани и фондации за 2019 година.

-Врз основа на Методолигијата за определување на критериуми за доделување на финансиска помош на здруженија на граѓани и фондации од буџетот на општината Битола (,,Службен гласник на општината Битола“ бр.5/16), општина Битола објавува ЈАВЕН ПОВИК за доделување на финансиски средства од Буџетот на општина Битола на здруженија на граѓани и фондации за 2019 година.Распределбата на средствата за здруженијата/фондации од буџетот на општина Битола се врши преку грантови за проекти во приоритетни области и цели кои се однесуваат на: -локален и економски развој, -образование, -култура, -техниката, -наука, -здравство, -спорт, -екологија и -други области, пишува во  огласот.

http://www.bitola.gov.mk/јавен-повик-за-здруженија-на-граѓани-и/.

Дури 77 проценти од жалбите што лани биле поднесени до Советот за етика во медиумите се однесувале на интернет портали, беше соопштено на денешната дебата на СЕММ во Битола за медиумската саморегулација. Од Советот за етика рекоа дека он лајн медиумите се посебна приказна бидејќи често пати кај дел од нив има нарушувања во почитувањето на Кодексот на новинари. Но, решението го гледаат во нивна саморегулација, а не воведување на дополнителни законски решенија.