ЈКП „Нискоградба“ денеска со соодветна механизација ги чистеше купиштата снег на Широк Сокак. Снегот  се товараше на трактори и се отстрануваше од пешачката зона.

РЕК Битола во текот на денот ќе изврши планирано исклучување на Блок 3 поради отстранување на помал дефект, како и превентивна проверка со цел зајакнување на оперативноста на блокот, соопшти АД ЕЛЕМ.

Блок 3 ќе биде вратен во мрежа во следните неколку дена, а во меѓувреме РЕК Битола ќе продолжи со континуирано производство на електрична енергија од Блок 1 и Блок 2. Неработењето на Блок 3 ќе биде компензирано со другите производствени капацитети на АД ЕЛЕМ и ќе нема потреба од увоз на електрична енергија.

Од АД ЕЛЕМ истакнуваат дека во моментов произведуваат електрична енергија според планот и потребите на тарифните потрошувачи и сите зафати на производствените капацитети се пресметани во планот за производство.

2019  ни го донесе најголемиот МИЛИОНЕР ЏЕК ПОТ во Македонија вреден 1.791.299,00 денари. Трајче Иванов од Штип е 177 сопственик на МИЛИОНЕР ЏЕК ПОТ. Најпосакуваната МИЛИОНЕР ЏЕК ПОТ добивка ја освои на 14.01.2019 во Клуб Спорт 77 Евротип во Штип.

Владата на Република Македонија донесе одлука за отворање Почесен конзулат на Република Албанија во Република Македонија со седиште во Битола, јави Плусинфо.мк

Со владината одлука донесена на 8 јануари оваа година и објавена во Службен весник на РМ се дава согласност Имер Селмани да се именува за почесен конзул на Република Албанија во Република Македонија со седиште во Битола.

Владината одлука ќе ја спроведе македонското Министерство за надворешни работи.

Инаку, од независноста на Република Македонија до денес во Битола се отворени 13 почесни конзулати на исто толку држави од Европа. Од нив, три  почесни конзулати (Хрватска, Велика Британија и Словенија) привремено не работат,  додека Република Бугарија во Битола има Генерален конзулат, а Република Грција има отворено Канцеларија за врски во овој град.

Несовесни возачи ги паркирале и оставиле со денови своите возила во дворот на техничкото училиште „Ѓорѓи Наумов“- Битола, па од школото  не можат да го исчистат дворот  пред почетокот на второто полугодие од школската година .

Секојдневно возачи го користат школскиот двор  како бесплатен паркинг  и покрај рампата и апелите од училиштето да не се влегува со возила во дворот на школото.  Низ дворот на техничкото училиште редовно поминуваат и пазарџиите од Новиот пазар.  

Дуќанџии од Старата битолска чаршија и годинава останаа верни на традицијата, па за православниот празник Василица  заедно го вртеа мазникот со паричка. Најсреќен меѓу трговците од улицата „Александар Турунџев“, денеска беше Никола Светиев од фирмата „Профимак“, кој го најде парето во мазникот.

Жаклина Наумовска, член на општинскиот Совет во Битола  од редовите на СДСМ,   го најде парето во мазникот што за православниот празник  Василица го вртеа  заедно  советниците   од власта и опозицијата. Наумовска вели  дека се израдува што токму таа е среќникот годинава.