Движењето ЗНАМ за наша Македонија на локалните избори во Битола има своја советничка листа и дава целосна поддршка за кандидатот за градоначалник на ВМРО ДПМНЕ Тони Коњановски.   Во Битола Коњановски присуствуваше на одбележување на годишнина на  политичката партија  движење ЗНАМ за наша Македонија на која оствари средба со потпретседателот на ЗНАМ Весна Бендевска, со носителот на листата на ЗНАМ за Битола Јагода Талевска и со кандидати од советничката листа. 

Битолскиот пожарникар Александар Тодорчевски - Ато е кандидат за советник од листата на СДСМ и коалицијата. Александар е познат на јавноста во градот особено по една  тешка ситуација минатата година со пожар над Обиколницата каде за да им помогне на колеги самиот се здоби со тешки изгореници.

Димитар Кузмановски, носител на листа на Коалицијата Искуство за Успех, предводена од ЛДП изјави дека Либерално демократската партија од Битола е против изградбата на депонија во Мегленци од типот и обемот што го предлагаат надлежните институции на државата и градот Битола.

Се запали кола на плин во населбата Горно Оризари во Битола, пожарникарите се справија успешно со ситуацијата во која истекуваше плин од возилото.

Битола е гнасна, со ваква оценка за градот настапи Габриела Илиевска кандидатка за градоначалник за Битола од независната иницијатива Поинаку. Во интервју за Тера телевизија Илиевска вели -

Честит 11 Октомври – Ден на народното востание

ВО БИТОЛА ОДБЕЛЕЖАН 11 ОКТОМВРИ – ДЕНОТ НА МАКЕДОНСКОТО НАРОДНО ВОСТАНИЕ

Предлогот на Основното јавно обвинителство Битола е прифатен од Кривичниот совет на Основниот суд во Битола и на осомничениот сопственик на правното лице „Марковски компани“ му е определена мерка притвор, соопшти вечерва ЈОРСМ. Со ова, како што се наведува во информацијата, е уважена жалбата и аргументите изнесени од битолското обвинителство, особено во поглед на ризикот од бегство на осомничениот, и е преиначена одлуката на судијата на претходна постапка.

– ОЈО Битола се уште не е известено за одлуката по поднесената жалба на мерката куќен притвор за осомничениот раководител во РЕК, посочуваат од ЈОРСМ.

Битолското обвинителство денеска поднесе жалба за одлуката на Судот, со која се предвидуваше двајца од осумте осомничени во истрагата за злоупотреби со јавните набавки во РЕК „Битола“ да одат во куќен притвор. Од Обвинителството од Битола бараа мерка затворски притвор, а како причина за тоа се наведуваа ризици од бегство на осомничените. Притвор се бараше за еден од раководителите на Рудници во РЕК „Битола“ и за Борче Марковски, сопственикот на фирмата „Марковски компани“, која претходно ги добивала тендерите во Комбинатот и која како правен субјект се сомничи во случајот. Судот ја преиначи одлуката и одреди мерка притвор за Марковски.  

Како што синоќа информираа од ОЈО Битола, надлежниот јавен обвинител не се согласи со одлуката на Судот, имајќи ги предвид ризиците од бегство на осомничените, посебно што Марковски има значителен имот во друга држава. Од тие причини Обвинителството вложи жалба на одлуката на Судот и бара мерка затворски притвор. 

На ваквата одлука на битолскиот суд реагирааше ВМРО-ДПМНЕ, од каде сметаат дека ваквиот потег е срамен, потенцирајќи дека нема да дозволат, како што велат, судството на СДСМ и ДУИ да ги ослободува криминалците.

– Срамна одлука на Судот, газдата на Марковски компани со стотици милиони местени тендери во РЕК наместо во затворски притвор, доби куќен притвор. Газдата на Марковски компани е фатен инфлагранти како испумпува пари од РЕК со документи и докази е заштитен од судот на СДС и ДУИ. Газдата на Марковски компани мора да каже каде завршија милиони евра од тендерите, дали крајна дестинација биле фирми на Заеви во Бугарија и Дубаи, дали со тие пари е финансирана СДС и дали со тие пари се купувани други бизниси на Заеви?, изјави Валентин Манасиевски од ВМРО ДПМНЕ.

Во Спомен куќата на народниот херој Стеван Наумов Стив започна снимањето на документарниот филм посветен на овој наш битолчанец кој храбро загина за слободата на Македонија во 1942 година. Филмот е во режија на Шенол Мемиш, а снимател и монтажер е Дејан Младеновиќ. Премиерно ќе биде прикажан на 5 Ноември во Кино Манаки во Битола..  Во филмот, кој ќе се снима на неколку локации, за животот и делото на Стеван Наумов Стив раскажува неговиот внук од сестра, Стефан Бошков.  Проектот е помогнат од Општина Битола, како и од други помагатели. Ова е трет филм на двоецот Мемиш - Младеновиќ, по документарниот филм посветен на новинарот Димче Миновски и “80 Години слободна Битола” 

Гнасотии и вулгарности упати извесен  Илија Мирчески на Фејсбук коментар до локалниот битолски медиум Апла.мк, откако порталот објави дека брендирано камионче со фотографии од кандидатката за градоначалник на Битола Габриела Илиевска е паркирано погрешно на пешачка патека и дел на коловозот. https://apla.mk/denes/item/17128-brendirano-vozilo-na-kandidat-za-gradonachalnik-na-bitola-parkirano-na-peshachka-pateka? По ова Мирчески кој на профилот остава впечаток дека е поддржувач на независната листа "Поинаку" и на Илиевска, упатува вулгарности и крајно недоличен коментар кон интернет медиумот Апла. Мк.  Медиумот ќе го извести ЗНМ и набљудувачите на ОБСЕ за ситуацијата