АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Април 25, 2026
Анета Блажевска
Мисовски дојде во Битола и даде поддршка за кандидатот за советник на НСДП - Драги Крстев
Октомври 09, 2025Претседателот на НСДП Горан Мисовски вечерва во Битола присуствуваше на промоцијата на кандидатот за советник Драги Крстев кој е на четвртата позиција на листата на СДСМ и коалиција. На промоцијата присуствуваа и генералниот секретар на НСДП Мики Милковски, потпретседателката Јулијана Сековска. Пред присутните во салата во Битолскиот Музеј, покрај Мисовски се обрати кандидатот за градоначалник на Битола, Методија Куновски, како и претседателот на ОО на НСДП Битола, Филип Ивановски. 
Кандидатот за советник на НСДП Драги Крстев пред присутните рече дека пред битолчани на овие локални избори се 16 листи со кандидати за советници, но само една коалиција има капацитет, искуство и визија да ја води Битола напред, а тоа е СДСМ, НСДП и коалицијата – тим кој знае, може и сака да работи за луѓето.
"Резултатите и статистиките од изминатите години јасно покажуваат – кога ние сме обединети, Битола победува!
Битола тогаш се развива, се инвестира, се создава. Затоа и овојпат, нашата порака е јасна: сплотени сме, решителни сме, и ќе победиме за Битола!", рече Крстев и во својот говор кажа дека кандидатот за градоначалник – Методија Куновски, е човек со визија, човек од народот, чесен, трудољубив и посветен. 
"Методија ја познава Битола, ја чувствува Битола, и знае што ѝ треба на нашата општина.
Тој е гаранција дека секој ден ќе работи во интерес на граѓаните – без празни ветувања, без партиски калкулации, туку со дела, со одговорност и со љубов кон својот град, рече Крстев пред присутните.
Накрај Крстев ги повика гласачите -"да се сплотат околу Методија Куновски, околу нашата заедничка листа и околу идејата за една модерна, достоинствена и европска Битола."
Денови на македонското пчеларство во Битола
Октомври 09, 2025Во срцето на Битола, на плоштадот Магнолија, денес по 28 пат се организираа "Денови на македонското пчеларство", настан кој ја промовира традицијата, трудот и љубовта на нашите пчелари кон природата и здравјето.
Пчеларството е повеќе од занает, тоа е мисија за зачувување на биодиверзитетот и одржување на рамнотежата во природата.
Битола како град со долга традиција во оваа област, со гордост ги поддржува нашите пчелари и нивните производи кои се симбол на чиста, македонска природа и трудолубивост.
Посетителите имаат можност да уживаат во дегустации на мед и пчелни производи, да се запознаат со процесот на производство и да дадат поддршка на локалните производители.
Иднината не се чека, таа се гради! -Мартин Ивановски ја бара довербата од битолчани за влез во новиот Совет
Октомври 09, 2025Младиот Мартин Ивановски е кандидат за советник во Советот на Општина Битола од собветничката листа на ВМРО ДПМНЕ.
Мартин Ивановски е апсолвент на Правниот факултет - Кичево (дисперзирани студии во Битола), при Универзитетот „Св. Климент Охридски“ - Битола.
Професионално е ангажиран во приватниот сектор, каде што работи како графички дизајнер во маркетинг агенција.
Тој е актуелен претседател на Унијата на млади сили на ВМРО-ДПМНЕ ОК Битола.
Ивановски посетувал бројни обуки за изборни кампањи, подготовка на проекти и јавни настапи.
-Време е да покажеме дека заедно можеме повеќе, дека иднината не е нешто што се чека, туку нешто што се гради. Ќе се бориме за Битола да биде град со можности, со перспектива и со живот достоен за секој млад човек.
Битола заслужува визија, работа и посветеност!, објави Ивановски.
Битолското обвинителство објави кои се поранешните директори од РЕК Битола под истрага поврзани со јавните набавки
Октомври 09, 2025Неофицијално уапсен Борче Марковски, сопственик на „Марковски Компани ДООЕЛ“, објави Плусинфо
Октомври 09, 2025Голема полициска акција во Битола: Уапсен еден од најмоќните бизнисмени поврзан со РЕК Битола, објавува Прес 24
Октомври 09, 2025Коњановски најави завршување на топлификацијата, прочистителна станица и нови еколошки автобуси
Октомври 09, 2025Ново сведовштво за Битола - илустрирана книга „Детството во османлиска Битола во периодот од 1800 до 1912 година“ од авторите Васко Гичевски и Виктор Трајановски
Октомври 09, 2025
Најчитани
