Почитувани,

Советот за женско претприемништво од Битола, денес во Офицерскиот дом организираше настан „Саем на бизниси – иновации што инспирираат“.

-Настанот претставува одлична можност за запознавање со најновите трендови во бизнисот и отворање пат за нови соработки и партнерства, изјави градоначалникот Тони Коњановски. 

Кандидатка за советник во Советот на Општина Битола од Граѓанската Иницијатива - ГРИН со реден број 4 е Андријана Ташкова- Ѓоргиева. Од ГРИН велат дека со нејзината енергија, визија, идеи, искуство и менаџерски способности во приватниот сектор е докажана како во нашата држава така и во Канада. Андријана Ташкова- Ѓоргиева е родена во Торонто - Канада, но своето детство го поминала во Битола. Потоа повторно се враќа во Канада. "Љубовта кон градот во кој се родени нејзините родители и каде таа го поминува детството придонесе Ташкова- Ѓорѓиева да реши со своето семејство да се врати во Битола во 2009 година. Вештините и искуството кои ги стекна во Канада ги пренесе овде. Денес е раководител на одделот синџир на снабдување во приватна фирма  и од прва рака ги разбира предизвиците на странските компании и нашите сограѓани вработени таму., објавија од ГРИН. Ташкова- Ѓоргиева досега не била член на политичка партија, велат од иницијативата. 

На ден 6.10.2025 ЈУНП Пелистер во соработка со Општина Битола и институциите кои се дел од системот за управување со кризи ќе организираат Симулациско - показна вежба за справување со пожар на отворен простор од пошироки размери. Вежбата ќе биде организирана на локално и регионално ниво.

Светлана Папачек кандидатка за советник во Советот на Општина Битола со реден број 2 од Граѓанската иницијатива ГРИН. Светлана Папачек е граѓанска активистка од 2010 година. Жена која се вклучи во ГРаѓанска ИНицијатива - ГРИН која сака да допринесе Битола да биде подобро место за живеење за сите нас, како и за генерациите што доаѓаат. Младите да останат во родниот град да творат, да го развиваат, отвараат свои бизниси а не да се ислелуваат во Европските и прекуокеанските земји. Таа е поборник за еднакви можности и права на жените и мажите во општеството, хуманистка, организаторка на повеќе настани од културата. Светлана е координаторка на ОЖБ со голем број спроведени работилници во образовниот процес и организатор на донаторски акции секогаш кога имало потреба.           Таа е афирмирана поетеса и писателка, амбасадор на македонската култура на балканските простори, дијаспората како и во нашата држава. Добитник е на голем број награди од областа на пишувањето и граѓанскиот активизам.