АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Април 25, 2026
Анета Блажевска
Битолскиот бизнисмен Александар Талевски-Крт влегува во трката за советник на локалните избори во Битола од новата иницијатива „ГРИН“
Септември 13, 2025Градоначалникот Коњановски вечерва присуствуваше на прославата - 30 години дипломатија меѓу САД и Македонија
Септември 12, 2025Градоначалникот на Битола, Тони Коњановски, вечерва присуствуваше на прославата на 30 години од воспоставувањето на дипломатски односи меѓу Соединетите Американски Држави и Македонија, која ја организираше Амбасадата на САД. Коњановски објави зеадничка фотографија со американската амбасадорка Ангела Агелер. На прославата присуствувале и претседателката на државата, Гордана Сиљановска Давкова, премиерот Христијан Мицкоски, како и повеќе владини министри, градоначалници од ВМРО-ДПМНЕ и функционери.
В недела времен режим на сообраќај за трката "Трчај бе" во Битола
Септември 12, 2025ВРЕМЕН РЕЖИМ НА СООБРАЌАЈ В НЕДЕЛА ВО БИТОЛА, ЗА ТРКАТА ТРЧАЈ БЕ НА 14 СЕПТЕМВРИ 2025
СВР Битола заради одржување на спортската манифестација ТРЧАЈ БЕ 2025, во чии рамки годинава ќе се одржи и Националното првенство во полумаратон, на ден 14.9.2025 година (недела) во Битола, во временскиот период од 07,00 до 12,00 часот ќе преземе мерки на посебен режим на сообраќај на следните релации:
-Старт на трката: Бул. „1-ви Мај“ во близина на Саат Кула – „Бул. 1-ви Мај“ од страната на Музичко училиште се до кружниот тек кај Педагошка – улица „Генерал Васко Карангелевски“ од кружниот тек кај Педагошка до кружниот тек кај Веро – улица „11-та Македонска Дивизија“ до базен Довлеџик (ул. „Довлеџик“ која води кон Вила Молика ќе биде слободна) – Бул. „1-ви Мај“ од страната на Општина Битола – ул. „Филип II Македонски“ се до кружниот тек кај Дулие – ул. „Батаљон Стив Наумов“ – ул. „Прилепска“ од кружниот тек кај Дулие до ул. „4-ти Ноември“ – ул. „4-ти Ноември“ до крстосницата со ул. „Солунска“ и обиколницата – ул. „Солунска“ до ул. „Широк Сокак“ Од Широк Сокак од ул. „Солунска“ до стартот на трката кој воедно е и цел.
Цел на трката: Бул. „1-ви Мај“ во близина на Саат Кула.
Апелираме до граѓаните паркинг местата кај Плоштад Магнолија односно Саат Кула и на ул. Солунска кај Широк Сокак да бидат слободни во недела наутро со цел непречено движење на тркачите меѓу кои ќе има и репрезентативци на повеќе земји.
Предвидени се доволно алтернативни рути и полициски службеници кои ќе го контролираат сообраќајот.
Во случај на итност (медицинска помош, полиција, противпожарна служба) повикајте ги надлежните служби.
Здружението „Трчај бе“ кое е организатор на настанот однапред се заблагодарува на сите Битолчани за нивното разбирање за овој голем спортски настан и ве повикува на бодрење на тркачите.
Успешно се завршени ремонтите на два од трите термоблока во РЕК Битола - состојбата во рудниците Суводол и Брод Гнеотино е значително стабилизирана
Септември 12, 2025Апасиев ја скрои листата на советници за Битола - Горан Велевски носител на Левица
Септември 12, 2025Актуелниот советник Горан Велевски ќе ја предводи советничката листа на Левица во Битола.
Локалниот огранок на Левица во Битола ја состави советничка листа за претстојните локални избори, а преовладуваат млади лица од градот и како што велат од партијата, битолчани со искрена визија за развојот на градот.
Листата ја предводи Горан Велевски, претседател на огранокот на Левица во Битола и актуелен советник во Советот на општина Битола. Од партијата велат дека Велевски во изминатиот период се наметна како еден од најгласните и најконзистентни гласови во одбрана на јавниот интерес на битолчани. Препознатлив по своите предлози и конкретни иницијативи за подобрување на локалната заедница, како и по критиките упатени кон политиките на актуелната локална власт во Битола предводена од ВМРО-ДПМНЕ.
На второто место е Гаврил Трајковски, исто така актуелен советник во Советот на општина Битола. Трајковски е програмер, вработен во приватен сектор, а јавноста го познава како личност која ја застапува дигитализацијата и современите решенија во интерес на граѓаните, велат од Левица.
Третата позиција е резервирана за Ана Димовска, мајка на три деца и жена која успешно се реализира во областа на пчеларството и овоштарството. Нејзиното искуство во земјоделството и семејниот бизнис ја прави особено значајна за застапување на проблемите на земјоделците и за унапредување на локалното производство.
На четвртото место е Елена Групче Солунчевска, вработена во приватен сектор, која со својата професионална активност се издвојува како посветен кадар, подготвен да придонесе за современ развој на Битола.
Петтата позиција е за Славчо Дамјановски, дипломиран економист и вработен во битолска фирма. Со своето образование и професионално искуство тој ќе внесе економска перспектива во работата на Советот, велат од партијата.
На шестото место е кандидатот Ненад Мишиќ, дипломиран машински инженер, со долгогодишно искуство во приватниот сектор. Тој ќе ги застапува ставовите за унапредување на техничкиот развој и локалната индустрија.
Седмата позиција е за Синиша Паспал, дипломиран економист и вработен во приватен сектор. Тој е дел од новата генерација на млади луѓе кои сакаат да го стават своето знаење и енергија во функција на локалната заедница, посочуваат од партијата.
Од Левица – Битола нагласуваат дека листата е резултат на внимателен избор и одраз на довербата која граѓаните ја покажуваат кон овие луѓе:
„Советничката листа на Левица е креирана пред сè од млади и докажани лица кои го сакаат својот град и имаат визија за него. Довербата им е дадена на луѓе во кои народот има верба и кои континуирано ја добиваат неговата поддршка,“ стои во соопштението на партијата.
Во Битола одбележани 83 години од смртта на народниот херој Стив Наумов
Септември 12, 2025ОДБЕЛЕЖАНА 83 ГОДИШНИНАТА ОД СМРТТА НА НАРОДНИОТ ХЕРОЈ СТИВ НАУМОВ
Во организација на Сојуз на борци, денес со положување на свежо цвеќе е одбележана 83 годишнината од смртта на народните херои Стеван Наумов – Стив и Димитар Богоевски - Мите, кој заедно загинаа на 12 септември во 1942 кај местото Болно, Ресенско.
Во име на општина Битола почит оддаде градоначалникот Тони Коњановски, претставници на Советот на општина Битола, Сојуз на борци и членови на фамилијата, претставници на политичките партии како и ученици од основното училиште „Стив Наумов“ од Битола.
Венко Филипче се спротивстави на непотизмот во Битола и ја тргна од листата на советници братучедата на кандидатот за градоначалник Методија Куновски
Септември 12, 2025Пожарот ја уништи внатрешноста на старата градска куќа во центарот на Битола
Септември 11, 2025Пожарот ја уништи внатрешноста на старата градска куќа во центарот на Битола кај Стара Болница. Огнот избувнал нешто пред 11 часот денеска и за брзо е локализиран од битолските пожарникари. Спречено е пламените јазици да се прошират на соседните куќи. противпожаната територијална единица од Битола интервенираше со две возила и 7 пожарникари.
Докторката Ана Талевска-Јолевска и Димитар Кузмановски ќе ја предводат советничката листата на ЛДП Битола за претстојните локални избори
Септември 11, 2025 ЛДП Битола на претстојните локални избори во Битола ќе настапи самостојно со советничка листа. Од партијата објавија дека ќе настапат со чист образ, со чиста совест и со крената глава и ќе ја бараат добербата од битолчани. Димитар Кузмановски, претседател на ОО на ЛДП и Ана Талевска Јолевска ќе ја предводат советничката листа за Битола. 
-Кадрите на ЛДП во минатото покажаа и докажаа дека знаат да работат домаќински и докажаа дека секогаш работат со срце и душа за Битола. Во јавните претпријатија, во училиштата, градинките, советот секаде каде ЛДП имаше свој кадар, тие институции беа пример како треба да бидат водени.
Ракометот, кошарката и фудбалот, беа во нашиот фокус, и од полузгаснати клубови направивме респектабилни тимови. Се ова што денес се случува со овие клубови е само продолжување врз темелите кои беа поставени.
ЛДП Битола не бара доверба за потоа да плука и да вреѓа по сите. Не бара доверба за да бега од одговорност.
Не бара доверба за три дена да е опозиција, четири дена власт. Ниту било така, ниту ќе биди. ЛДП бара доверба за да работи во интерес на граѓаните и на градот. Друго и не не интересира.
Димитар Кузмановски, претседател на Општинската организација на ЛДП и Ана Талевска Јолевска, доктор, специјализант по интерна медицина, ќе бидат првите двајца на листата и ќе ја побараат довербата од гласачите, објавија од ЛДП Битола 
Србите добија дозвола да ја купат Стопанска банка Битола, нудат 3.777 денари по акција
Септември 11, 2025Српската Алта Банка и официјално може да настапи со понуда за купување на Стопанска банка Битола, по цена за акција од 3.777 денари откако доби дозвола од Комисијата за хартии од вредност.
„Комисијата за хартии од вредност на Република Северна Македонија на 65-тата седница со која претседаваше Претседателката на КХВ М-р Бујаре Абази донесе Решение со кое на “АЛТА БАНКА” АД Белград, Р. Србија и се издава дозвола за давање понуда за преземање на “Стопанска банка” АД Битола. Понудата за преземање се однесува на 371.538 обични акции со право на глас издадени од “Стопанска банка” АД Битола, кои заедно со 19.439 обични акции со право на глас кои ги поседуваат преземачот и лицата со кој тој дејствува заеднички претставуваат 100% од нејзината основна главнина. Преземањето на хартиите од вредност ќе се врши по цена од 3.777 денари по акција.
Според преземачот, понудата ќе се смета за успешна доколку биде прифатена од акционери кои поседуваат најмалку 273.795 обични акции кои претставуваат 70,03% од вкупниот број обични акции со право на глас издадени од ”Стопанска банка“ АД Битола. При тоа, преземачот и лицата кои дејствуваат заеднички со него би поседувале 75% плус една акција од вкупниот број обични акции со право на глас издадени од “Стопанска банка” АД Битола“, се вели во објавата од 65-та седница на Комисијата за хартии од вредност.
Понудата ќе се смета за успешна, доколку акционерите на Банката продадат минимум 70,03 отсто од акциите.
Стопанска банка Битола има издадено вкупно 390.977 акции. Доколку сите акционери ја прифатат понудата, српската Алта банка вкупно ќе треба да плати 24,01 милиони евра за Стопанска банка Битола. Пред точно една година, Комерцијална банка сакаше да ја преземе во целост банката од Битола и нудеше по 3.200 денари за акција, но преземањето не беше поддржано од најголемите мнозински акционери.
Најчитани
