На Меѓународниот ден на учителот, градоначалничката на Општина Битола, Наташа Петровска, која години помина работејќи како наставник во средно образование, денес го посети Средното општинско економско училиште „Јане Сандански“ каде на наставниот кадар им го честита празникот и им посака успех во наставата оваа учебна година. Таа на лице место се увери како тече новиот начин на настава и со какви предизвици се соочуваат наставниците во оваа учебна година.

Пред почетокот на оваа учебна година Општина Битола ја даде потребната поддршка до сите основни и средни училишта, со цел новиот модел на настава да се одвива без проблеми. Во основното образование беа вложени 5 502 400 денари за набавка на 203 компјутери, платен интернет за 12 месеци и 55 бесконтактни топломери Во средното образование пак, беa вложени 2 399 200 денари за набавка на 89 компјутери, исто така интернет за 12 месеци и 12 мерачи на температура. Вкупно издвоената сума за сите училишта е 7 901 600 денари или 128 481 евра.

Градоначалничката на Општина Битола м-р Наташа Петровска упати честитка до учителите по повод 5 Октомври, Меѓународниот ден на учителот.

„Улогата на учителот во животот на децата е една од клучните за нивниот развој, за тоа како ќе се соочат со животните предизвици, но и за тоа како ќе се борат со нив. Токму затоа, во време на вака отежнати околности со кои се соочуваме – пандемија, уште позначајна е улогата на наставникот. Да се учат децата, да се вградуваат нови знаења од различни области, но и да се создаваат вредности во нив на толеранција, разумност, креативност, самодоверба, во вакви околности е бездруго за почит.

Од таму, упатувам длабок поклон до сите наставници за вложените напори и труд да останат достојни на својата професија, непоштедливо ангажирајќи се во исполнувањето на своите работни задачи.

Нека е честит Денот на учителот“, рече Петровска.

По повод  Денот на наставникот Апла.мк успеа да издвои десет битолски учители, наставници и професори чии дела оставаат траг во просветната дејност во градот. Изборот е направен од наставен кадар кој оставрил соработка со нашата редакција, инаку секако дека бројот на про9светни работници кои пожртвувано работат во Битола е многу поголем.

Денот на народното востание, 11 Октомври, е државен празник, а понеделник 12 октомври е неработен ден за сите граѓани на државата, соопшти Министерството за труд и социјална политика.

За непочитување на здравствените протоколи и во угостителски објект во Битола,  поднесена е  кривична пријава, а прекршочна за пречекорување на работното време на еден локал.