АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Ноември 19, 2025
Анета Блажевска
Таравари: Десет пациенти денеска ќе бидат пуштени дома, нема повеќе упатувања во странство
По завршување на редовниот состанок на кризниот штаб, министерот за здравство д-р Арбен Таравари во изјава за медиумите информираше дека бројот на хоспитализирани пациенти моментално е 162, а 10 од пациентите кои лежат во државата денеска ќе бидат испишани и пуштени на домашно лекување.
-Вчера имаше тројца пациенти кои ги испишавме, така што моментално во Клинички центар се хоспитализирани 25 пациенти, во ГОБ „8 Септември“ се 12 пациенти, во Стара градска болница 11 пациенти и во Клиничка болница Штип 1 пациент, а во приватните болници има 9 пациенти, информираше министерот Таравари.
На лекување надвор од државата се 115 пациенти. Во Србија се 30 пациенти од кои двајца се екстубирани, во Бугарија 15 пациенти од кои што тројца веќе се екстубирани, сите се во стабилна состојба а некои се покритични, во Грција 12 пациенти од кои двајца критични, во Турција веќе 6 од пациентите се екстубирани. Во Шпанија се 7 пациенти, во Австрија 5 пациенти и двајца од тие пациенти се префрлени на оддел.
-Во Унгарија се хоспитализирани 6 пациенти, од кои веќе еден е фебрилен и еден со кашлица, а другите се во стабилна состојба, во Хрватска се 5 пациенти, еден е интубиран стабилен, а другите 4 се сосема стабилни. Во Словенија се 4 пациенти од кои 3 се во посериозна состојба, во Литванија 4 пациенти од кои едниот е веќе екстубиран, Белгија 4 пациенти во стабилна состојба, Италија 4 пациенти кои се веќе на нога и можеби идната недела ќе зборуваме за протоколи за враќање на овие пациенти. Во Шведска се 4 пациенти од кои 2 во сосема стабилна состојба и во Полска се двајца пациенти од кои само едниот е интубиран, посочи министерот.
Воедно, министерот информираше дека се завршени упатувањата на повредени пациенти во странство.
-Веќе од овој состанок зборувавме за враќање на пациенти, од одредени држави има најави за враќање, ќе подготвиме протоколи и ќе бидат тука прегледувани пациентите, по што тие што се во добра состојба може да се пуштаат дома. Следниот предизвик со кој ќе се соочуваме се инфекциите, ќе бидеме максимално внимателни да превенираме се што можеме за да нема компликации, рече министерот.
Во однос на трошоците за лекување, министерот истакна дека лекувањето е бесплатно и нема потреба да се собираат средства. Од страна на Владата е обезбедено за двајца родители или членови на семејство да патуваат и да се сместат во сите држави каде што има хоспитализирани пациенти.
Се контролираат училиштата и градинките за ПП апарати
Март 21, 2025ПРОШИРЕНИ КОНТРОЛИ ВО УЧИЛИШТАТА, ГРАДИНКИТЕ И ИНДИВИДУАЛНИТЕ СТАНБЕНИ ОБЈЕКТИ
На одржаниот координативен работен состанок на градоначалникот на општина Битола Тони Коњановски со директорите на основните и средните училишта во Битола, како и со градинките, се разговараше за состојбите во битолските училишта и градинки. На терен се изведени вонредни контроли во изминатиот период, бидејќи сигурноста на децата во овие институции за општина Битола е најважна. Проширените инспекциски надзори опфаќаат проверка на влезовите, ПП апаратите, потребната документација итн.
Од општинскиот инспекторат, преку инспекторот за домување на терен, во координација со станбените сервиси и жителите на зградите, ќе се врши контролирање на ПП апаратите во зградите, нивната исправност и хидрантската мрежа. Од управителите на зградите и станбените сервиси, ќе биде побарано да достават информации за тоа дали зградата има хидрантска мрежа, дали хидрантите имаат црева за вода, колку од зградите поседуваат ПП апарати и дали има лица кои што знаат со нив да ракуваат. Онаму каде што е потребно, општинскиот инспекторат ќе ги задолжи субјектите да постапат согласно законските прописи.
Кркардаш - напомош Свети 40 маченици
Март 21, 2025Кркардаш е позната локација во северниот дел на Битола во населбата Баир. Според легендата на ова место се случила жестока битка помеѓу локалното население и освојувачката отоманска војска. Имено, отоманската војска во текот на 1382-1383 година во тешки и крвави борби, наспроти силниот отпор на локалното население, успеала да ја освои Битола. Според легендата, жесток отпор пружиле монасите од седумдесетте манастири и цркви што постоеле во тоа време во Битола. Евронос Хаџи Бег, кој бил на чело на отоманската војска револтиран од жестокиот отпор на локалното население, им дал три дена одврзани раце на своите војници да прават што сакаат во новоосвоениот град. Едно место каде што отпорот бил особено жесток, била тврдината која што ја бранеле “четириесетте браќа” (турски – kırk + kardaş). Од почит кон нивната храброст, ова место до ден денес е познато како Кркардаш и во спомен е подигната црквата “Св. 40 Маченици”.
На ова место голем број на битолчани го прославуваат првиот ден од пролетта, кога реки од народ се упатуваат до храмот.
Советот на Општина Битола издвојува 32000 евра за семејствата од трагедијата во Кочани
Март 21, 2025Контроли на угостителски објекти во Битола
Март 21, 2025ЗАЕДНИЧКИ ТЕРЕНСКИ АКТИВНОСТИ НА ПРОВЕРКА ВО БИТОЛСКИТЕ УГОСТИТЕЛСКИ ОБЈЕКТИ
Деновиве, во рамките на законските надлежности, истовремено во соработка со Државниот пазарен инспекторат и СВР Битола, општина Битола презема низа активности во однос на контрола на угостителските објекти во градот.
1.Општинскиот инспекторат од почетокот на работната недела на терен врши проверка на сите категоризирани објекти на физички лица што се под општинска надлежност дали ги исполнуваат минимално техничките услови согласно правилникот за минимално технички услови донесен од министерот за економија и дали ги поседуваат сите документи потребни за дејноста. Доколку им недостига одреден документ, имаат даден рок за обезбедување, во спротивно, ако не ги обезбедат ќе бидат избришани од регистарот за вршење на угостителска дејност.
Според Законот за угостителска дејност, за физичките лица, општината е надлежна да издаде категоризација за конфекционирани угостителски услуги во наменски подвижни објекти, угостителски услуги за сместување и исхрана во куќи, угостителски услуги во апартмани и соби за одмор, угостителски услуги во селски домаќинства и угостителски услуги во пловни објекти.
2.Општинскиот инспекторат во соработка со Државниот пазарен инспекторат и СВР Битола вршат проверка на терен, дали ноќните клубови во Битола имаат важечки лиценци за работа и дали ги имаат сите елаборати кои што треба да ги поседуваат, вклучувајќи и елаборати за бучава, за противпожарна заштита, за животна средина итн.
3. До Владата и до Министерството за економија и труд, доставени се податоци по извршениот увид од страна на овластениот градежен инспектор на општина Битола, согласно деталните урбанистички планови на општина Битола, Генералниот урбанистички план на општината и податоците запишани во Агенцијата за катастар на недвижности, на правните субјекти со капацитет над 50 лица кои вршат угостителска дејност на територијата на општина Битола. На овој начин треба да се изврши проверка со вмрежување на податоците и соодветната издадена категоризација/лиценца, за правните субјекти кои вршат угостителска дејност на територијата на општина Битола.
4. До Државниот пазарен инспекторат, Одделение за инспекциски надзор Битола, доставен е допис дека општина Битола достави известување до угостителските објекти на територијата на градот Битола, дека не постапиле согласно чл. 7 и чл. 25 од Законот за угостителска дејности. Од нив е побарано во рок од 3 дена да достават Лиценца/Дозвола за работа на објектот согласно Законот за угостителска дејности и работно време на објектот, согласно истиот закон. Од Одделението за инспекциски надзор Битола доставена е листа на објекти со која располага општината и побарано е да се изврши вмрежување на податоците преку заедничка координација.
5.Согледувајќи ги сите аспекти од законските регулативи, постојат одредени недоречености, односно неусогласености помеѓу Законот за угостителство во однос на Законот за градење и Законот за животна средина. Оттука, општината испрати допис до наделжните институции во кој нагласи дека се потребни законски измени, пред се во регулативата со документите, кои што се пополнуваат за вршење на одредената угостителска дејност, како и во делот на надминување на недореченостите во законските одредби.
Во наредните денови, продолжуваат координираните активности на терен со надлежните инспекциски служби и СВР Битола.
Познатиот физиотерапевт Илија Жежов организира бесплатна физиотерапија за повредените од несреќата во Кочани
Март 21, 2025Трски и стрниште попладнево гореа крај реката Црна и внатре каде е обраснато коритото, вдолж атарите на селата Брод и Гнеотино. Пламените јазици брзо се проширија поради ветрот. Сега огнот е изгаснат, потврдува за АПЛА.мк командирот на Противпожарната единица од Битола, Горан Димкоски. Интервенираа тројца пожарникари со едно возило. Фото Гоце Талевски
МУФТИСТВО НА ИВЗ БИТОЛА ИЗРАЗУВА СОЧУСТВО ДО СЕМЕЈСТВАТА НА ЖРТВИТЕ ВО КОЧАНИ
Муфтијата на Исламската Верска Заедница- Битола , изразува најдлабоко сочувство до семејствата на 59 граѓани кои ги загубија своите животи во Кочани.
Ова е голема трагедија за нивните семејства и за целата земја. Муфтиство на ИВЗ Битола се солидаризира со огромната болка и големата загуба на нивните семејства и општеството во целина, надевајќи се дека нема да има повеќе жртви.
Муфтиство на ИВЗ Битола поради недела на жалост ги откажува сите настани кои беа предвидени да се реализират ова недела,како и денешната Научна Трибина.
Во исто време, на повредените им посакува брзо закрепнување.
"Водовод" Битола со соопштение
Март 20, 2025Ве известуваме дека во текот на утрешниот ден 21.03.2025 (петок), поради дефект на водоводната мрежа (челична цевка Ф - 400), со прекинато водоснабдување ќе бидат корисниците од ул."Кире Костадиновски", Горно Оризари, Крклино, Кукуречани, Драгожани, Могила, Будаково, Трап, Алинци, Добрушево и Далбеговци
Прекинот ќе трае од 10:00 часот до завршување со активностите околу санацијата на дефектот.
Најчитани
