Снежна идила на Пелистер! Снегот трупа!  Патеките околу ,,Бегова Чешма" се безбедни за пешачење со соодветна зимска опрема! "На околу 1600 метри надморска височина формирана е снежна покривка од дваесеттина сантиметри. Патеките на оваа надморска височина, околу локалитетот ,,Бегова" се безбедни за пешачење со соодветна зимска опрема. Утрешниот ден убаво би било битолчани да го искористат за  посета на Националниот парк Пелистер, изјави за АПЛА, Иванчо Тошевски, директор на НП Пелистер Битола. Видео Иванчо Тошевски за АПЛА.мк .https://www.facebook.com/share/v/17wGQ47s6B/

СВР Битола информира  - На 09.01.2026 во 10:00 часот во  ОВР  Прилеп, Г.П.(50) од с.Кравари ,битолско пријави дека  на крстосница од ул.„Тризла“ со ул.„Горан Миноски“ во Прилеп поради недоразбирање во сообраќајот, тој и неговиот син А.П.(19) биле физички нападнати од едно лице. Се преземаат мерки за расчистување на настанот.

Управата за хидрометеоролошки работи попладнево издаде вонредно соопштение за состојбата со водостоите во државата, предупредувајќи дека во текот на 9 и 10 јануари постои сериозна можност за нагло покачување на нивото на реките и нивно излевање од коритата. Според најновата хидролошка карта, речиси целата територија на Македонија се наоѓа во таканаречена „жолта фаза“, која означува потенцијално опасна состојба. Во оваа зона се вклучени сливот на реката Вардар и поголемиот дел од западниот, источниот и централниот дел на земјата. Единствено југоисточниот регион, односно подрачјето околу сливот на Струмица и Дојран, засега останува во зелена зона, што значи дека таму нема индикации за опасност.

Од УХМР апелираат граѓаните да бидат особено внимателни, особено оние кои живеат или се движат во близина на реки, потоци и суводолници. Се препорачува избегнување на непотребни движења покрај водотеците и внимателно следење на состојбата на терен.

Предупредувањето доаѓа во период на нестабилни временски услови, кои можат брзо да предизвикаат промени во водостоите. Надлежните институции најавуваат дека ќе ја следат состојбата и во наредните денови, а граѓаните се повикуваат редовно да ги следат официјалните информации и навреме да ги почитуваат препораките.

Повремени врнежи од дожд и снег во пониските и снег на повисоките места и на планините ќе има утре претпладне, кога ќе дува умерен до засилен јужен ветер, над 60 километри на час. Попладнето врнежите насекаде ќе бидат само од снег.

-Поради спуштање на постудена воздушна маса од север, попладне и во текот на ноќта врнежите насекаде ќе бидат само од снег. Пообилни врнежи ќе има во западните делови, при што висината на снежната покривка на планините ќе се зголеми за 20 см, а во останатите места од 5 до 10 сантиметри, соопшти Управата за хидрометеоролошки работи. Според прогнозата на УХМР, локални врнежи од снег ќе има и во недела, кога ќе дува засилен северен ветер, кој ќе продолжи да дува и во понеделник. Од почетокот на следната седмица наместа утринските температури ќе се спуштат и под -10 степени, а дневните ќе се задржат под нулата.

Во Скопје утре претпладне ќе има повремени врнежи од дожд и снег, кои попладне и во текот на ноќта ќе бидат само од снег. Локални врнежи од снег ќе има и во недела, кога ќе дува засилен северен ветер.

На ГП Ники (ГП Меџитлија) има забрана за движење на товарни возила, која ќе трае до 10 јануари, до 10:00 часот. Сообраќајот за патнички моторни возила ќе се одвива со нормален тек, соопшти АМСМ.

Сообраќајот на останатите државни патишта се одвива во зимски услови, по претежно суви коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година. Патниот правец Охрид – Ресен преку националниот парк Галичица од 21.11.2025 до 31.03.2026 година се затвора за сообраќај за сите видови возила.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Под вода е цел атар на село Меџитлија, битолско! Граешка река и помали канали се излеаја и направи голема штета на земјоделските имоти на жителите. Состојбата е тешка, велат мештаните од Меџитлија за Апла.мк, се што имаа посадено во есенската сеидба го однесе водата. Фото А.Б за  АПЛА.мк    

Црна Река надојде и се заканува да го поплави селото Бучин. На терен вечерва се екипи на Центарот за управување со кризи и Дирекцијата за заштита и спасување. На лице место е и градоначалникот на Крушево Нико Чонески, командирот на Полициската станица Крушево и помошникот началник на СВР Битола. Ситуација е критична, се преземаат мерки за надминување на состојбата.  и фото Анета Блажевска    

По вчерашните поплави на улиците, меѓите и дворовите во битолското село Кравари, ситуацијата денеска се нормализира, водата се повлече. Со механизација до доцна во ноќта и денеска интервенираа јавните претпријатија од Битола.