АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јануари 02, 2026
Анета Блажевска
Граѓанската активистка Светлана Папачек е кандидат за советник од листата на ГРИН
Септември 29, 2025Светлана Папачек кандидатка за советник во Советот на Општина Битола со реден број 2 од Граѓанската иницијатива ГРИН. Светлана Папачек е граѓанска активистка од 2010 година. Жена која се вклучи во ГРаѓанска ИНицијатива - ГРИН која сака да допринесе Битола да биде подобро место за живеење за сите нас, како и за генерациите што доаѓаат. Младите да останат во родниот град да творат, да го развиваат, отвараат свои бизниси а не да се ислелуваат во Европските и прекуокеанските земји. Таа е поборник за еднакви можности и права на жените и мажите во општеството, хуманистка, организаторка на повеќе настани од културата. Светлана е координаторка на ОЖБ со голем број спроведени работилници во образовниот процес и организатор на донаторски акции секогаш кога имало потреба. Таа е афирмирана поетеса и писателка, амбасадор на македонската култура на балканските простори, дијаспората како и во нашата држава. Добитник е на голем број награди од областа на пишувањето и граѓанскиот активизам.
„Со моето искуство како долгогодишна активистка во граѓанскиот сектор сакам да придонесам за подобрување на условите за живот на сите граѓани во Општина Битола. Само со чесно и праведно одлучување можеме да напредуваме како општина, а воедно и држава.", изјави Папчек
Методија Куновски се обрати до битолчани - И јас сум еден од вас, работник, сопруг, татко на три деца обичен жител на Битола!
Септември 29, 2025Кнадидатот за градоначалник на Битола од СДСМ Методија Куновски на првиот ден од почетокот на изборната кампања преку Фејссбук се обрати до битолчани. Почитувани битолчани, драги мои сограѓани,
Со чист образ, мирна совест и отворено срце денес сум исправен пред вас и ја барам вашата поддршка за градоначалник на Битола!
Нудам визија и план, ветувам макотрпна работа и искрена посветеност за решавање на проблемите кои со години го тиштат нашиот град.
Јас сум еден од вас – работник, сопруг, татко на три деца и обичен жител на Битола. Секојдневно се соочувам со истите проблеми како и вие – сообраќаен хаос, ископани улици, недостиг од зеленило, лош третман на отпадот, глутници бездомни кучиња...
Но, знам дека Битола има огромен потенцијал и заедно можеме да изградиме град што ќе нуди сигурност, надеж и перспектива за сите.
Се кандидирам за градоначалник затоа што верувам дека Битола заслужува да биде модерен, уреден и зелен град, со ред и поредок на секој чекор.
Верувам во вистинските социјалдемократски вредности – слобода, солидарност и еднаквост. Како новинар, бев вашиот глас и имав храброст јавно да се спротивставувам на проблемите. Како градоначалник, ќе ги решавам проблемите и нема да молчам.
Моите приоритети се чиста и зелена Битола, решен сообраќаен хаос, функционално управување со отпадот и јавни претпријатија коишто ќе бидат сервис за граѓаните.
Време за чекање нема! Борбата започнува сега!
Иван Чулакоски преживеал срцев удар и јавно и' се заблагодари на д-р Ненси Лозанче
Септември 28, 2025Советникот од ПОИНАКУ, Иван Чулакоски преживеал срцев удар на Одделот за интервентна кардиологија во Битолската клиничка болница, информацијата ја објави јавно на својот Фејсбук профил и посебно и' се заблагодари на д-р Ненси Лозанче, субспецијалист по интервентна кардиологија во битолската болница. Чулакоски напиша - моето срце избра да продолжи! - Животот знае да нè изненади со удари кои не ги очекуваме. Срцевиот удар е токму таков момент – страшен, болен и непредвидлив. Но токму тогаш, кога мислиш дека силата те напуштила, во тебе се буди најголемата храброст.
Преживувањето не е случајност – тоа е доказ дека моето срце избра да продолжи. Секој нов ден после тоа е подарок. Секој здив е потсетник дека животот е драгоцен.
Не сум слаб зашто паднав, туку силен зашто се кренав. Од сега па натаму, секоја секунда е моја шанса за подобар јас.
Би сакал јавно да се заблагодарам на тимот од битолската болница, а посебно до директорката Ненси Лозанче за професионалноста и несебичноста да ме врати во живот, пишува во објавата на советникот Чулакоски. На одделот за Интервентна кардиологија во Битолската болница досега се направени преку 3.000 интервенции кај пациенти, но ретко кој од пациентите имал храброст јавно да објави за здравствената состојба и воедно да се заблагодари на интервентните кардиолози под раководство на д-р Ненси Лозанче.
Рачна бомба М-75 била фрлена летово На ул."Охридска" во Битола, еден во бегство,тројца лишени од слобода
Септември 28, 2025Постапувајќи во предметот против четворица осомничени за инцидентот од 12 јули кога рачна бомба експлодираше на улицата “Охридска” во централното градско подрачје на Битола, јавниот обвинител нареди вештачење со кое вкупната проценета штета на околните објекти и паркираните возила беше утврдена на 405 илјади денари.
Од тие причини, имајќи предвид дека станува збор за поголема имотна штета, Основното јавно обвинителство Битола изврши итна преквалификација на делото во потешко.
Против четворицата осомничени кои претходно се гонеа за предизвикување општа опасност од член 288 од Кривичниот законик, сега е отворена истрага за Тешки дела против општата сигурност од член 292 став 1 во врска со член 288 став 1 од Кривичниот законик. Обвинителството со прибраните докази ги утврди својствата на секој од осомничените, така што еден се товари за поттикнување, додека другите за дејствија на соизвршителство и помагање.
Исто така, со прибраниот доказен материјал, утврдено е кој од осомничените ја поседувал и активирал експлозивната направа – рачна бомба М-75 која на граѓаните им е забранета, па против него е отворена истрага и за – Неовластено изработување, држење, посредување и тргување со оружје и експлозивни материи од член 396 став 3 во врска со ставовите 1 и 5 од Кривичниот законик.
Имајќи ги предвид сите овие околности и фактот што против осомничените ќе се води истрага, јавниот обвинител до судијата на претходна постапка достави предлог со кој мерката притвор од 8 дена определена на 20 септември сега им е заменета со 30-дневен притвор. Тројца од осомничените се лишени од слобода, додека четвртиот не е достапен на органите на прогонот од моментот на извршување на делото
Ученици од ОУ"Елпида Караманди" со креативна работилница во Зоолошката градина во Битола
Септември 27, 2025Ветеринарниот лекар Стефан Тековски е на чело на листата за советници на Граѓанската иницијатива ГРИН за Битола
Септември 27, 2025Носител на советничката листа на "Граѓанска Иницијатива ГРИН" која на локалните избори во Битола ќе настапи под реден број 25 е битолчанецот Стефан Тековски. Млад човек кој обедини повеќе граѓански организации и здруженија, истакнати стопанственици, луѓе од политичкиот живот, образованието, културата и спортот за листата на советници на претстојните локални избори. Од ГРИН велат дека нивната листа има кандидати кои со еден збор кажано се луѓе кои ја сакаат Битола, кои сакаат да помогнат да се направи подобро место за живеење за сите граѓани и за генерациите што доаѓаат. 
-Тековски потекнува од семејство кое во градот е препознатливо по својата работливост и претприемачки дух. Неговите родители со години воделе мали семејни бизниси на надалеку прочуениот Широк Сокак, место каде што и тој го поминал своето детство и младост. Токму таму во секојдневните контакти со луѓето, ја научи вредноста на чесната работа и искреното другарување, велат од ГРИН. Стефан Тековски средно образование стекна во Медицинското училиште „Д-р Јован Калаузи" во Битола. Воден од хуманоста и силната желба да им помага на другите, уште тогаш ја разви својата љубов кон медицината и продолжи на факултетот за ветеринарна медицина при универзитетот „Св. Кирил и Методиј" во Скопје каде две учебни години работи како демонстратор на катедрите по Биологија и патологија на дивеч, Биологија и патологија на пчели. Потикнат од успешноста на неговиот татко во оваа област и Стефан се посвети на грижата за животните и нивното здравје. Стефан Тековски е оженет, татко на едно дете, што дополнително го зајакнува неговото чувство за одговорност и визија за подобра иднина на младите генерации во Битола.
-Денес, како млад човек со силни семејни вредности, со искуство и јасна визија, ја имам честа да бидам носител на советничката листа на "ГРаѓанска ИНицијатива - ГРИН" . Мојата мисија е преку чесна, транспарентна работа да придонесам за современа, поразвиена и похумана Битола, град кој ќе овозможи подобри услови за живот и преспектива на сите генерации во Битола.", вели Тековски во своето претставување пред битолчани.
Уметницата Лара Ташковска со изложба во Битола во галерија "Ранко Струмениковски"
Септември 27, 2025Лара Ташковска, следбеник на семејно сликарско стебло
Семејните традиции се мошне важен патоказ и показател дека претходниците зацртале вистински вредносен систем и воспитување. Особено важно и значајно е тоа кога станува збор за семејна традиција од областа на уметничкото творештво, во случајов со сликарството. Патем тоа е ликовната традиција на , засега, три генерации сликари, почнувајќи од Ристо Ристовски (1912 - 1987), Васко Ташковски и Лара Ташковска. Уметницата Лара Ташковска е доследен следбеник на едно семејно сликарско стебло кое дало и дава значаен придонес во современото македонско сликарско творештво кое одамна ги надмина нашиве простори.
Уметницата Лара Ташковска, пред битолската публика во Галеријата ,,Ранко Струмениковски" се претставува со дваесеттина дела во техника акварел и масло на платно, создадени во последниве неколку години.
Надреалниот пејсаж илустриран со пасторални мотиви се само ,,средства" за изразување на својот немир и творечки стремеж. 
Пределите со вулкански ерупции проткаени со оган и пламен навестуваат посакуван нов свет и хумани релации и односи. Секако, да се стаса до тој нов свет, уметницата Ташковска го употребува и мечот Ескалибур кој треба да ја отвори утробата на земската вистина за да завладее праведност и да дојде до израз неговата волшебна моќ за заштита од зло и од непријателства.
Во делата на Лара Ташковска доминира модро сината гама на нијанси проткаени со пурпурни тонови на огнот,пламенот, вулканот кои се често присутни во нејзините дела, но не со значење на согорување и уништување туку како ново создавање. Огнот, поточно има значење на Феникс со што се посакува ,,изродување" на нов, посовршен, почовечки свет. Со еден збор, копнежот кон возвишеност и совршеност се вистинските придружници во делата на уметницата Лара Ташковска, која таа на сопствен, оригинален и доследен начин ги следи и успешно ги практикува.
д-р Драган Ристевски, галерист
Најчитани
