АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Април 24, 2026
Анета Блажевска
Коњановски - До доцна во ноќта се работеше на санирање на последиците од обилните врнежи
Јануари 08, 2026Денеска градоначалникот на Битола, Тони Коњановски одржа координативен состанок со директорите на јавните претпријатија кои синоќа работеа на решавање на проблемите предизвикани од обилните врнежи дожд. Дел од активностите продолжуваат и денеска.
Како што беше информирано на состанокот според податоците од мерната станица на хидро-системот „Стрежево“, која се наоѓа на браната, во текот на изминатиот ден за само 12 часа паднале 42 литри на метар квадратен дожд, што е енормно голема количина на врнежи кои предизвикаа водотеците да донесат големи количини на вода.
Во стрежевската акумулација во моментов има 67,2 милиони метри кубни вода, а само во текот на вчерашниот ден прибрани се 3 милиони метри кубни вода. Тоа, како што беше кажано, се големи количини на вода за кусо време.
Градоначалникот на Битола вели дека ова се совпаѓа и со податоците од Управата за хидрометеоролошки работи која дава 32 литри на метар квадратен, но за 24 часа на територија на Битола, но ова се конкретни и точни податоци за 12 часа.
Во текот на вчерашниот ден екипи на јавните претпријатија „Нискоградба“, „Водовод“, АД Водостопанство, хидро-системот „Стрежево“ и „Комуналец“ излегоа на терен некаде после 15:00 часот со зголемувањето на врнежите.
„Нискоградба“ интервенираше со четири тешки машини во Боримечка, во делот на населбата Стрчин, Лавчански пат. Единствен застој во градот беше излевањето на реката „Курделес“, која не можеше да ги прибере обилните количини на вода кај стариот „Прогрес“.
Тој застој на улиците „Крушевска“ и „Македонска фаланга“, експресно брзо беше саниран и отстранет, за еден час беше решена ситуацијата, а до доцна во ноќта екипите го чистеа потегот на раскрсницата.
„Нискоградба“ исто така делуваше и во селото Канино, Кажани, Ѓавато, Жабени и дел на каналот Сива вода, улицата „Скоевска“.
Денеска „Нискоградба“ со оператива интервенира во Кравари, Канино, Барешани и дел од Буковски ливади.
„Водовод“ со две машини и екипи учествуваше во интеренцијата во Кравари, а денеска на потегот на Логоварди.
Се чистат канали каде што има застоени води и она што е останато од вчерашното невреме.
АД Водостопанство „Битолско поле“ во текот на вчерашниот дел делуваше со една машина, а денеска ќе делува и со гасеничар. Вчера беше интервенирано на Велушка река, кон селото Породин, Новачки пат кај фармите во Логоварди и во Кравари.
Денеса се на потегот од Жебени кон петтиот канал.
Јавното претпријатие „Стрежево“ вчера делуваше на потегот Лера-Доленци, патот беше во прекин заради излевање на реката „Шемница“, а денес се во Кравари.
Во врска со каналскиот систем, Коњановски вели дека во текот на изминатата година благодарение и на јавните претпријатија на Битола, а особено на АД Водостопанство „Битолско поле“ се она што беше во нивна ингренција беа исчистени најголемите собирни канали кои се на територијата на Општина Битола па и пошироко, особено петтиот канал, кој доколку не беше исчистен денеска ќе имавме многу полоша ситуација, како што е во други градови.
„Во текот на вчерашниот ден ние немавме поплавени улици во градот, на толку обилни дождови, освен излевањето на „Курделес“ што направи краткотраен застој во одвивањето на дел од сообракајот“, истакнува Коњановски упатувајќи благодарност во екипите кои во празничната ноќ се справуваа со проблемите предизвикани од обилните врнежи од дожд.
Од 10 часот почна 48-часовно затворање на граничниот премин Ники-Меџитлија поради протести на грчките земјоделци
Јануари 08, 2026Водата кај стариот „Прогрес“ во Битола е повлечена, јавните претпријатија ги санираат проблемите од обилните дождови
Јануари 07, 2026Општина Битола доцна во ноќта соопшти - Градоначалникот на Битола, Тони Коњановски кој вечерва е на терен информира дека кај стариот „Прогрес“ на улиците „Крушевска“ со „Македонска фаланга“ водата е повлечена, а екипи на јавните претпријатија „Водовод“, „Комуналец“, „Нискоградба“ и на противпожарната единица на Битола пристапија кон чистење на локацијата.
Во селото Кравари работат три машини на каналската мрежа, една од АД Водостопанство подружница „Битолско поле“ и две машини од јавното претпријатие “Водовод“.
Вечерва градоначалникот на Битола со екипи од „Битолско поле“ и другите јавни претпријатија беа на увид по течението на реката „Драгор“ до вливот на река „Црна“, при тоа ги посетија населените места Долно Оризари, Карамани и Трн. Состојбата е стабилна, реката „Драгор“ ги прибира сите води и ги носи во главниот реципиент реката „Црна“. На мерната станица на река „Црна“ кај Новаци, водостојот е 2,18 метри што е очекувано по обилните дождови. На мерната станица на „Стрежево“ измерени се 40 литри на метар квадратен во изминатите 12 часа, што е количина која по дефиниција предизвикува локални поплави.
Екипи на „Битолско поле“ од 16:00 часот биле на терен со машина роковопач на Новачки пат кај селото Логоварди по барање на жителите, направија увид на состојбата во Долно Оризари, Карамани, по течението на реката „Драгор“ и последната интервенција во селото Кравари во координација со јавните претпријатија и Општина Битола. Утре „Битолско поле“ со целата расположлива механизација продолжува на терен со санација.
Битолска „Нискоградба“ интервенира во селото Канино, на улицата „Скоевска“, а ќе се интервенира во Кажани, како и на влезот на Битола кај Горно Оризари.
Претходно интервенираа и над локалитетот „Хераклеа“, каде имаше проблем од надојдената вода, потоа на улицата „Солунска“ во населбата „Боримечка“, на Лавчански пат и населбата „Стрчин“.
Јавното претпријатие „Стрежево“ интервенира во селото Лера, заглавено дрво во малиот мост кој спречува истекување на водата. Од претпријатието информираат за многу надојдена вода во реката „Шемница“, а патот кој води за селото Доленци е привремено затворен за движење.
Екипите се на терен и секаде се следи состојбата.
Бојкоски - Санирана е состојбата на ул. "Крушевска Република" по излевањето на реката Курделес
Јануари 07, 2026Улицата "Крушевска Република" во Битола е проодна! По излевањето на реката Курделес, со брза и навремена интервенција, состојбата е ставена под контрола, соопшти вечерва Бојан Бојкоски претседател на Советот на Општина Битола. .
- Улицата Крушевска Република е проодна.
Екипите на јавните претпријатија беа веднаш на терен и интервенираја со градежна механизација. 
Се продолжува со следење на состојбата, а безбедноста на граѓаните е на прво место, објави Бојкоски. 
Градоначалникот Коњановски во поплавените подрачја во Битолско - екипите работат на санирање на состојбите
Јануари 07, 2026НА ТЕРЕН, ЕКИПИТЕ РАБОТАТ НА САНИРАЊЕ НА СОСТОЈБАТА Градоначалникот Тони Коњановски објави дека екипите на јавните претпријатија се на терен и се работи на санирање на состојбите.
По обилните врнежи од дожд кои деновиве, а особено попладневно го зафатија и битолскиот регион дојде до поплавуавње на дел од селото Кравари од каналската мрежа. На лице место сум со директорот на јавното претпријатие „Водовод“ Битола, Андреј Гинов, каде на лице место ја следиме состојбата.
Битолски „Водовод“ во Кравари интервенира со механизација, а станува збор за проблем со каналската мрежа која не може да ја прими големата количина на вода. Заради ова екипите на „Водовод“ работат на лоцирање на најкритичните точки, со цел што поскоро санирање на состојбата.
Се сретнав и разговарав со жители од ова населено место и заеднички се обидуваме што поскоро да ја ставиме состојбата под контрола.
Во интервенцијата се приклучија и екипи со механизацијата од водостопанското претпријатие „Битолско Поле“.
Остануваме на терен до санирање на состојбата.
Се излеа „Курделес“ - Општина Битола работи на санирање на состојбите по обилните врнежи од дожд во битолско
Јануари 07, 2026(ВИДЕО)На битолското село Кравари му се закануваат поплави, жителите бараат брза интервенција од надлежните
Јануари 07, 2026Битолско Кравари е под вода! По обилните дождови што го зафатија Битолскиот регион, селото Kравари е во сериознa ситуацијa од опасност од поплавување на куќи и подруми, изјавија за Апла, жители на ова населено место. Пониските делови од селото веќе се со насобрана вода. Жителите бараат интервенција од надлежните. Од Општина Битола информираат дека мобилизирани се екипи од „Битолско поле“, „Водовод“, „Стрежево“ и ќе се интервенира во Кравари, во Канино, Лера, Горно Српци, на река Црна, потесното и поширокото градско подрачје на општината. Видео https://www.facebook.com/reel/1448897830183897
Анета Блажевска
Видео Апла.мк
Општина Битола обезбеди бесплатен превоз до ски-центрите на Пелистер
Јануари 07, 2026Општина Битола обезбеди бесплатен превоз до ски-центрите на планината Баба, кој ќе се реализира утре (четврток) и во петок.
Од Општина Битола информираа дека локалната самоуправа и јавното претпријатие „Пелалинк“ и оваa зима за време на зимскиот распуст за учениците, но и за сите граѓани обезбедија бесплатен превоз до ски центрите на Нижо Поле и „Молика“.
Утре, 8 јануари и на 9 јануари, бесплатно може да се користи автобуската линија број 1 за ски центар Ниже Поле, а тргнувањето е во 8:00 часот од паркингот кај Спортската сала, и автобуската линија број 2 за превоз до хотелот „Молика“, а поаѓа во 8:00 часот од паркингот кај Новиот пазар.
Враќањето на двете линии од ски центрите е во 13:00 часот, соопштија од Општина Битола.
Најчитани
