Починато машко лице било пронајдено денес во стан на улица „Димче Лахчански“ во Битола. Веста дигна голема прашина на социјаните мрежи и меѓу жителите на Битола. Засега има само неофицијална информација дека починатото лице било во самоизолација.

Од полција само ја потврдуваат смртта и тоа дека направиле увид и работат на расчистување на случајот.

Битола не е меѓу градовите во кои во изминатите 24 часа беа регистрирани новозаболени пацинети од Ковид 19. Министерот за здравство Венко Филипче на денешната прес конференција изјави дека потврдени се 26 нови случаи , од кои во Дебар 1, Скопје 19, Прилеп1, Куманово 3, Тетово 1, Крива Паланка 1. Вкупно на територијата на државата има 285 лица заболени од Ковид 19. .

Во Битола до вчера имаше 256 битолчани кои се во самоизолацијата и други 18 лица кои се во контролирана изолација, па ги проверува и полициска екипа, соопштија за Апла.мк од СВР Битола. Во оваа статистика не се вклучени нашинците кои се во карантин во два хотела во Битола. На ниво на Секторот за внатрешни работи-Битола, кој опфаќа шест градови меѓу кои Битола, Прилеп, Ресен, Демир Хисар, Крушево и Македонски Брод во изолација има вкупно 648 граѓани. 

Ж.З.  

Строги контроли се спроведуваат вечерва за време на полицискиот час во Битола. Фотографијата е направена на крстосницата кај Бела чешма меѓу улиците Иван Милутиновиќ и Едвард Кардељ. Фото Апла.мк .

Првиот регистриран случај на коронавирусот во Битола, Христијан Трпчевски, пред малку се огласи на својот ФБ профил и одговори на сите обвинувања, стигматизирања, исмејувања на социјланите мрежи на негова сметка. Вели дека најверојатно се заразил од некој пациент во болницата „Плодност“ и покрај сите епидемиолошки мерки што се спроведуваат во оваа здравсвена установ. Раскажува за симптомите на болеста кој биле  како обичен грип  и одлуката да се тестира. Но првиот тест покжал дека е негативен на коронавирусот, но сепак, инсистирал на второ тестирање кое покажало дека е корона позитивен. Тој апелира секој кој има најмал сомнеж за добивање на овој вирус да се тестира. Ви го пренесуваме целиот ФБ статус на Христијан Трпчевски.