АД ЕСМ долгорочно ќе изгради 1000 MW фотонапонски електрани како клучен дел од планот за енергетска трансформација, односно префрлање на производството на електрична енергија кон обновливи извори, изјави генералниот директор на АД ЕСМ, Васко Ковачевски на енергетскиот форум МЕФ 2021.

,,Над 70% од нашето производството во моментов доаѓа од јаглен, и тоа за нас е голем императив да спроведеме брза енергетска транзиција, но која мора да биде и праведна, односно вработените да останат во компанијата со работни задачи соодветни на промената во производството. Работиме на ширење на нашето производно портфолио, пред се во делот на обновливите извори на енергија”-изјави директорот Ковачевски.

Ковачевски потенцираше дека фотонапонските електрани ќе се градат во еден дел како сопствени инвестиции на АД ЕСМ, а во еден дел како јавно-приватно партнерство.

Покерај производните капацитети од ветер и сонце, беше нагласено и значењето на поседувањето што почисти производни капацитети за базна, балансна енергија, за што беа наведени планираната гасна електрана во РЕК Битола, проширување на гасната електрана Енергетика во Скопје, планот за пренамена на ТЕЦ Неготино во електрана на гас и изградбата на големата хидроелектрана Чебрен.

За Чебрен до крајот на годината се очекува првичен договор кој би бил основа за јавно-приватно партнерство со една од 9-те квалификувани компании кои аплицираа на јавниот повик да бидат партнери на АД ЕСМ за изградба на овој капитален проект.

Европската комисија го усвои националниот Дигитален сертификат на Република Северна Македонија и истиот го смета за еквивалентен на Дигиталниот сертификат на ЕУ. Ние сме прва земја во регионот за која сертификатите за КОВИД-19 ќе се сметаат за еквивалентни на Дигиталниот сертификат на ЕУ, индормираат од Министерството за здравство

Министерството за здравство информира дека на вакцинираните граѓани на располагање им се ставени повеќе опции со кои може лесно да стигнат до документ дека се вакцинирани.

Министерот за правда Бојан Маричиќ на денешната прес-конференција објави дека во Владата поминале измените на Кривичниот законик, со кои заштитата на медиумските работници и жените се издигнува на многу повисоко ниво. Според министерот, овие измени ќе придонесат за намалување на случаите за напади и закани кон новинари.

-По завршувањето на објектот,  во тек е партерно уредување околу Офицерски, соопшти градоначалничката Наташа Петровска.

„30 години не се зборуваше за образование, не инвестиравме како држава. Има ли држава која може да биде силна, која се стреми да постигне стандарди европски, па и светски, а притоа не инвестира во образование, а на полна уста зборувате дека сте патриоти? Како некој може да биде патриот, а не се секира дали утре ќе имаме лекари, наставници, инженери. Каква е таа држава која својот капацитет не го гаи од најамала возраст? Рековме тоа ќе се промени зашто тоа го бараа наставниците, учениците, родителите зашто сите тие кои гледаа дека образованието не чини ги испраќаа децата надвор или ги запишуваа во приватни училишта. Такво нешто значи директно уништување на државата. И сега некој кажува дека сме брзале, дека требало полека, а јас велам да ние треба да одиме со брз чекор зашто вие 12 години не само што ништо не поместивте туку и уназадивте“, рече министерката за овразование Мила Царовска на трибината на СДСМ „Најдоброто за нашата општина“ во Битола.

-И денес без страм и перде не само што ги кочат реформите во образованието, туку се обидуваат на секој начин и понатаму да ги деградираат наставниците. Но, јас пред сите вас ветувам, а и пред нив во интерес на децата и на државата дека новиот концепт од септември почнува во прво и четврто. Тој ќе ги покаже резултатите и позади него сите на крај ќе застанеме. И тие ќе застанат зашто нашите деца ќе бидат задоволни, зашто програмите се усогласени со новото време, зашто нашите деца треба да научат да учат, да поврзуваат и да се справуваат со проблеми, се што денес не учат. И нашите деца не се помалку интелигентни од децата во развиените земји. Но, ние им го крадеме потенцијалот, неодговорно и себично како возрасни. Коколу и да се непопуларни политики во моментот ќе продолжиме да го работиме зашто знаеме дека за многу скоро ќе станат продуктивни здрави политики, рече Царовска.

За еден до два месеца конечно ќе се постави сончевиот часовник на Еврејските гробишта во Битола, соопшти израелскиот амбасадор Дан Оријан на последната средба со битолските новинари пред неговото заминување од амбасадорската функција. Часовникот кој е изработен според цртежите на уметникот Мати Грумберг од Израел, последното Еврејче родено во земјава пред самата депортација, кое го преживеало Холокаустот, чека повеќе од две години да биде ставен на Гробиштата поради правни работи зашто локацијата е културно наследство од прва категорија.